-
تنصحونى بايه يا اخوانى
انا داخل على سمكرة ودوكو وتظبيط عفشة
1- ابدا منين بالتدريج
2- وفية حاجة مهمة انا عاوز اركب مرايتين كهربا للعربية الضفيرة موجوده بتاعتهم فية مرايات تركب عليهم على نفس سلوكهم ضم يدوى مش مشكلة بس يكونو كهربا كان الاخ طنانى اتكلم على مرايات الاسترا بيتعملها تعديل ممكن توضحلى يا طنانى علشان لوجيبتهم ولو فية مرايات احسن برضو قولى
3- عندى مشكلة فى الباور تقيل وكل ما الفة يمين او شمال العربية ترجرج ولو جبتة على الاخر يمين او شمال العربية تعمل زنة صفاره وتفصل ده ممكن يكون ايه ...... ارجو الافاده يا عصابة ضرورى
:pffft::pffft::pffft::pffft::pffft:
-
1. السمكره هتبدأ بالبارومه لو موجوده و الأرضيه لو فيها حاجة و بعدين الأبواب و السقف
و طبعاً هتروح لسروجى يفك العربية من جوه خالص
متسبشى جواها حاجة تبوظ لو هتعمل سمكرة كامله
2. مرايات الأسترا شكلها حلو قوى
و بتاعت اوبل
و بتركب مظبوط بنسبه 80%
الضفيره عايز حد يعرف يقسمها بس
و هتجيب زرار للمرايا
بالكفر بتاعه
3. ده يا اما الطرمبة تعيش انت
يا سدد فى بلوف العلبة اللى بتدخلها زيت او فى حته فى الدايرة ماسورة متنية
-
العفشة بعد ما تخلص سمكرة
و اكيد الدوكو فى الأخر
-
شكرا يا طنانى على الرد انا عندى زرار المرايات راكب جاهز فى الباب جنبى لان اصلا كانو راكبين عندى كهربا بتوع الاوبل الفكترا ايه بس تعيش انت ما عدوش ينفعو والكفرات متكسرة وحالتهم يرسى لها
بالنسبة للباور انا ماعنديش مواسير متنية ولا حاجة الباور كان عندى خفيف وميه بس رحت للميكانيكى رجعهولى زفت انه يتصلح تانى مافيش فايده ومحدش هنا فى بورسعيد بيعرف حاجة صانيعية يعنى اروح ليميكانيكى يقولى عفشجى والعفشجى يقولى كهربائى والكهربائى يقولى ميكانيكى كله بيرمى على التانى وانا فى النص مش عارف اعمل ايه لو فيه حد يعرف عفشجى كويس فى بورسعيد يقولى او ميكانيكى وكهربائى من الاخر
-
النهارده رحت اسال على مساعدين امامى وخلفى جداد من الشركة الالمانية عندنا فى بورسعيد لقيت عنده نوع اسمة بوجى boge وقالى صناعة المانى زيت وغاز الاتنين مع بعض هل فية حد عنده علم بالمساعدين دول حد جربهم او عنده معلومات عنهم والسعر امامى 650 الجوز والخلفى 550 جنية
وسالت على تيل الفرامل الخلفى بالمرة نوع اسمة روود هاوس اسبانى وقالى احسن من الريمسا وسعرة 160 جنية
-
اللى جربهم قال ممتازين
اعتقد فادى اللى جربهم
-
النهارده رحت للعفشجى وجرب العربية قالى هى محتاجة 2 مساعدين امامى واسكترا وعفشة خلفية
لان الدونجل الخلفى عندى معوج وفاتح العجل لبرة سنة وفية طنبورة متاكلة المهم هو قالى العفشة اللى ور تمشيك شوية متغيرهاش الوقتى والاسكترا عندى جايبة زيت ومبوشة قالى انا هلمهالك واربطهالك وامشى بيها لحد ما تجيب اخرها فالموضوع اقتصر على تركيب اتنين مساعدين امامى هل كده كلامة صح واخد مصنعية بالعافية 120 جنية على تركيب المساعدين ولسة عندى العربية برضة مش متزنة هو قالى ممكن يكون كوتش بايظ هو اللى بيعمل فى العربية كده المهم وهو بيجرب العربية وفتح بيها على الرابع شميت ريحة شياط بس على خفيف ولقيت العربية العربية بطلت على السلانسية وما تدورش الا وانت رجليك على دواسة البنزين خلاصة الكلام من خلال خبراتكم عاوز اعرف
- كلام العفشجى صح بالنسبة للعفشة والمصنعية كده معقولة ولا غالية
- ريحة الشياط دى من ايه وايه اللى حصل للعربية تخليها تعمل كده هو قرص عليها سنه
افيدونى يا جماعة وهيثم يا ريت يقولى على حد كويس هنا فى بورسعيد سواء ميكانيكى او عفشجى او كهربائى
قولى رايك يا طنانى ويا عصابة افيدونى
-
120 جنيه تغيير مساعدين
زميل معانا هنا
العفشة اتهدت ورا و قدام
و العفشجى خد منه 150 جنيبه و انا كنت زعلان
طبعاً كتييييييييييييييييييييييي ير قوى
الشياط ممكن يكون فيه طرطشة زيت من الموتور
بس موضوع انها تبطل دى غريبه
-
طب مافيش حد من بورسعيد يعرف حد كويس سواء عفشجى وميكانيكى وسمكرى وكهربائى لانى داخل على سمكرة ودهان ولو كده هجيلك يا طنانى هه هعمل ايه بقى عندنا هنا حناشين
-
زي ما انت بتقول صنايعيه بورسعيد حناشين و عكاكين الا من رحم ربي
سمكره و دوكو بصراحه معرفش حد بس كنت شادد ريجاتا من ييجي 11 سنه كانت طالعه من تحت ايد سمكري و دوكو اكنها من المصنع و طبعا كله بسعره و لسه ببوهيتها لحد الوقت
عفشه مع حسن عفشه في حرفيين زرزاره (اسطي محمود) عنده ضمير و شغله نضيف و سعره حلو كنت غيرت مساعدين و يايات امامي و خلفي و بيض اسكاترا و تيل امامي و خد علي ما اتذكر من 80 :100 بندق
ميكانيكي 2 في بورفؤاد و واحد في بورسعيد و في واحد في حرفيين الزهور اسمه حراز - ميشتغلش الا في المرسيدس و الاوبل و الفولكس - كنت بروحله لما كان الحاج هو اللي بيدفع
شوف نفسك لو محتاج حاجه انا تحت امرك
Content Relevant URLs by
vBSEO 3.6.0 PL2