السلام عليكم ورحمة الله وبركاته
النهارده حصل معايا موقف الحمد لله لولا ستر ربنا ماكنش زماني بكتب الموضوع ده دلوقتي
http://www.nilemotors.net/nile/image...h22%5b1%5d.gif
كنت عند كارفور في شارع موازي للشارع اللى فيه توكيل هيونداي عند ابو رواش كدة من جوة
المهم الطريق ده اتجاهين رايح جاي يدوب حارتين حارة رايح والتانية جاي :crashcomputer3:
وانا بصراحة بقلق من الطرق اللى زي كدة نظرا لكترة الحوادث اللى بتحصل عليها
المهم انا ماشي براحة على سرعة 70 / 80 لان الطريق اتجاهين وكله ترلات ونقل ومش متسفلت كويس
والعربيات عمالة زي الصاروخ بتعدي مني وانا نفسي اقولهم يا جماعة هو ده طريق يتمشي عليه اكتر من كدة ؟
المهم كنت ماشي وكل مالاقي في الاتجاه المقابل ترلا او نقل اهدي عشان لو فيه حد بيتجاوزها اديله فرصة انه يعدي من غير مايحصل مشكلة
بعد كدة كان فيه قدامي مكروباص على نفس اتجاهي وقدامه عربيتين ملاكي قدامهم ترلا بمقطورة ماشية بطئ
العربيتين الملاكي تجاوز الترلا وطلعو في الاتجاه المعاكس عشان يعدو منها
وكذلك المكروباص وراهم ورحت انا ورا المكروباص في ديله
صحيح اني ماكنتش كاشف الاتجاه المعاكس بس انا ماشي وراهم على اساس اكيد هما كاشفين الطريق :s_thum1[1]:
العربيتين الملاكي عدو الترلا ورجعو الحارة بتاعتهم وكذلك المكروباص
واول ما المكروباص رجع للاتجاه بتاعه
هووووووووووووووووووب عربية نيو اكسنت في وشي جاية في الاتجاه المعاكس << قصدي اللى انا ماشي فيه عكس :dribble:
طبعا انا اول ماشفت العربية قلبي كان هينط من جوة القفص الصدري ويطلع لبرة من كتر الرعب :alien42:
كنت ماشي تقريبا بسرعة 60 ! واول ماشفت العربية في وشي بعد ما المكروباص رجع للحارة بتاعته رجلي جت على الفرامل علطول ! بدون اي تفكير
انا كنت سعتها عديت المقطورة وناقص اعدي الترلا فمافيش مجال اني افرمل وارجع الاتجاه بتاعي :breakpc1:
لقيت الاكسنت راح طلع بعجلتين على الرمل وفرمل جامد رحت انا دايس بنزين ومعدي من قدام الترلا وكان بيني وبينه مافيش ونعمل بووووووووووووووم :breakpc1: :breakpc1:
طبعا كل ده حصل في حوالي ثانية او ثانيتين بالكتير بس اكنهم رعب السنين بصراحة :angry06:
الحمد الله انها عدت على خير وبدون اي خسائر :_alshmokh22[1]:
بس انا عايز افهم دلوقتي الغلط على مين ؟ :majd(4):
هل الغلط عليا اني سبت حارتي وطلعت في الاتجاه المعاكس عشان اتجاوز ترلا من غير ماكشف الطريق ؟ ؟ طب مانا ماشي ورا العربيات وكلهم اكييييييد كاشفين الطريق :rfds: :u_thin1[1]:
ولا الغلط على صاحب الاكسنت ؟ طب مالراجل برضوا ماشي في الاتجاه السليم بتاعه ؟ وهيعرف منين ان فيه عربية ورا المكروباص ؟ ؟
انا حاسس ان الغلط على بتاع المكروباص لانه يعتبر اكنه بيلبسنا في بعض !! ؟ اكنه بالظبط بياخد غرزة عشان اللي وراه يلبس في اللى قدامه
http://www.nilemotors.net/nile/image...ajd%284%29.gif
عموما الواحد اتعلم انه لما يمشي في طريق اتجاهين رايح جاي مايتجاوزش اي عربية الا لما يكون كاشف الطريق بنفسه
والاحسن انه مايتجاوزش خالص اصلا عشان يريح دماغه
مستني تعليقاتكم على الموقف :s_thum1[1]: