سؤال فني شويتين لوحوش الدايو ومحمد ممدوح

**bebo2000** · 27-02-2012 08:24 PM

انا عندي افيو 2006 مانيوال عاملة 110 الف كم ومن فترة لاقيت سحبها قل واستهلاكها للبنزين زاد شوية وبما انى اتعودت على ان " مفيش حلول عند منصور " (تنفع مطلع اغنية) عملت عبيط ولا كاني واخد بالي
المهم بعدها بفترة لاقيت العربية لما ادورها الصبح الrpm بيبقى اقل من الالف (حدود 800 لفة )وده غير المعتاد المفروض فوق الالف بسنة صغيرة،، ولما بتسخن بينزل لغاية ال 500 لفة والمفروض برضه انه ماينزلش بالصورة دي والعربية لما اجي اتحرك بتبقى عاوزة تبطل ولازم اسند بنزين
روحت للميكانيكى قال دي بوبينة لان كان فيها فردة تعبانة فعلا وكانت شرارتها اقل من الباقين غيرتها بواحدة اصلي من التوكيل وفضلت المشكلة زي ما هي
قولت احتمال سير الكاتينة تعب والعربية مبرجلة روحت غيرت طقم كاتينة كامل بطرمبة مية والميكانيكى طلع السير القديم بحالته وقالي كان لسة قدامه كتير وفضلت المشكلة برضه
روحت بالمرة بقى ماجتش على دي
غيرت طقم دبرياج كامل وبرضه كان زي الفل والاسطوانة كان لسة فيها كتير لدرجة ان الميكانيكى صمم يدينى القديم اخليه معايا بس الحق يقال دواسة الدبرياج خفت كتير عن الاول لانها في الفترة الاخيرة كانت بتوجعلى رجلي
المهم انى قبل ده كله عملت كل حاجة من المفروض تتعمل زي ما اتعلمت في قسم الدايو ( نضفت البوابة والايدل غيرت البوجيهات وسلوكها وطبعا فلتر هوا وبنزين الخ ...)
ومش فاضل حاجة اغيرها غير السنسورات وبصراحة غالية وخايف اجيب حاجة وبرضه مايطلعش العيب منها زى الحاجات اللى فاتت والعربية مابتديش اعطال على الكمبيوتر ولا لمبة الاعطال نورت
واملى فيكم كبير بعد ربنا انكم تيفيدوني في مشكلتي علشان انا مش عارف اعمل ايه تاني وشكرا مقدما

**mero100** · 28-02-2012 12:16 AM

واضح انك عملت كل حاجة .... , و حاجه غريبه ان المشاكل اللي بتشتكي منها لسه موجوده ....

انا بس حقولك رأيي بخصوص عدد لفات الموتور بخصوص عداد ال rpm علي السلانسيه ....
الطبيعي و المفروض انك اول ما تدور العربيه الصبح مثلا يكون ال rpm فوق الواحد بشرطه و بعد دقيقه مثلا ينزل علي ال الواحد و بعد دقيقه كمان او ديقتين يتظبط السلانسيه و صوت الموتور يهدي و ينزل ال rpm لتحت الواحد بشرطه ....., و كل ما العربيه تقف علي السلانسيه بعد ما تتحرك ...يثبت الrpm لتحت الواحد بشرطه ....

بالنسبه لاستهلاك البنزين و السحب ...انت عملت كل شيء بس مكشفتش علي الرشاشات و طلمبه البنزين ....
ممكن تكون الرشاشات تعبت خصوصا ان عربيتك عدت ال 100,000 كم ....اكشف علي الرشاشات ممكن تكون عاوزة تنظيف التراسونيك .

**mohmmedzohier** · 28-02-2012 01:24 AM

يا باشا الحوار دا عندى بقاله سنتين انا معايا كيا اسبكترا وطلع عينى وغيرت حساس الايدل وحساس المانفولد وحساس tps والبوابه وطبعا السلوك البوجيهات والبوجيهات بتاع اربع مرات الاصلى وطبع الفلاتر ولا الهو بس انا قربت من الحل اوى وهو

حساس الحراره بس للاسف مش لاقيه اليومين دول ممكن تجرب تغيره وان شاء الله يكون منه وهدعيللى

حساس الحراره هو اللى بيعرف كمبيوتر العربيه حراره العربيه وعلى اساسها كمبيوتر العربيه بيحدد عدد لفات الماتولر وعلى فكره مش هتلاقيه غالى بس ياريت تبقى تقولنا عملت ايه

**bebo2000** · 28-02-2012 07:37 AM

المشاركة الأصلية كتبت بواسطة mero100

واضح انك عملت كل حاجة .... , و حاجه غريبه ان المشاكل اللي بتشتكي منها لسه موجوده ....

انا بس حقولك رأيي بخصوص عدد لفات الموتور بخصوص عداد ال rpm علي السلانسيه ....
الطبيعي و المفروض انك اول ما تدور العربيه الصبح مثلا يكون ال rpm فوق الواحد بشرطه و بعد دقيقه مثلا ينزل علي ال الواحد و بعد دقيقه كمان او ديقتين يتظبط السلانسيه و صوت الموتور يهدي و ينزل ال rpm لتحت الواحد بشرطه ....., و كل ما العربيه تقف علي السلانسيه بعد ما تتحرك ...يثبت الrpm لتحت الواحد بشرطه ....
فعلا هي كانت كدة بالظبط في الاول قبل ما تتجنن
بالنسبه لاستهلاك البنزين و السحب ...انت عملت كل شيء بس مكشفتش علي الرشاشات و طلمبه البنزين ....
ممكن تكون الرشاشات تعبت خصوصا ان عربيتك عدت ال 100,000 كم ....اكشف علي الرشاشات ممكن تكون عاوزة تنظيف التراسونيك .

هاكشف عليهم ولو انى اعرف ان الرشاشات تعمل تأخير في الدوارة الصبح وانا بتدور عندى من اول تكة مارش

المشاركة الأصلية كتبت بواسطة mohmmedzohier

يا باشا الحوار دا عندى بقاله سنتين انا معايا كيا اسبكترا وطلع عينى وغيرت حساس الايدل وحساس المانفولد وحساس tps والبوابه وطبعا السلوك البوجيهات والبوجيهات بتاع اربع مرات الاصلى وطبع الفلاتر ولا الهو بس انا قربت من الحل اوى وهو
حساس الحراره بس للاسف مش لاقيه اليومين دول ممكن تجرب تغيره وان شاء الله يكون منه وهدعيللى
حساس الحراره هو اللى بيعرف كمبيوتر العربيه حراره العربيه وعلى اساسها كمبيوتر العربيه بيحدد عدد لفات الماتولر وعلى فكره مش هتلاقيه غالى بس ياريت تبقى تقولنا عملت ايه

ممكن حد من وحوش الدايو يقولي على مكان حساس الحرارة ده فين بالظبط في الماتور هي المكنة بنسبة 95% زي اللانوس بالظبط