الموضوع: صوت غريب طالع من الدينامو

احتمال كبير جدا ....كان الصوت ده عند واحد صاحبي و غير بليه الدينامو و الصوت راح تماما ....بس المهم الكشف المظبوط و التأكد انها هيه .

طب هى دى سعرها كام؟ واجيبها نوعها ايه؟

الحمد لله تم تغيير البليتين واحده صغيره وواحده كبير
دفعت 55 جنيه شاملين تمن البليتين
بس كان هيتعمل على حوااار ,, كان هيخلينى اشترى دينامو استيراد ولولا الحمد لله انى فاهم وانى سالت فى المنتدى كنت هلبس فى الحيط
حسبى الله ونعم الوكيل فى الناس اللى معندهاش ضمير ولا دين

انا والله اتصدمت اما قالى يتغير لانه قالى ان بلى الدينامو اما بتيجى نفكه بيكسر المروحه الفيبر والبلى بيلق وقتها جوه الدنامو
بس فكرت بسرعه فى الاتى:
ازى العربيه شغاله ومكانش فيه مشكله شحن مثلا الا لما الصوت دا عالى ودا اكيد صوت بليه مش حاجه بايظه فيه
ثانيا
ازاى هما عاملين قطعه غيار اسمها بلى ديناموا اذا كان ملوش لازمه وانه لما الدينامو بيتفك بيبوظ


الى يدحك بقى
ان الاسطى قال لواحد يفك الدينمو " عيل صغير كدا عنده اد 16 سنه ففكه واداه لشاب كبير تانى
فقالى نفس القصه انه مش هيتصلح وهيتغير ب 230 جنيه وان مصنعيه فك الدينامو لوحده 70 جنيه والبلى ب 60 جنيه! طبعا انا دحكت وقتها ليه وقلتله انا عاوز اجرب افكه
فواحد برده شغال فى الورشه بس مكانش معانا من الاول قالى اان هحاول اعملهولك ففكه وصلحه
ووهو بيقفل الدنامو الاسطى جه بيقوله انتم مغيرتهوش ليه بواحد استيراد فقاله الواد اللى عمله هو قالى اغير البلى بس
فقالى خلاص مش مشكله هو كدا كدا هيبوظ منك نبقى نغيره ليك وقتها
وادى الدينامو للواد الصغير يربطه فى العربيه وانا رحت معاهم
5 دقايق وجه الواد اللى صلحه بيقول عيب انك تتفق مع الاسطى على انك تغيره وتشتغلنى وتخلينى افكه
طبعا انا وشى اتقلب ليه وكنت هبهدله بس مسكت اعصابى وقلتله امال انا جايب بلى الدينامو معايا دا ليه زينه ؟ ومدام هو بيتصلح وبيتزبط اغيره ليه يعنى
بعد كدا قالى الحساب 70 جنيه قلتله لا كتير
رحت اتكلمت مع الاسطى واخد 55 جنيه شامل تمن البلى
المهم ان انا قررت مرحش للكهربائى دا تانى هو ولا اخوه الميكانيكى مع ان الناس كلها بتشهد ليهم بالكفائه
وانا نفسى اتعاملت معاهم قبل كدا واول مره الحركه دى تحصل
بس قررت فعلا متعاملش معاهم تانى بإذن الله