بعد ما غلبت في الفتيس ( ارجو الرد بسرعة )

بعد ما خلاص العربية كرهتني فى الفتيس الاتو كله قررت اني احول العربية مانيوال
فممكن ابدأ ازاى يعني هأبدأ منين او ايه اللي هيتعمل فى العربية بالظبط عشان احسبها صح
انا عربيتي اوبل كاديت كنت مسقطلها موتور كورسا ع الفتيس الاوتو بتاعي وبعد شويه بدأت المشاكل تظهر شوية قربة وشوية فتيس من جوة ودفعت فلوس كتير بلا استفادة وحتى الان توجد مشكلة ف قربة الفتيس وركبت اكتر من 10 قربات ومشتغلوش عشان كدة قررت انى اقلبها مانيوال
وبسأل لاني لما سقط الموتور معدلتش اي حاجة بمعنى اصح مغيرتش حاجة خالص فهل لو عملت كدة ف الفتيس مش هغير القواعد مثلا ( عشان دي اهم حاجة عندي )
وعارف اني هركب عصاية جديدة واعملها فاتحة وكمان دواسة دبرياج
ممكن حد يفيدني انا الفتيس القديم الاوتو اللي هو الفتيس المدفع بتاع البويك سكاي لارك 3 غيار ده الاستاندرد بتاع العربية والله خلاص قربت اولع ف العربية

ارجو الرد بسرعة لاني مش عارف اخد قرار:I_angr1[1]:

طيب يعني ما تجرب تجيب الفتيس بتاعها اوتوماتيك استيراد اظن اغلب مشاكلك هاتتحل لانك علشان تقلب من اوتو لمانيوال هاتغير حاجات كتير اهمهم الكنترول ولو الصنايعي مش عارف بيعمل ايه هايبوظلك الدنيا وهاتكره نفسك بجد

الاستاذ احمد قالك على حل و هو انك تجيب فيتيس اخوه استيراد كامل
و الحل التانى طالما الموتور عندك كورسا
يبقى هتجيب فيتيس كورسا بلعصايه بتاعته بلقواعد و معاه طقم دواسات مانيوال كورسا
بييجى القطم على بعض فيه الفرامل و الدبرياج
و دسك و اسطوانه جداد علشان تشترى دماغك و خلص الحوار على كده
انت عندك حلين دلوقتى شوف الحل الاسلم ليك و اختاره

اقتباس:

---

المشاركة الأصلية كتبت بواسطة madawbs

طيب يعني ما تجرب تجيب الفتيس بتاعها اوتوماتيك استيراد اظن اغلب مشاكلك هاتتحل لانك علشان تقلب من اوتو لمانيوال هاتغير حاجات كتير اهمهم الكنترول ولو الصنايعي مش عارف بيعمل ايه هايبوظلك الدنيا وهاتكره نفسك بجد

---

يعني ياباشا تفتكر اني مفكرتش ف كدة !!!!!!!!!!!!11
اولا : الفتيس بتاعها مش موجود
ثانيا : لقيتو عند واحد بس وبمبلغ خيالي والله خيالي بمعنى الكلمة وكمان مش مضمون يعني الله اعلم وكل ده بيعد عليك
ثالثا : انا كدة كل اللى بايظ عندي قربة بس مش لاقيها جديدة ولا استيراد سليمة لان كل اللي ركبتهم مشتغلوش
رابعا : بالنسبة للاستاذ احمد انا عربيتي مفيهاش كنترول ولا كمبيوتر انا ركبت الموتور ع الكربراتير القديم

وعلى كل الاحوال شكرا على سرعة الرد

برده انا عايز اعرف ايه الخطوات اللى ابدأبيها لو ناويت اني اغير لمانيوال

انا قلتلك الخطوات فوق اهى ^_^

اقتباس:

---

المشاركة الأصلية كتبت بواسطة ahmedprelude

انا قلتلك الخطوات فوق اهى ^_^

---

طب هو كدة انا هعدل قواعد ولا ايه

اقتباس:

---

المشاركة الأصلية كتبت بواسطة ahmedelaraby

طب هو كدة انا هعدل قواعد ولا ايه

---

على حسب قواعد الفتيس بتاع الموتور ممكن ييجى هو هو و ممكن مكان القعده يبقى مختلف

اقتباس:

---

المشاركة الأصلية كتبت بواسطة ahmedprelude

الاستاذ احمد قالك على حل و هو انك تجيب فيتيس اخوه استيراد كامل
و الحل التانى طالما الموتور عندك كورسا
يبقى هتجيب فيتيس كورسا بلعصايه بتاعته بلقواعد و معاه طقم دواسات مانيوال كورسا
بييجى القطم على بعض فيه الفرامل و الدبرياج
و دسك و اسطوانه جداد علشان تشترى دماغك و خلص الحوار على كده
انت عندك حلين دلوقتى شوف الحل الاسلم ليك و اختاره

---

مانا قصدي فتيس كورسا

ربنا يعينك لما مشاكل العربية بتكتر بتبقى حاجة تتعب بجد!!!

اقتباس:

---

المشاركة الأصلية كتبت بواسطة forget

ربنا يعينك لما مشاكل العربية بتكتر بتبقى حاجة تتعب بجد!!!

---

شكرا لذوق حضرتك

يا تجيب الفتيس الاوتو بتاع نفس المكنه اللي مسقطه و اعتقد انه لما متعملش تعديل و انت بتسقط المكنه يبقي في الغالب الفتيس نفس الوضع و اللي ياكد الكلام ده الميكانيكي