-
لا انا مصر على رايي لكذا سبب , اولا العربية الى معايا 156 موديل 2005 النادرة الاسطورية الى ناس كتير ماتعرفهاش اصلا يعنى احدث موديل على الاطلاق اعلى فئة ماعدا السقف كانت ب 250 الف و مدلعها لاقصى درجة و بشترى ساعات كاوتشات و مسامير صغيرة اصلية بتضيع فى الفك و التركيب بمبالغ كبيرة و مرة جبت كتالوج 20 صفحة من اوماترا وقعت عليه نقطة ميه ب 160 جنيه يعنى عربية سليمة تماما
و ثانيا انا عندى غيرها فى نفس الوقت 5 عربيات تانية اعلى و اقل و اقدر على المقارنة من اى حد و مابتجبش 210 هى اخرها 200 و لو السكة نازلة تجيب 205 بالعافية و العفشة فعلا ناشفة و التكيف و الكاسيت مش حلوين و العربية ضيقة و مش مبهرة للدرجة الى الناس بتوصفها هنا غير بس ان شكلها و شخصيتها ساحرة و البى ام احسن بكتير و اريح اوى فى السواقة و جبتها بس علشان افرجها للناس كل شوية و اركنها و اركب حاجة عملية تكيفها قوى و اوتوماتيك اشوف بيها شغلى
دى مش للاعتماد عليها يا جماعة دى للاقتناء و و الفسح والهزار مش عملية خالص و مش متصممة لمصر اصلا دى معاها 8 كتالوجات كلهم بالايطالى و لما بنزل سرفس مانيوال من النت لجزء عاوز افكه فى العربية بينزل برضه بالايطالى و رغم انى عندى ورشة كاملة فى البيت للعربيات بكل عدتها و بشتغل فيهم بايدى و ساعات بجيب ميكانيكى يقفل ورشته و يقعد ليهم مخصوص بس بيبقى يوم اسود يوم الشغل فى العربية دى بالذات الى بيتعمل فى دقائق حتى فى البى ام الفئة الخامسة الضخمة بيتعمل فى ساعات فى العربية دى و ضيقة و معقدة و تصميمها غبى بمعنى الكلمة والله العظيم الديناموا الى فى اى عربية بيتفك بمسمارين و سير فكينا علشانه نص العربية فى يومين كاملين علشان يخرج و فك الفتيس كان مهزلة كنت هخسر بسببها الميكانيكى كان اصعب من مرواح المريخ و العربية اصلا ماكملتش 80 الف و احتاجت صيانة كتير
-
الميكانيكي عشان يفك دينامو فك نص العربيه وفتيس ؟؟
متأكد انه ميكانيكي كويس وحتي لو كويس مش بيفهم في الالفا
انا الميكانيكي اللي اعرفه بيسقط الماتور الصبح تاخد العربيه على المغرب :)
بيفك الكاتينه في انجاز (العيب في الميكانيكي بتاعك هو اللي معندوش خبره في الالفا)
عربيتك موديل 2005 دي نازله بموتور 1500 على فكره مش 1600 ومحدش يعرف الموضوع ده كتير غير اللي نزل ماتورها ودي محدش عملها لو مش مصدقني ارفعها وفك المصفحه واقرا الرقم المكتوب على الموتور من تحت
وال 147 اللي كانت معايا والله كانت بتجيب 210 في اي وقت بس ماكانتش بتكسرهم الصراحه وال 156 ال 2000 سي سي بتجيب 230 عادي جدا طبعا بالفتيس بتاع ال 2000 برضه
انت بس مشكلتك تتعرف على حد (ميكانيكي) يحببك فيها شويه عن كده
-
يااااه يا خالد , هو انت الى كنت بتكلمنى هنا زماااان اول مرة فى حياتى ادخل موقع الفاروميو ارغى فيه و دخلتنى على الجروب ههههه , ده انت مستوطن فى كل المواقع بقى :36_2_33:
-
اي مكان فيه الفا روميو حتلاقيني فيه متقلقش
ولو دورت في منتديات بره (منتديات مخصوصه لالفا بس) حتلاقي هناك برضه وبشارك وليا مواضيع :)
-
ياجماعه
انا ادخرت مبلغ طبعالاني متجوز ادخرته بالعافيه
عايز اجيب الفاروميو بس مش مانيوال عايزهااتوماتيك
بيخوفوني من الاتوماتيك وناس قالتلي متخافش داالفتيس كله علي لعضه السيليليد رخيص والالفا حبيتها من منتداكم طدا وان شالله نكون معرفه كلنا نصيحتكم ايه
-
سعيد بمكالمتك ليا امبارح (casper) وربنا يسهل ونلاقي حاجه كويسه مع بعض
-
انا اشكرك علي كرمك يا خالد انت الاحسن والاكرم والاكثر خبرة
انت من ضمن الناس اللي حولت دماغي للالفاروميو 156حاجه شيك والتميز دائما ياتي من الاختلاف وراكبي الالفامختلفون دائما،،،
تحياتي لك
وان شاءالله نجيبها مع بعض وانت لازم تكون معايا
-
ارجوكم يا جماعة انا جيبت الفا 146 وملحقتش افرح بيها الموتور خبط ومش عارف اعمله ايه
عشان انا في مطروح ومحدش هنا بيعرف فيها كويس
واتصلت بصاحبها قالي بلاش تجيب من بورسعيد موتور عشان 90% من مواتيرهم بتبقي مخبطة او بايظة
بتمني من حضراتكم تنجدوني بحل كويس ويكون قريب مني
ولو حد يغيرلي الموتور يكون مضمون عشان متبهدلش عند صنايعية
وعشان كدة انا سألت اهل الخبرة فيها زيكم
بتمني الرد العاجل
-
هو محدش بيرد ليه
أيوة هو محدش بيرد ليه ؟؟؟ :Copy of rfds:
-
مين اللي قال ان مواتير بةرسعيد مضروبه ده في 100 ماتور اتسقط قدامي ومفيش مشاكل وعامه حتي لو ماتور طلع مش حلو وده وارد لان مفيش مضمون 100% بيرجع ويجيلك غيرو انت ليك ماتور يركب تجربه شهر وتقيس كبسه وتمام
بص متسمعش حد لانك لو سمعت مش حتجيب العربيه دي خالص :)
Content Relevant URLs by
vBSEO 3.6.0 PL2