السلام عليكم
انا متحمس جدا و محتاج كيت منكم
رقمى 01111168106 مقيم فى محافظه اسيوط و مستعد للدفع فورا بالطريقه اللى تناسب
ارجوا اعطائى رقم المسؤل عن الشراء للتواصل معه عن كيفيه الدفع و الاستلام
عرض للطباعة
السلام عليكم
انا متحمس جدا و محتاج كيت منكم
رقمى 01111168106 مقيم فى محافظه اسيوط و مستعد للدفع فورا بالطريقه اللى تناسب
ارجوا اعطائى رقم المسؤل عن الشراء للتواصل معه عن كيفيه الدفع و الاستلام
المسئول عن الموضوع ده هو العبد لله .. والحاجة مش متوافرة .. لانى مش صاحب محل اكسسورات سيارات
انا اخ وعضو فى المنتدى المحترم ده .. زى زى اى عضو فاضل اخر .. وبجتهد عشان خدمة باقى الاعضاء
وحتحمل مخاطر الموضوع عشانكم
فياريت قبل ما تشاركوا تتابعوا اصول الموضوع .. عشان تعرفوا ان دى خدمة بنجاهد فيها للاعضاء .. الناشطين فى القسم .. وكمان مفيش وسيلة تامين للفلوس اللى براسل بيها الشركات اللى عندها الكيتات .. يعنى مخاطرة وبتحملها .. وعشان كدا اتجهت الى شركة تامين عشان تامن الفلوس اللى حدفعها .. حتى لو حياخدوا فلوس زيادة
كعمولة .. بدل ما اقعد قلقان
شوفوا الاول انتوا محتاجين كام كيت .. وكام ربر .. بس الشركة اللى براسلها .. معندهاش ريموت كامل .. والافضل اللى عايز الريموت كامل بالشباية بتعته .. يجيبها من مصر .. لان سعرها جديد .. بيكون قريب لسعر الوكيل .. ولو على المفتاح بتاع نيسان .. بردوا الشركة بتطلع الحاجة بكمية .. ولو طلعوا مفتاح واحد اكيد بيكون السعر غالى مش زى مجموعة
جمعوا طلباتكم .. وانا بتفق معاهم .. عشان اعرف كل حاجة انتوا عايزنها
وبخصوص الفلوس .. استنوا الاول جمعوا طلباتكم وجمعوا الاسماء .. بس الاسماء اللى متاكدة .. عشان بصراحة .. حصل مواقف مش ظريفة ان جبنا الحاجة .. ولقينا فى اعضاء اعتذروا .. وكان شكلنا بايخ اوى قدام الناس اللى اتحملوا التكلفة على حسابهم .. وبقينا نجمع الفلوس بالعافية .. ونوزع على اقاربنا الكيتات.. لغاية ما الحاجة خلصت
فالمرة دى .. الاسماء المتكوبة .. لو اعتذرت .. الموضوع ده مش حنعمله تانى فى القسم
تحياتى
منسق القسم
الله ينور يا احمد ومحدش يقدر ينكر مجهوداتكم فى القسم
طب يعنى انا كده بخ بالنسبة للريموت الكامل :(
ahmed tv كلام جميل ومتيييييييييييييييين
عارف والله يادمسرى .. سالتلك قبل كدا على ريموت بشكل مختلف وزى فكرة الاستايل اللى معانا للاوبل .. ملقتش عندهم يا حبى .. فمش نسيتك والله .. وحفضل ادعبس لغاية لو لقيت حاجة اكيد حقولك وابعت اجبهالك على طول بدون نقاش
العفو يا فندم .. وشاكر تقديرك الغالى من اخ عزيز
معلش انا كان كلامى صريح .. واسف ان صراحتى ممكن تزعل حد منى من الاعضاء الجدد فى القسم ..
المرتين اللى فاتوا .. حصل فيها قصور .. وسلبيات ..
