ربنا نجاني من حادثة موت الحمد لله - عايز تعليقاتكم على الموقف

**AhMeD MeTwAlY** · 27-02-2012 06:21 PM

بتحصل معايا بس بكون كاشف الطريق ويطلع واحد زي حضرتك كدا من ورا عربيه
في الحالة دي لو في مساحة لضغط الفرامل الرجوع للحاره مره اخري مفيش مشاكل
مفيش مساحه بنزل غيار واخر الدواسه وواخد الغرزه
بس انا اغلب الطرق الي بمشي عليها مزدوج فخلاص بقئ
4 سنين غرز وحرق وتلبيس ربنا يسترها معانا واحمد ربنا ان محصلش حاجه وخلي بالك

**theislamic** · 27-02-2012 06:22 PM

حمدا لله على سلامتك و مافيش حد بيتعلم بالساهل و الحمد لله انها عدت على خير, المهم الاستفادة من الاخطاء. ومرة تانية الحمد لله على السلامة

**zangry** · 27-02-2012 06:30 PM

حمدلله على سلامتك اولا .. والحمدلله انها جات على اد كده وخد بالك بعد كده

**tarekzein** · 27-02-2012 06:30 PM

الحمد لله أن ربنا نجاك يابوحميد

ومتزعلش منى دى مش غلطه الميكروباس إطلاقا

**Elawany13** · 27-02-2012 06:32 PM

على فكرة انا غلطت نفس غلطتك ديه إمبارح
كنت ورا ميكروباص بردوا
على طريق داخل قرية مش طريق سريع فى منطقة فاضية نوعا ما
على سرعه 40 أو 50 كم/س مش فاكر بالظبط السرعه كانت كام
وبعدين لاقيت نقره وحتت مكسرة فى الأسفلت
فكنت بفاديها براحتى وداخل على الحارة التانية على أساس ان الطريق فاضى
ومكنتش شايف الميكروباص اللى جاى فى الجهة المقابلة علشان الميكروباص اللى قدامى قافل الرؤية
وإتفاجأت بيه بصراحة وركبى سابت ساعتها ولميت نفسى بسرعه على حارتى
والحمد لله ربنا ستر ... وادينا بنتعلم

**lanos2004** · 27-02-2012 06:41 PM

حرررررررررررررررام عليك بتعدى من غير ما تكشف الطريق انته متهور جدااااااااااااااا وامرك غريب ماشى براحه علشان الامان وبتعدى من غير ما تكشف الطريق امرك عجيب بس الحمد لله ربنا سترها معاك

**ganash** · 27-02-2012 06:45 PM

المشاركة الأصلية كتبت بواسطة yassereiad

القاعدة الاولى فى القيادة على الطريق المزدوج هى - لا تتخطى فى المنحنيات
القاعدة الثانية - لا تتخطى ومجال الرؤية غيلر واضح 100%
القاعدة الثالثة- لا تعتمد على رؤية احد واعتمد على نفسك فقط وخلى بالك سواقين الميكروباص ممكن يدبسوك وضميرهم مش هيانبهم
وشكرا

حمد الله على السلامه
حصل معايا موقف على طريق سريع من ميكروباص كنت واقف فى U-turn مستنى الطريق يفضى علشان اعدى جه سواق ميكروباص وقف جمبى مكنتش شايف خالص منه لقيته بيشاورلى انى اعدى جيت طلعت لقيت عربيه جايه جريت على التراب والحمد لله ربنا ستر

**Kareem.ElAraby** · 27-02-2012 06:56 PM

المشاركة الأصلية كتبت بواسطة yassereiad

القاعدة الاولى فى القيادة على الطريق المزدوج هى - لا تتخطى فى المنحنيات
القاعدة الثانية - لا تتخطى ومجال الرؤية غيلر واضح 100%
القاعدة الثالثة- لا تعتمد على رؤية احد واعتمد على نفسك فقط وخلى بالك سواقين الميكروباص ممكن يدبسوك وضميرهم مش هيانبهم
وشكرا

+1+1+1+1+1

**lanos2004** · 27-02-2012 06:57 PM

ونبى يا عم احمد خلى بالك من نفسك وبلاش تعملها تانى حررررررررام عليك تانى --والحمد لله على سلامتك وانك بخير ولعلمك بقه انته محسود فركز شويه فى الطريق طب تصدق بالله انا بعد اما شديت معاك اتحطيت فى اربع مواقف زفت وفيهم واحد الكوتش طلع على الرصيف علشان افلت من مصيبه وربنا ستر ---خلى بالك من نفسك

الموضوع: ربنا نجاني من حادثة موت الحمد لله - عايز تعليقاتكم على الموقف

LinkBack

أدوات الموضوع

عرض

-

-

-

-

المواضيع المتشابهه

الحمد لله ربنا نجاني اليوم من حادثة مع عربية نقل

أول حادثة ليا. الحمد لله ربنا ستر. محتاج مساعدتكوا يا شباب؟

حادثة رهيبة ....... الحمد لله ربنا سلم

عمى عمل حادثة بس الحمد لله ربنا ستر

امبارح حصلى الموقف ده ....حرق دمى وطير راسي.......بس ربنا ستر

الكلمات الدلالية لهذا الموضوع

المفضلات

المفضلات

ضوابط المشاركة