المشاركة الأصلية كتبت بواسطة mazagangee
بالتأكيد اللي معروف مش اكتر من 10% من الحقيقة
و فعلا اهم عنصر قتالي تمتلكه مصر هوه العنصر البشري اللي مش موجود في اي مكان تاني غير مصر
و مش وارد ابدا دخول حرب مع اسرائيل و لا امريكا خلال 10 سنين جايين لأن ظروف امريكا الاقتصادية و السياسية تمنعها من الدخول في اي مغامرات عسكرية بعد افغانستان و العراق و اسرائيل اجبن من انها تدخل مواجهة مباشرة معانا
المانيا و فرنسا و انجلترا اللي ساعدوا اسرائيل في العدوان الثلاثي مش هيقدروا يعملوا نفس الموضوع تاني برضه بسبب الاقتصاد و بسبب ان المجتمع الدولي اختلفت ثقافاته من المواجهات المسلحة الى التفاوض و الاتفاقيات الديبلوماسية
كمان مصر بطنها مفتوحة حاليا و خزنتها فاضية و جيشها متوزع في المحافظات كلها و ده عامل ضغط رهيب عليه و بالتالي احنا كمان مش من مصلحتنا الدخول في مواجهة مسلحة ...
طيب لو افترضنا حدوث مواجهة بين مصر و اسرائيل ::::
هتلاقي البلد كلها فولت عربياتها و طلعت على اسرائيل تهدها بايديها قبل ما الجيش يطلع يرد .. و طبعا اللجان الشعبية الناجحة هترجع تشتغل تاني و تحمي ضهرنا و تامن لينا المدد المعنوي ... و طبعا لا ابوحامد و لا ساويرس و لا الفلول هتلاقي ليهم صوت لأن البلد كلها هتبقى كلمة واحدة و راي واحد زي 25 يناير بالظبط ...
و ده امريكا و اسرائيل عارفينه كويس و عاملين حسابه اكتر من الجيش نفسه