الموضوع: حد يعرف حاجه عن الكلام ده

احنا معانا صني من 2006 اول مره اسمع الكلام ده انا لما اظبط الكاوتش 30 لكله

الكلام بتاعه صح

كل عربية لها ضغط معين للاطارات الامامية و الخلفية

مش 30 فى الشتا و 28 فى الصيف زى بتوع الكاوتش

عندنا في الباليو 26 أمامي 28 خلفي
و الأوبترا زي النوبيرا 28 خلفي 30أمامي
بس بلازم تقلل الضغط لو انت مسافر في الشمس عشان مع الحرارة الكاوتش بيتمدد فده بيديله مساحة يتمدد بدل ما لا قدر الله يحصل حاجة وربنا يحفظنا.

الموضوع دة مش فى الصنى بس، كل عربية لها ضغط للعجل الامامى وآخر للخلفى، وبيكون مكتوب فى الكتالوج +موجود فى ستيكر على الباب او فى درج التابلوه اليمين

كان معايا اللانوس قبل كدة كان الستيكر موجود فى درج التابلوه

الفيات 126 كان ضغط الكاوتش موجود فى اغرب مكان شفته فى حياتى، داخل لوحة الامبيرات نفسها جنب عداد السرعة عاملين رسمة عربية وكاتبين ضغط الكاوتش الأمامى والخلفى، اللطيف فعلا ان ضغط الكاوتش الأمامى لها كان 20 فقط

بالمناسبة فأن ضغط الكاوتش يقاس بوحدة اسمها PSI اختصارا ل (pound per square inch) او :رطل على البوصة المربعة، وهى وحدة قياس انجليزية امريكية لقياس الضغط وتساوى واحد على 14.7 من الضغط الجوى(والذى يقاس بوحدة تسمى البار، ا ضغط جوى يساوى 1 بار)، يعنى كل 1 ضغط جوى فيه 14.7 PSI، او بمعنى آخر انت لما تكون نافخ كاوتش عربيتك على 28 فانت تقريبا نافخها بضعط يساوى ضعف الضغط الجوى او 2 بار(يتم حساب الضغوط فى الظروف العادية مع اعتبار حالة الضغط الجوى التى نعيش فيها هى صفر القياس، يعنى لما نقول ان الكاوتش منفوخ على 2 ضغط جوى بيقى منفوخ على 2 ضغط جوى +الضغط الجوى الخارجى)