عرض للطباعة
عندي العربيه جابت سبيكه و الكل اجمع اني اغير موتور افضل
عربيتي موديل 2000 موتور 1600 واحد كامه الاسود بتاع منصور
فكرت اغير باستيراد 2000 سي سي ايكوتيك
ايه رايكم و ايه اسعار المواتير و هل هحتاج اغير الكمبيوتر و الضفيره ولا لا
مستني الرد في اسرع وقت و شكرا لمساعدتكم
للاسف الموتور ده مافيش منه استيراد لانه كان نازل لمنصور فقط ,امامك حل من 2
-اما تسقط موتور الفيكترا ايه ال1600 الكثير الشبه بموتورك السابق بدون اي تعديلات
-او تسقط موتور 2000 سي سي ايكوتك ومعاه هتغير حجات كتير قوي عفشه امامي وخلفي
فتيس-رادياتير ...
طبعا الموتور الايكو بييجي معاه الكونترول والضفيره بس حاول تجيب الضفيره شمال مش يمين علشان
ماتعدلش فيها .الموتور بالفتيس والتعديلات بيتكلف 7500ج .والسعر ده قديم ..النهارده ممكن يكون ازيد وممكن اقل حسب ظروف السوق ووفره البضاعه او قلتها. احسن واحد يسقط الموتور ده الشيخ هيثم في الحرفيين..تحياتي
شكرا علي الردد الاستاذ فادي
معني كلامك اني مش هلاقي موتور عربيتي ده استراد نهائي ده علشان انا جالي عرض من القاهره بموتور بيقول انه زي موتور عربيتي منصور كامل بكل حاجه ضفيره و كنترول و كل التغذيه ب 6000 جنيه
و واحد تاني موتور بس ب 4000
و اخر عرض موتور ايكوتك موديل 99 ضفيره شمال مانيوال 2000 سي سي كامل بكل حاجه كنترول و ضفيره و قالي مش هحتاج اغير اي حاجه ب 5500
لو امكن ممكن نتواصل عن طريق الموبيل لو مش ضايقك لاني محتار جدا
شكرا للرد
ابعتلي رقمك ع الخاص وان شاء الله اكلمك النهارده
موتور اوبل الأسود على حد علمى منزلشى بره مصر
معلش هى بتعمل اية عشان السبيكة ؟؟؟
السبايك هي انصاف دواير موضوعه بشكل متقابل حول عمود الكامه وعمود الكرنك ..كل واحده مصنوعه من 3 طبقات مختلفه من المعدن (علشان كده اسمها سبيكه) حديد زهر ثم يعلوه طبقه من النحاس واخيرا ماده رقيقه مش عارف اسمها ناعمه الملمس..اعراض تلف السبايك بيبان مع نقصان الزيت وبيتسمع علي شكل صوت ترزيع علي السلانسيه والموتور ساخن والصوت غالبا بيبقي جاي من ناحيه كارتيره الزيت..
الاخ العزيز فادى
انا كنت عند بتاع قطع غيار ولقيت الموتور الاسود ده برشاش واحد زى بتاع الفيكترا ايه بالضبط وسالت الراجل عليه وقالى انه مسقط لابنه موتور 2000 سى سى وشايل الموتور ده علشان ابنه بيحب الجرى بالعربيه علشان هو بيسافر كتيير لو ممكن بدل مايشيترى موتور جديد ياخد منه الاى هو عايزه احسن من غير ميغير موتور كلامى صح ولا لا وهل تلف السيبكه يستلزم تغيير موتور بالكامل:I_angr1[1]: يعنى مفيش سيبيكه بتتباع جديده حتى لو فى التوكيل وهل سعرها غالى جدا لدرجه انى اشترى موتور استيراد :bye2:
عم اشرف حبيبي....اقتباس:
المشاركة الأصلية كتبت بواسطة ashrafnoby
-االاختيار يرجع لصاحب الموضوع ,الموتور ده اسمه (خلع) حالته مش مضمونه طالما الولد كان بيحب الجري...
-السبيكه بتتباتع بالمقاس حسب قطر عمود الكرنك وعمود الكامات عندك...
-في اخ في قسم هوندا غير السبايك عنده واشتراها من المصانع الحربيه ,بس بيقول انها ممتازه جدا,معني كده ان المصانع بتنتج سبايك مختلفه المقاسات يركب عندنا المقاس بتاعنا,تحياتي يا كبير..
شكر ياعم فادى على المعلومات القيمه
تمام يا فادى
لو ميكانيكى شاطر هيغيرلك السبيكه و سمعت و الله اعلم انو بينزلو كارتيرة الزيت من تحت و تتغير عشان هى فى الموتور من تحت خالص و ممكن تنزل و تتغير من غير ما يفتح الموتور اصلا و الله اعلم اسال بردو
على حسب السبيكة اتمشى عليها قد اية بعد ما اتسلخت لان السبيكة لما بتلف بتريج الكرنك و ممكن يبقى مجبر ينزل الكرنك يعملة بوليش لو ريجة خفيفة اوى او يتخرط و دى فكرة فاشلة , احسن حاجة موتور استيراد ورايح الd
بصراحة لو منك اجيب ماتور ايكو تك واريح دماغى