حصل انى راجع من القاهرة بعد يوم صد رد فى شغل
وراجع مجهد وسايق تقريبا من 100 - 140 بالكتيير
وبعد اخر تحويلة ... حوالى 60 كيلو قبل بوابات اسكندرية
الطريق اتقلب زفت طالع نازل ونقر واللى قلبك يكرهة !
حصل ان لقيت دبشة طوب فى وشى وانا على سرعة 130 تقريبا فى نص الحارة اليمنى
اضطريت ارمى يمين ويطلع نص العربية فى الرملة والنص التانى على الاسفلت
والفرق تقريبا بتاع 7 سنتى بين الاسفلت والرملة
رميت وطلعت
الحمد لله لك الحمد
العربية اتهبدت وطلعت بس ماشاء الله ملعبتش ولا عومت
اعتقد اللى ساعد وزنها التقيل (الحمد لله) والتعليق المنفصل
لأن لو عربية بوزن خفيف حصل فيها اللى حصللى كان زمانة مقلوب
الموقف لم ينتهى
لأن اللى كان ورايا وحش المانى يطلق علية جيتا جديدة
وعمل نفس اللى عملتة بس ضهرة رمى يمين شوية وشمال شوية واتعدل على تانى حارة من اليمين مش ذى نفس الحارة اللى كنت عليها
الوزن التقيل طلع ميزة ياجماعة!! وفعلا طن ونص على الطريق ليهم هيبة
ومحدش بقى يقول مستحيل وكلام كدة لأن حصل قدامى ... اقصد فى مرايتى !!
المفضلات