1+
ازيك يا احمد بيه
دانت بالزات المفروض ترد بمقالة
انت ركبت ابيزا 94 ولما غيرت ركبت ابيزا 2001
يعني ركيب ابيزا قديم
يا ريت تعملنا مقارنة بين ال94 وال2001 وتقولنا دي مميزاتها ايه ودي مميزاتها ايه
في انتظار التقرير
والله المستعان
،
،
عرض للطباعة
1+
ازيك يا احمد بيه
دانت بالزات المفروض ترد بمقالة
انت ركبت ابيزا 94 ولما غيرت ركبت ابيزا 2001
يعني ركيب ابيزا قديم
يا ريت تعملنا مقارنة بين ال94 وال2001 وتقولنا دي مميزاتها ايه ودي مميزاتها ايه
في انتظار التقرير
والله المستعان
،
،
بص ياباشا أنا ركبت لحد الوقتى على الترتيب :-
1) فيات 128 _____ مع كامل إحترامى لأصحابها أنا شخصيا بعتبرها موتسيكل نضيف شويه وبسقف وشنطه ، بكره العربيه دى بطريقه غريبه مع إن عربيتى كانت نضيفه جدا جدا جدا وقعدت معايا 3 سنين عمرى ما اشتكيت منها ، بس كسياره يعنى أنا قلت رأيى فيها.
2) لانسر 2007 ______ قمة النعومه فى السواقه وفارق امكانيات وكماليات رهيب طبعا ، حبيت العربيه جدا جدا جدا مش شايفلها عيوب بصراحه غير انها مش ماسكها نفسها على الطريق على السرعات العاليه بحس العربيه خفيفه جدا .
3) حبيبتى ابيزا 98 ______ بقالها معايا اهو 3 شهور تقريبا وبالرغم من فارق الكماليات الرهيب مقارنة ب اللانسر بس حبيتها أكتر من اللانسر بكتييييييييييييييييير ، ما شاء الله عربيه بتجرى وقت لما تحب تجرى وتحرق لما تحب تحرق وتمشى هادى وقت اللزوم وماشاء الله ثبات أكثر من رائع على السرعات العاليه ، عيوبها بالنسبه ليا ضعف الكماليات وضيق الشنطه مش شايفها بصراحه سيارة عائليه تنفع بس لعائله صغيره 3 أفراد 4 بالكتير أوى.
موضوعنا بقى الأصلى تركيب ايه بعد الإبيزا :-
1) سيات قرطبه === بناءا على رأى البوب ( م/ إيهاب ) اللى حببنى فى العربيه دى من غير ما أركبها
2) جولف ==== بحب العربيه دى جدا جدا جدا فوق الوصف
3) bmw ===نفسى أشترى موديل 98 مثلا لأنى العربيه دى بالنسبه ليا بتحس فعلا يعنى ايه متعة القياده لما تركب bmw.
اكبر غلطة غلطها فى حياتى وكنت لسه مخلص اول خمسة واربعين يوم فى الجيش وتقريباً كانو مأثرين على مخى بعت الابيزا لانها ورتنى ايام سوده ناس كتير هنا فى المنتدى عارفاها والغلطة انى رحت اشتريت سيراتو ""حقاً سحقاً لاى عربية مش اوروبى""
اى نعم الابيزا كانت موديل ٩٨وكانت متهانة اوى وكان لونها لمونى شاذ والسيراتو موديل ٢٠١٠ وفخامة وبتاع لكن فعلا بردو لا يوجد وجه مقارنة بالرغم من فارق الموديل الابيزا افضل فى الحاجات الاساسية سيبك بقى من كماليات والكلام الفاضى ده منفعنيش كل ده اما السيراتو اتقلبت اربع مرات .حاجة اخيرة القسم والناس اللى فيه كانوا وحشنى جدا فعلا .
