شكر خاص للاخ العزيز ايمن مومو .......
السلام عليكم
انا عايز اشكر الاخ العزيز ايمن مومو لانة وقف جمبى فى وقت الصراحة قاتل بالنسبة لى ..
انا من الاسكندرية كنت فى القاهرة تحديدا فى شبرا علشان احضر عزاء احد الاقارب والى حصل انى وانا جى فى زحمة القاهرة القاتلة كنت مشغل التكيف ومروحة الراديتر مشتغلتش على السرعة التانية طبعا العربية سخنت بس انا لحقتها قبل ما توصل على العلامة الاخيرة وطفيت المكيف ...... المهم لقيت دخانة طالعة من الكبوت والمية خلصت خالص من القربة بتاعت المية ... بعد الفحص والتمحيص عرفت ان الراديتر اتخرم :pffft: وطبعا انتم عارفين محدش هيعرف يفور الراديتر برة غير صانيعى ميجان حافظ العربية والا الدنيا هتتبهدل وهيعك الدنيا اكتر... المهم اتصلت ب أيمن الساعة 8 بالليل حكيتلة على الى حصل وانا عارف انوا يعرف مركز محترم جدااا فى الجيزة ناحية مسرح عادل امام... وهما وقتهم يقفلوا حوالى 11 او 10 بالليل وطبعا انا كان لازم اسافر بالليل علشان ورايا شغل..
ايمن حطنى على الهولد وكلم الناس وقلهم فى اخ عزيز هيجلكم بعد ساعة تنتظروة وتلحمولة الراديتر علشان مش هينفع يبات فى القاهرة ....
انا خدت معايا 5 جراكن مياة وكل اما الحراة تزيد عن النص اقف وازد جركن كامل ....
وصلت المركز والناس استقبلونى بحافوة جامدة ومحسسونيش انى رخمت عليهم وخليتهم يسهروا الاكصدام اتفور والراديتر طلع ولقينة فية 4 اخرام وخلصنة وظبتنا الدنيا والقصة خلصت فى 3 ساعات....
شكرا ليك يا ايمن انت بجد انسان محترم واخ عزيز
