ربنا نجاني من حادثة موت الحمد لله - عايز تعليقاتكم على الموقف

**MARTINDALE** · 27-02-2012 11:00 PM

هو انت مشروع صيدلي ؟؟؟؟ زميل يعني !!!!
طيب احب اقولك بدون زعل ...... انت مجنوووووووون , ايه اللي انت عملته ,
يعني افرض مثلا سواق الميكروباص حمار وماقدرش صح وهيلبس في اللي جاي , تقوم انت معتمد على حموريته ؟؟؟؟
لكن كل ده كوووووم وتعليق صاحب الاكسنت ..... زمانه شتمك لعاشر جد .

**amr_2010** · 27-02-2012 11:10 PM

اولا حمدلله على سلامتك
ثانيا انت الغلطان لان مش ينفع تعدى ورا الميكروباص من غير ما تكشف الطريق كويس

**MEKAWY2000** · 27-02-2012 11:25 PM

المهم حمدا لله على السلامه وربنا سترها معاك

**start_wow** · 27-02-2012 11:36 PM

انت كأنك بتحكي نفس الموقف اللي حصل معايا بالظبط والحمد لله عدي علي خير وكان فيه ميكروباص برضه وانا كنت ماشي وراه ومن يومها اتعلمت الحمد لله انه احسن حل اني اكون كاشف الطريق المقابل في حالة اني هخطي العربية اللي ادامي..

**newcastle** · 28-02-2012 02:37 AM

المشي في طريق اتجاهين ليه قاعده مهمه جدااااااااااااا وهي انك متتجاوزش اللي قدامك الا لما تكون كاشف الطريق في الاتجاه الاخر لمسافه كبيره ولا يمكن تجاوز اللي قدامك لما يكون في مطلع او ملف او عربيه في الاتجاه الاخر

**MNabeih** · 28-02-2012 03:10 AM

الحمد لله علي سلامتك, و ربنا ستر
تعالي بقي
ممكن يبقي العشم بيننا مش اوي بس اعتبرني اخوك الكبير,
بص انا اتخنقت منك بجد,
يا بني اتعظ بقي و كفاية تهور, انت كل مواضيعك كدة علي هذا المنوال نفس الاسطمبة
و ما تقوليش اصلي اول مرة اسوق علي طريق فردي
اكيد انت قادر تقدر الموقف كويس
يعني يا مفتري عربيتين ملاكي و عربية ميكروباص و انت الرابع و بتعدوا تريللا !!!!!!!!!
لازم تبقي كاشف الطريق قدامك حتي لو قدامك ميكروباص خد شمال شوية و بص قدامه في ايه,
مع انك المفروض ما تعملش كدة من الاساس بس انت احمود هنعمل اية
مش عارف انت ازاي جالك قلب تبقي ماشي لازق في ميكروباص و انت مش عارف اية اللي قدامك
معلش, قمة التهور و و اللا مبالاه
كانت لا قدر الله حادثة وش في وش و ربنا ما يكتبها علي حد يا رب مالهاش حل حتي لو راكب عربية مصفحة
و انا لو من بتاع الاكسنت و الله ما كنت سيبتك و افرض كان واحد علي قده في السواقة واللا ست كبيرة و ما عرفش يتصرف
لأ بجد متضايق منك اوي
ربنا يسترها معانا

**Formulator** · 28-02-2012 04:23 PM

عايز بس أضيف حاجة:
ان الغرز فى الطرق الـtwo-way فيها خدعة كبيييييييرة جدا..؟؟!!!
Say انت طالع غرزة وعايز تلحق تاخدها وتـOvertake اللى قدامك قبل ما الغرزة تضيق أو تقفل عليك..
أحد اخطر الفروق بين طريق عادى, وطريق كده:
ان الغرزة بتضيق بمعدل 4X..؟؟؟!! مش بمعدل 1X أو 2X زى الطرق العادية..

أتمنى تكون الـpoint وصلت..؟؟!!!
يعنى عشان اللى جاى فـ المقابل, جاى بسرعته (أيا كانت).. وانت جاى بسرعتك, أضرب المعدل اللى الغرزة بتقفل بيه x 4..!!

regards,

**Sehsss** · 28-02-2012 04:30 PM

أولا.. قدر الله وما شاء فعل، ثانيا.. انت اللي غلطان علشان سبت الحارة بتعاتك ولضمت ورا الميكروباص، لسببين.. ما حدش يمشي ورا ميكروباص أبدا لأن الكل عارف هما بيسوقوا ازاي، والسبب التاني إن الميكروباص عالي فطبيعي مش هاتكشف اللي جاي في وشه

**Dr'AhmZZong** · 29-02-2012 06:03 AM

المشاركة الأصلية كتبت بواسطة Sehsss

أولا.. قدر الله وما شاء فعل، ثانيا.. انت اللي غلطان علشان سبت الحارة بتعاتك ولضمت ورا الميكروباص، لسببين.. ما حدش يمشي ورا ميكروباص أبدا لأن الكل عارف هما بيسوقوا ازاي، والسبب التاني إن الميكروباص عالي فطبيعي مش هاتكشف اللي جاي في وشه

..

يا عم ahmod الحمدلله إنك كويس بس متعملهاش تاني ..

و نفسي اشوف مكروباص يغلط في غرزة ولا حاجة و نخلص منهم كلهم بقى ههههههههههههه ..