طب ياجماعه سؤال يعني ايه زيت معدني يعني الفرق ايه انا مش عارف؟
عرض للطباعة
طب ياجماعه سؤال يعني ايه زيت معدني يعني الفرق ايه انا مش عارف؟
1- زيت تخليقى
هو زيت تكوينه الكيماوي معدل في المعمل من زيوت لها خواص مختلفة عن زيت المعدنى لانه زيت صناعى
مثل موبيل 1 شل التر كاسترول ايدج
2-الزيت المعدنى
هو زيت مصدره البترول المستخرج من باطن الأرض يعنى من مشتقات البترول وبيتم تكريره وتنقيته
مثل موبيل xhp وشل الاصفر وشل الاحمر
:hihihi::hihihi:
الزيت التخليقي أفضل من ناحية الأداء .. ولكنه أغلى بالسعر
ومدة استعمالة على حسب ( جودته ولزوجته ) وهل هو ( شبه تخليقي أو تخليقي بالكامل )
مميزات الزيوت التخليقية:
1- ثبات كيماوي وفيزيائي أفضل (يعني مش بيتحلل أو يفقد لزوجته بسرعة)
2- موفر في الوقود لإنه بيساعد الموتور يتحرك بسهولة أكبر
3- بيحافظ على الموتور لما بندوره الصبح لإنه بيوصل بسرعة للأجزاء اللي ما اتزيتتش
4-عمر أطول للموتور
5-سرعة تدفق أعلى من الزيت العادي، فيقدر يزيت الموتور أحسن
6-معدل بخر أقل
7- أداء أحسن في درجات الحرارة العالية قوي والمنخفضة قوي.
الجزء الثانى قراءة الرموز
اول رمز
SAE (Society of Automotive Engineers
مثل رمز 5W-30
هو مقياس لسرعة سريان الزيت داخل المحرك كلما انخفض الرقم زادت سرعة السريان
الزيوت نوعين احادى الدرجة وده sae 50 لا يفضل للسيارات الحديثة
النوع الثانى sae 5w-30 مثلا
الرقم الاول بتاع حرف w ده المقصود بيه درجة السريان عند بدا تشغيل المحرك والرقم 5 و0 احسن رقمين لان سرعة السريان عالية والزيت اعلى يقال يتم التزيت فى خلا 1.3 ثانية علميا المحركات تتاكل فى بداية التشغيل اسرع
نجى للرقم الثانى الى هو 30 درجة سريان الزيت عند ارتفاع درجة حرارة المحرك
فى معلومة ثابتة كلما ذاد الرقم الثانى الى هو 30 الى 40 او 50 استهلاك الوقود ارتفع والاداء قل ولكن التبخير هيكون اعلى
ثانى رمز American Petroleum Institute API
معهد البترول الامريكى
ده تقيم للزيت وكفائة الزيت
مثال API SM/CF
الرمز S يرمز لمحركات البنزين ومحركات C لمحركات الديزل
الحرف الثانى M او F ده مستوى الزيت كلما تاخر الحرف كلما كان الزيت افضل يعنى M افضل من L و N افضل من M
واعلى تقيم موجود API SN/CF
زيت موبيل 1 اللى بيمشى عشره الاف بيخف وبيحل شويه بعد 6000 يعنى ماينفعش تقعد بالزيت لحد نهايه العشره لازم قبلها شويه لكنه زيت ممتاز ومعتمد من عربيات كتير زى تويوتا
زيت شل بيجى من بره مش بيتعبى هنا وبالتالى لازم تجيبه من مصدر موثوق فيه وهو بنفس المستوى لكن فى بعض الناس بتفضله اكتر من موبيل ويمكن هى بيوطى صوت الموتور شويه لكن مش علطول فى الفتره الاول فقط