العربية صوتها بيبقى عالي و بتنعر حرفيا لما بازود بنزين و انا ماشي
و وديتها المقطم قالوا لي هي صوتها كده
و انا مش مقتنع !
مش ممكن يكون صوت الميجان اعلى من صوت اللانوس !
اعمل ايه ؟ :(
عرض للطباعة
العربية صوتها بيبقى عالي و بتنعر حرفيا لما بازود بنزين و انا ماشي
و وديتها المقطم قالوا لي هي صوتها كده
و انا مش مقتنع !
مش ممكن يكون صوت الميجان اعلى من صوت اللانوس !
اعمل ايه ؟ :(
كلمنى هديك نمرة دكتور كويس
هى الميجان صوتها اعلى شويه فى الأول انما على السرعة صوتها معقول
العربيه عامله كام كيلو معاك يعنى جدييده لسه ولا ايه ؟
والصوت العالى اللى تقصده وانت ماشى على الطريق ولا وهى واقفه ؟
ايه ياعم تامر
انت هتخوفني ليه !!
الصوت العالي مصحوب بأي اعراض اخرى من النوع المألوف :-) يعني استهلاك بنزين عالي..العربية مخنوقة..طحينة في مياه الرايادتير..كدا يعني
انت بتسمعه وانتا قافل الشباك بس لكن مش مشكله افتح الشباك شويه وانت ماتسمعوش
صح واللا ايه اصلي انا بعمل كده ومابسمعش الصوت الا وانا قافل الشباك
غالباً الزيت او زيت الفتيس
متوسط استهلاك البنزين كام وهل نظفت رشاشات قبل كده وهل مونت 95 وجربت الفرق؟
هى الميجان فيها مشكلة فى عزل صوت الموتور فعلاً.......يعنى لو قافل الأزاز و قرصت شوية بتسمع الصوت كويس...........و ده كمان زيادة علشان 4 نقلات........لو 5 كان الصوت هيبقى أهدى من كده.
9 لتر او 9 و شوية في ال100 كيلومتر (طبقا لكمبيوتر الرحلات)
مش معقول تكون بالدرجة دي يا استاذ احمد
صوتها اعلى من صوت اللانوس و الصني :(
عديت دلوقت على عادل الميكانيكي اللي في صقر , مجرد ما طلع بيها قال لي دي قاعدة فتيس
9 ليتر في ال100 كيلوا دة انا عندي جوة البلد بتعمل 13 ليتر في 100 كيلو هوا دة هيبقي عيب اية؟؟؟؟؟؟؟؟؟؟
بالنسبة للصوت جرب تشيل الغطاء بتاع الموتور البلاستيك تلقيهم في التوكيل كسرو البنز بتاعوا فا بيعد يخبط في الموتور
ممكن تكون حاجة من الثلاثة بلية شداد دينامو او كاتينة او طرمبة مية ما دام كشفت على الزيت و طلع كويس
بص أنا كنت زيك كدا اول اما جبتها بسمع صوت جاموسه بتنعر في الموتور مع الحرق عليها وانا قافل الشباك هو الحقيقه أنا اهتميت بيه شويه في الاول لكن كان معاه موضوع رجه خفيفه وانا بسخن الصبح جبت منظف رشاشات وفولت ٩٥ وفتحت الشباك شويه وشغلت موسيقى كمان حاليا مش عارف يا اما الصوت قل يا اما أنا انطرشت ومش بسمع زي الاول لكن غالبا العربيه مافيهاش حاجه استنى اما تغير زيت وحط نوع تاني وشوف لان انت ماعندكش الحمد لله اعراض حاجه من اللي بتتكتب دي لا سيور ولا بلي ولا غيره والله اعلم.
طيب يبقى علشان تعرف أنت عندك مشكلة ولا لأ..يبقى لازم تجرب عربية حد من الوحوش.
حاول تبرشط على حد بقى و شوف معاه...........و أنا أنصح بأى من الوحوش التالية:
العقيد خالد
أيمن مومو
المهندس هشام مكى.
ممكن تجرب عربيتى بس أبعتلى فورمال ميييل :)
لو الصوت العالى بيكون لما تمشى ثابت على rpm 3 غالبا حيكون السبب قاعدة الفتيس (ودى حصلت معايا ولما غيرتها المشكلة اختفت) .. ممكن بردو تكشف على قواعد الموتور
أيه الأخبار طلعت قاعدة فتيس