من ان نبعت نجيب وناس تحجز بالاسم .. ولو اتاخروا مثلا علينا عشان ياخدوا حاجتهم بنضطر نديها لناس تانية عشان نلم الفلوس فبيزعلوا مننا وياخدوا موقف مننا عشان اتصرفنا فى الحاجة اللى حجزوها باسمهم .. فمعندناش استعداد نزعل حد مننا تانى .. وعشان كدا قولنا نلم الفلوس قبل ما نجيب الحاجة .. عشان تكون محجوزة للعضو .. ووقت ما يحب يستلمها فى اى وقت اهى متشالة باسمه وبفلوسه اللى حجزها
وبردوا المرتين اللى بعتنا وجبنا الحاجة على حسابنا فيها .. فى ناس بتلتزم بكلمتها معانا بس فى ناس بتغير رائيها فى اخر لحظة .. وتصرف نظر .. وطبعا الحاجة مفروض جاية على اسمهم .. فحاجة بتزعلنا بصراحة ..
وكمان النقطة الاهم .. وتهمنى شخصيا وتهم الاعضاء القدامى .. اللى تعبوا معانا فى بناء القسم وهى .. ان فى ناس بتيجى تاخد الحاجة واول مرة نشوفهم جوة المنتدى وبره المنتدى وبعد كدا ولا بنشوفها تانى ولا بره المنتدى ولا جوة المنتدى حتى ..
فاسف .. الخدمة دى بنعملها عشان روح التعاون والمحبة والتشارك فى المنتدى .. لو فاتحين محل .. فاساعتها مش حيفرق معانا غير مصلحتنا واللى يجى يشترى ويمشى خلاص فمش فارقة .. لا طبعااااااا .. مش ده منهجنا ولا اسلوبنا ولا طريقة تفكيرنا
ده معمول بسبب الترابط والتشارك بين الاعضاء .. ولزيادة النشاط فى القسم بمشاركات الجميع المثمرة داخل القسم .. حتى لو ان شاء الله يدخل العضو يقول هاى عاملين ايه فى موضوع الدردشة .. او يدخل يبارك ويهنى فى اى مناسبة لاى عضو فى القسم .. او يحضر مقابلاتنا الجماعية
على فكرة .. فى اعضاء مشاركتها قليلة جداااا .. بس مش بتفوت مقابلة لينا ابدا ..
والروح دى .. اللى ميزت قسم نيسان .. وحتخليه يكون منتدى مش قسم منبثق من موقع نايل موتورز .. وده جه من خلال ترابط الاعضاء مع بعض .. والموضوعات الحيوية اللى فيه .. والسمعة الطيبة اللى وصل ليها
فده خلاصة كلامى للجميع .. واتمنى ان محدش يزعل من الكلام ده .. وياريت تراجعوا الموضوعات القديمة فى القسم بسبب موضوع الريموت ده عشان تتاكدوا من الكلام
واحنا بنقولكم بواقع الخبرة اللى اخدناها .. وبواقع الروح اللى قايمين بيها .. واتمنى ان الشروط ده متزعلش حد فيكم .. وتتقبلوها بصدر رحب
واعتقد كل اعضاء قسم نيسان .. متفهمين لكلامى ده .. ومتفهمين للدور اللى بنقوم بيه جميعا مع بعض فى القسم
تحياتى للجميع
منسق القسم
أحمد بيك حبيبى شكرا انك مش ناسى طلبى بس انا عايز كمان ريموت كامل للصنى 2008 مش عارف انت بتقول مش موجود لﻷوبل ولا اﻷتنين
تسلم ايدك يا استاذنا احمد مصطفى
واكيد الحق ما يزعلش
واكيد ده خدمه للاعضاء فمش معقول تعمل لنا خدمة وتنضر بسببها
القواعد متزعلش حد الله ينور يا احمدبيك مصطفى وياريت نتقابل في اقرب فرصة ان شاء الله...
د/احمد
معلش انا كان عندي استفسار
هو له السعر في الطلبية دي زيادة عن اللي فاتت
معلش يعني ايه كيت؟