افضل زيوت لى مواتير الهوندا

**mezo_88** · 27-02-2012 11:39 PM

بأختصار شديد انا هعمل مقارنة بسيطة بين ال 3 انواع الزيوت الى جربتوهم بكل صدق و امانة:

1- موبيل 1:

استخدمته مدة 40 الف كيلو و طبعا كنت لما كل مرة اعمل صيانة العربية فى ال5 بغيروا عادى مش عشان حاجة المهم لما حطيطه اخر مرة فى صيانة ال 40 الف قررت اخليه لحد ال 50 وقلت احكم عليه
عند ال 47 الف صوت الموتور على و استهلاك البنزين بدأ يعلى قررت اغيروا

هنا بدأت الحيرة و قررت قرار نهائى ابعد عن اى حاجة مكتوب عليها مصر فكان وقتها المتاح كسترول و اشتريتوتوا

2- كاسترول ايدج:
استخدمته من 47 الف ل 58 الف 11 الف زى ما توكيل كاسترول قالى ... زيت حتى لما روح اهمل صيانة ال 60 عملتها بدرى عشان حملة الأستدعاء بتاعت هوندا سيتى المهم لحد ما نزل كان محتفظ بلزوجته و صوت العربية طبيعى معليش خالص و كمان استهلاك البنزين كان قل جدا لدرجة ان مرة وصل 280 كم فى ال 20 لتر داخل المدينة بجد زيت هايل بس كان فى نقطة انا كنت حاسس انوا تقيل شوية لأنوا كان متقل السحب شوية
المهم سمعت عن ليكوى مولى و قررت اخود المخاطرة و اجربوا

3- ليموى مولى toptec 4100:
خدت القرار و غيرتوا فى صيانة ال60 الف الى كانت العربية عاملة فيها 58 الف و هى دلوقتى عاملة 60 الف الزيت دا فعل مهدى صوت الموتور و سحب العربية حسيتوا فاق شوية عن الكاسترول و فعلا حاسس انوا كويس استهلاك البنزين زى الكاسترول بالضبط بس الميزة سحب احسن وصوت موتور اهدا

الخلاصة لسه شوية عشان احكم علي ال ليكوى مولى بس مبدأيا كويس جدا احسن واحد فى الثلاثة

و للعلم العربية هوندا سيتى موديل 2006 و يارب اكون افيدت الأعضاء و اى استفسار انا ان شاء الله موجود

**wael ahmed** · 28-02-2012 02:54 AM

شكرا للافاده يا باشا :)
وفعلا ليكوى مولى زيت 10 على 10
وفالفولين برضه انا حاطط ماكس لايف بصراحه خلى الموتور صوته هادى وقبله كنت بحط كاسترول ماجنيتك بس مشكله كان معدل البخر بتاعته عاليه جداا

**ahmedeihab** · 28-02-2012 11:22 AM

ليكوى مولى بكام دلوقتى يا باشا ؟؟؟

**lanos2004** · 28-02-2012 11:51 AM

120جنيه ---190جنيه----250جتيه-----5000 كيلو---7000 كيلو----10000 كيلو

**ahmedeihab** · 28-02-2012 12:03 PM

المشاركة الأصلية كتبت بواسطة lanos2004

120جنيه ---190جنيه----250جتيه-----5000 كيلو---7000 كيلو----10000 كيلو

تسلم يا باشا
هو ابو 120 حلو علشان الزيت ميفضلش فى العربيه كتير و يتغير اول بأول علشان الموتور يفضل نضيف

**hany63** · 28-02-2012 12:18 PM

و التوكيل ما اعترضش لما لقوك رايح لهم بالليكوي مولي ؟ ولا عملت الصيانه بره؟
وبالنسبه لو الواحد لسه في الضمان تفتكر هيرضوا يحطوه؟
على العموم الزيت اكتر من رائع و انا اقنعت 4 اصحابي و حطوه لعربيات اوبل و لانسر و باسات و هيونداي و مستكنيصين على الاخر وانا ناوي عليه بس مستني لما موبيل 1 عندي يكمل 5000 كم و اهو بالمره على بداية الصيف

**lanos2004** · 28-02-2012 12:27 PM

المشاركة الأصلية كتبت بواسطة ahmedeihab

تسلم يا باشا
هو ابو 120 حلو علشان الزيت ميفضلش فى العربيه كتير و يتغير اول بأول علشان الموتور يفضل نضيف

لو ما تورك لسه جديد بلاش الى بيقعد 5000 على الاقل الى بيقعد 7000

**ahmedeihab** · 28-02-2012 12:33 PM

لاء انا معايا بريليود 83 و لسه عاملها عمره موتور
استخدمت توتال غيرته ييجى بتاع 5 مرات لحد دلوقتى من مرحله التليين لحد وقتنا هذا تقريبا 4 شهور
بس الاحسن للموتور ان الزيت يتغير على طول لو الموتور قديم او جديد و ده يحافظ عليه اكتر لانه بينزل كل الوساخه اللى فى الموتور و ده بيخلى عمر الموتور اطول

**SAMEH_FOUAD** · 28-02-2012 12:41 PM

اعتقد ان الشيل بردة مستواة عالى ويعتمد علية

انا مش عارف الصراحة الشركات الجديدة اللى منزلها زيوتها اضرارها اية على المحرك

لان لو فعلا الزيت كويس كدة زى مالناس كلها بيقولوا , التوكيلات مش بتعمل بية لية

وصدقنى لو فية توكيل سيارات فى مصر لية سمعتة فعلا وعربياتة منتشرة وخلى الزيت المستخدم هو زيت ليكوى مولى هيفرق كتير ساعتها فى الشك اللى عندنا

بس مش لاقى تقدم اى من الشركات دية نحو هذا الزيت مع انة ( ارخص - افضل - اطول ) على حسب ارائكوا كأعضاء

-

الموضوع: افضل زيوت لى مواتير الهوندا

LinkBack

أدوات الموضوع

عرض

افضل زيوت لى مواتير الهوندا - انشر الموضوع فى :

-

-

-

-

المواضيع المتشابهه

هيا زيوت مواتير شل عمرها اطول من موبيل و لا ان بيتهيألي؟

جميع اكواد مواتير الهوندا من A to Z كامله ^_^

سؤال عن مواتير الهوندا

استفسار مهم بخصوص مواتير الهوندا سيفيك

الكلمات الدلالية لهذا الموضوع

المفضلات

المفضلات

ضوابط المشاركة