الموضوع: صوت زنة من الشكمان لما بزود بنزين..ياترى ايه السبب؟!!

السلام عليكم

الموضوع باختصار يجماعة اننا غيرت الشكمان كامل من أول السوستة اللي قدام لأخر العلبة اللي ورا (لعربيتي دايو لانوس 2006 كامل) من يجي 4 شهور كده بسبب ان الميكانيكي اللي روحتله...

المشكلة باختصار كانت ان العربية مبتسحبش خالص ومكنتش بتعدي 2rbm بالكتير وانا دايس بنزين على الاخر,

المهم عملت كل حاجة ممكن تتخيلوها من تغيير جميع الفلاتر والبوجيهات وأسلاك البوجيات وسير الكاتينة والبلية والشداد ونظفت البوابة وشيكت على كهربة العربية كلها

بل وصل الأمر اننا اشتريت طرمبة بنزين جديدة وركبتها بس لما لقيت العربية زي ماهي رجعتها تاني.

المهم الميكانيكي قالي يبقى العيب من الشكمان وأنا اقوله متأكد يقولي ايوا

فروحت لواحد بتاع شكمانات والميكانيكي معايا واشتريت شكمان جديد كامل للعربية والراجل فك القديم كله وطلعه برا وركب الجديد.

ودفعت له 650 جنيه.

وفي الاخر طلع فيه ترس في التقسيمة فيه سنة مكسورة وغيرته بواحد جديد أصلي بــ 55 جنيه!!

والعربية بعدها فاقت وركبها 100 عفريت(ماشاء الله)

المهم المشكلة دلوقتي اننا بعد ما غيرت الشكمان بقيت أسمع صوت (زنة) واضح جاي من الشكمان لما أزود بنزين

ياترى ده ايه سببه؟

في ناس بتقول ده طبيعي لأن الشكمان لسه جديد والكربون ما اتطبعش فيه.

بس الشكمان دلوقتي بقاله 4 شهور ومشيت عليه يجي 3000 الاف كيلو.

ياترى ده طبيعي ولا ايه المشكلة؟

مستني رد حضراتكم.

واسف للإطالة.

انا برضه ماكنتش موجوده قبل كده وبقت موجوده بعد ما غيرت جوان الفرن اللى واصل بالشكمان
والمشكله لسه عندى ومضايقانى قوى بس ماعنديش وقت اروح اصلحها
ياريت لو حضرتك حليت المشكله تقولى هو بسبب انه بيهتز وبيخبط فى جسم العربيه من تحت ولا حاجه غير كده؟
تقبل تحياتى