علي فكرة انا ركبت كوردوبا علشان الفلوس و لكن انا لو معايا اكتر أكيد كنت هفكر في حاجه تانيه من فولكس برده
جولف او اوكتافيا او كوردوبا الموديل اللي بعد ده او التيا او بورا و لكن الحمد لله بعدين بقي نبقي نغير لما ربنا يكرمنا ان شاء الله
و الأكيد ان شاء الله اني مش هركب مانيوال تاني كفاية لحد كده ان شاء الله التغييره القادمة اتوماتيك ان قدر الله لنا البقاء
ادعولي اركب dsg و تربو من فولكس ولكن بعد حل مشاكله
ايووون انا اللى كان اسمى romeo21
مهندس ايهاب واحشنى جدا والناس كلها وحشانى اوى خصوصا الناس اللى كان متابعة المشكلة الاخيرة بتاعت مسألة الرياضيات فاكر انت المشكلة دى بس للامانة بالرغم انها كانت موريانى الويل بس عمرها ماغدرت بيا على سرعة
مش فاكر قوي مسألة الرياضيات ولكن عارفك كويس يا أفندم و بأمارة توقيعك كان فيه صورة عربيتك الابيزا اللموني
يا اهلا بالناس القدامي ياريت متغيبش عنا يا باشا و تابعنا دايما كده
ده حتي مصر قامت فيها ثورة و نامت تاني و انت مشفناكش معانا هنا ههههههههههههههه
بهزر معاك بس صدقني وحشني جدا
اه بالظبط دانت ذاكرتك قوية اوى
وانت والله يا باشمنهدس بس من ساعة مابعت الابيزا وانتقلت لقسم كيا بصراحة مبقتش بخش المنتدى زى الاول الروح اللى هناك غير مشجعة ناس بتساعد وكل حاجة بس الروح نفسها مش موجوده فاكنت من وقت للتانى احن للقسم هنا واخش اشوف اى موضوع عن الابيزا ومن حظى انى لقيتك اهو لسه موجود ماشاء الله عليك من اعمده القسم فعلا انت وزيلفى وسامح ومحمد ابيزا لو فاكره بس هتلاقينى ان شاء الله متواجد علطول فى الفترة الجاية .
فاكرك طبعا و فاكر موضوعك الاخير عن مشكله العربيه و فاكر اعلان بيعها انتا فين يا راجل من زمان دا انتا من المؤسسين انا فاكر مكنش فى المنتدى الا انتا و ايهاب باشا و سيات لوفر و محمد ابيزا و اتنين كمان مش فاكر اسمهم الكلام دة من 3 سنين بالضبط يا ريتك تتواجد الفترة اللى جايه معانا المنتدى هنا كله ناس قمه و متنساش بردو مهندس syd اللى اضاف للمنتدى مواضيع شيقه جدا من اجتهادة الشخصى ...
فاكر الجميع طبعا و فعلا المنتدي هنا خسر مجموعه من أفضل الناس اللي قابلتهم في حياتي
محمد ابيزا تقريبا تقدر تقول انه مؤسس القسم هنا
seatlover
IBIZA و ده اسمه عماد ربنا يكرمه و يباركله و لكن اختفي فجأة و من فترة كبيرة و دون اي اسباب ومن اكثر الناس اللي تعلمت منهم ربنا يكرمه و يباركله اينما كان و جميع من تعلمت منهم في حياتي
مهندس أسامه موسي و ده حبيبي ومن أعمدة قسم فولكس و لكن بطل يشارك تماما بسبب شوية مشاكل ربنا يباركله و مازلت علي اتصال بيه
أخي و حبيبي محمد مصطفي و ده من قسم فولكس و علي اتصال دائم بيه وهو مازال موجود بفولكس رغم انه غير عربيته لهيونداي النترا
وباقي اللي ذكرتهم موجودين وربنا يكرمهم ولكن سامح مختفي دائما و بيظهر اوقات بيسطة جدا عمل شوية شغل اول ما اشتري عربيته و بعدها بشوية و بعدين اختفي هو يمتلك أخر موديل للسيات كوردوبا 2009
هيييييييييييييييييييييه كانت ايام حلوه والله
محمد سيد أضاف الكثير للقسم و تقدر تقول انه بيعمله انتعاش دائم كل ما يموت او يمرض ربنا يباركله