الموضوع: ربنا نجاني من حادثة موت الحمد لله - عايز تعليقاتكم على الموقف

المشاركة الأصلية كتبت بواسطة SYD

في حكمة بتقول

"من يكن الغراب له دليلا، مر به علي جيف الكلاب"

بمعني

اوعي تخلي سواق ميكروباص دليل ليك في اي طريق
وبصراحة
اي سواق سواء ميكروباص - نص نقل - تاكسي - نقل
اي مهني

وربنا يستر طريقنا جميعا

والله المستعان
،ـ
،

والله كلام حضرتك صحيح بس الواحد متعود انه يمشي ورا المكروباصات بتفتحله الطريق <<< ثقافة شعب !

يعني مثلا في ال u-turn ! تلاقي مكروباص دخل زي العربجي وقف الطريق والملاكي كلو وراه

هو يمكن المبدأ هنا متغير لكن الواحد اتعود على كدة + ان عدد كبير من الناس مش متعودة على السواقة في الطرق اللى زي كدة << وانا واحد منهم طبعا

المشاركة الأصلية كتبت بواسطة mohamedkandoz

حمدا لله على سلامتك والحمد لله انك بخير وماحدش بيتعلم غير من أخطائة وزي ما العضو الكريم syd قال
ما تتخطاش اللي قدامك بالمشي في المعاكس ابدا الا لو :-
1- انت عامل حساباتك بنفسك
2- التنفيذ بدقة وبسرعة في نفس الوقت

الله يسلمك اهو درس والواحد اتعلمه والحمد لله انها جت على قد كدة

المشاركة الأصلية كتبت بواسطة SE_coralsea

أستاذ / أحمد ....

أولا.. حمدا لله علي سلامتك و سلامة الياريس اللي مابطقيش أي حاجة تحصل لها لأني بحب العربية دي جدا و في نفس الوقت عارف مدي ضعفها فالحمد لله اللي نجاك لأن لو لاقدر الله كنت لبست في الاكسنت كان سيحدث مالا يحمد عقباه و ده لازم تفهمه كويس جدا

ثانيا.. طبعا حضرتك غلطان مليون %
ليه ؟؟

1- أنت قولت أن الطريق ده مافيهوش مجال للجري و السرعة و أنا شخصيا عارفه من أيام ماكنت باروح توكيل تويوتا و كان لايمكن أجري فيه أو ازود عن 40 كم/ساعة نظرا لخوفي الشديد علي العربية يبقي ماكانش فيه داعي للتسرع في التخطي طالما انك مش كاشف الطريق كويس

2- ماحدش يمشي ورا ميكروباص و يسلم له نفسه لأن لو أفترضنا فيه حسن النية (وده مش متوفر لمعظمهم) أبسط حاجة أنهم مايعرفوش حاجة عن قواعد القيادة او أخلاقياتها

3- حضرتك داخل عكسي من غير ما تتاكد من خلو الطريق امامك و ده في حد ذاته فيه تعدي علي حق السيارات القادمة في الاتجاه المعاكس (في حالة الاكسنت)

المهم أن ربنا سلم و ياريت تتعلم من اللي حصل و ألف حمدا لله علي سلامتك مرة أخري

ربنا يخليك والله وكلك ذوق والياريس هي كمان بتحبك وبتحب اي حد

انا كنت ماشي بسرعة هادية نسبيا 60 كم / ساعة ! ومكنش فيه مجال للتسارع مجرد ان الترلا ماشية براحة جدا ! صعب تفضل ماشي وراها

فكان لازم اتجاوزها ولما لقيت العربيات كلها بتتجاوز عمت على عومهم للاسف

والحمد لله انها جت على قد كدة

المشاركة الأصلية كتبت بواسطة sheko_2000eg

يا احمد انا عارفك متهور في السواقة
خالي بالك و اوعي باه تمشي في حارة غيرك تاني

شريف باشا منورني والله

عامل ايه يا كبير ؟ لسه كنت في المرغني من اسبوع وكنت عايز اكلمك والله !

لازم نتقابل يا معلم قريب

انا والله كنت ماشي براحة جدا في اليوم ده لا تهور ولا اي حاجة ! << وبعدين تهور مين بس هو انا اجي ايه جمبك ؟ ؟ ده انت قلبت المرغني يا راجل

والحمد لله انها جت على قد كدة

المشاركة الأصلية كتبت بواسطة formulator

الحمد لله على سلامتك يا دوك يا صغير..

السواقة على الطرق الـTwo-Way دى غير السواقة على الطرق الـOne-Way خااااااااااالص..
ليها قواعد تانية فى التخطى والجرى عليها محتاج ممارسة,
Whatever أنت سواق ولا حتى Master.. لااااااااااازم الخبرة لو مش متعود عليها.. عشان تعرف تمشى حتى عليها (مش تجرى).

عشان كده فعلا, سواقين الميكروباص والنصف نقل.. بيبقوا فاجرين على الطرق دى, وبرضه ده مايمنعش انهم ممكن يغلطوا..

أنا كنت لحد قريب مبعرفش أمشى على الطرق دى,
لحد ما مشيت على كذا طريق كده.. اسماعيلية الزراعى (دلوقتى بيفصلوه رايح-جاى), بعض طرق الصعيد.. etc

وعرفت هما بيسوقوا أزاااااااااااى يا معلم,
وبعد ما كانوا بيحطوا عليا.. بقيت أنزل الطريق من أوله لآخره, أنفخهم كلهم..

المشكلة: انك مهما تبقى راكب عربية تسارعها جاااااااااامد جدا, وفراملها أجمد..
وتطلع الغرزة زى الكتاب بتاعهم مابيقول.. (كاشف الطريق, مسقط نقلة أو 2.. وتنقل حارتك وحااااااارق).. والموقف يتغير فى لحظة..؟؟!!!
- أى ابن تييييييييييت بقى: اللى بتعديه يسرع, واحد يطلعلك من ورا اللى جاى فـ المقابل.. بيتخطى ويعمل غرزة زيك.. أى حاجة مفاءجة..؟؟!!!

الطرق دى رغم كمية الـAdrenalin Rush فى الجرى والشد عليها.. بس خطر آخر 3 حاجات, ولازم تبقى حريص جداااااااااااااااااا.
ربنا يستر طريقنا جميعا isA,

منورني والله يا دكتور << ادعيلي بقى خلاص كلها كام شهر وهتخرج واخد الشهادة واخلص <<< اخيرا هرتاح من ال cognosy وال ceutics ! ! فعلا اتخنقت

هو فعلا زي ماحضرتك قلت السواقة على الطرق اللى زي كدة عايزة مهارة وتعود عليها

لكن غرز مين وحرق ايه بس ؟ ؟ ده الطريق مايشعجش على الكلام ده نهائي ! الا لو واحد بقى مستغني عن نفسه وعن عربيه !

لان فعلا زي ماحضرتك قلت وارد جدا ! تلاقي اي حاجة في وشك !

الحمد لله على كل شئ وربنا يستر