تقرير عن التيدا هاتشباك2012 بعد الالف كيلو

الحمد لله ربنا كرمنى و اشتريت التيدا ب 117 الف من اوتو ايجيبت الفئة الاولى فى الهاتش باك
الون: اسود و الفرش غامق
اهم المميزات:
السحب ممتاز جدا و استجابة الموتور هايلة
العفشة ناعمة جدا و دى اكتر حاجة شدتنى للعربية و انا بشتريها
الوسع الداخلى و شكل الصالون محترم اوى و الخامات الجيدة
الفرامل مناسبة جدا لقوة الموتور و تبقى ماشى مش خايف من اى مفاجئات
استهلاك البنزين جيد جدا تقريبا 300 كيلو فى الصفيحة
صوت الموتور هادئ و العزل ممتاز
الباب كبير تقدر تنزل و تتطلع بسهولة
العيوب:
"""الثبات مش كويس .. تقريبا بعد ال130 بكون مقلق بصراحة .. مقارنة ب ميجان 2001 اللى كانت معايه قبلها الثبات فى التيدا سئ للاسف
"""كرسى السواق مريح فى القيادة بس بالنسبة لطوال القامة بيكونوا محتاجين الكرسى يرجع اكتر من كد علشان الرجل تبقى مفرودة و بالتالى كف القدم يبقى مفتوح اكتر عن الساق..
"""الفوجات مش بتشتغل مع النور الصغير
عموما: العربية صافقة رابحة جدا و انا مقتنع جدا بيها خصوصا بعد لو جربت اوتو ايجبت و تاكدت ان فى توكيل محترم ورا العربية
و بنصح اى حد بيفكر فى عربية اوتوماتيك يشترى التيدا ..انا اشترتها بعد مقارنة مع الالنترا و الكارينز و الاوبترا و الاكسنت الجديدة و الصنى و لكن اليابنى يتفوق بشد عن الكورى خصوصا فى موضوع العفشة اللى فكرت فيها برضو كانت الانسر بس بعدت عنها لشكلها القديم و توكيلها السئ

شكرا لكل العضاء الى استفدت جدا من مشاركتهم و ارائهم و خصوصا احمد مصطفى
ومازلت بكرر على امانة و احترافية اوتو ايجبت سواء فى البيع او الصيانة

عربيه حلوه لكن حكاية الثبات !!
صحيح الحلو مايكملش

يباشا 130 لية كفاية اوي لحد 120 والسرعة في الطرق 90 غير السخنة 120 فالية تزود عن كدا وبعدين انا مش هحارب بالعربية

الف الف مبارك علي التيدا وعلي الصيانة
ربنا يرزقك خيرها ويكفيك شرها
انت ممكن قدام شويه تعلب في العربية شةيه
يعني تعرض الكوتش و تركب اسبويلر مثلا وعتب وكسحات
هاتفرق معاك كتيييييير ان شاء الله

ألف مبروك ياباشا ... وربنا يديك خيرها ويكفيك شرها ... تقريرك جميل وحيادي وبروفيشنال ... هيا عربية ممتازة بسم الله مشاء الله عليها ... لكن كما ذكرت حضرتك حتت الثبات دي كثير أكدو عليها وأحب أضيف أني سئلت كثير من الي عملو حوادث بيها ايه الموضوع لأني تفاجئة كل شوية ونش رايح بتيدا وجي بتيدا مخبوطة ... فسئلت الي عملو الحوادث ليه كده قدر ولا عيب في العربية فذكروا وقالوا ان الموضوع قدر وعيب في العربية ان تقلها لقدام وتمركز الحمل في المتور فالعربية بتتكفي على بوزها في الفرامل الشديدة ... لكن هيا كعربية ممتازة لأسرة المصرية الي بتمشي باتزان دون السرعات العالية .

وربنا يستر طريقك يارب ومتخليش العربية تخدعك او تجرك لسكت الجري وربنا يحميك ويحيها يارب ويكفيك شر الطريق .

الف مبروك يا باشا
وفعلا إلي يشتري تيدا ميندمش
وبالنسبة لموضوع الثبات ده إحنا إلي بننحب ننكد على نفسنا، ليه نمشي اكتر من 120 اصلا

[QUOTE=nav man;3874141689]يباشا 130 لية كفاية اوي لحد 120 والسرعة في الطرق 90 غير السخنة 120 فالية تزود عن كدا وبعدين انا مش هحارب بالعربية[/QئهUOTE]
حضرتك مش فكرة 120 ولا حتى 100 الفكره لما العربيه ثباتها ضعيف بتخلى احساس الواحد بعدم الامان على السرعات البطيئه برضه يعني بالبلدي تحس ان العربيه خفيفه عموما وانك زي ماتكون طاير في الهوا و الاحساس ده بيجي لي لما انزل من السيفيك و اركب كورولا 2006 بتاعة البيت جوه البلد
على العموم ده مايعتبرش عيب خطير و يبقى العربيه تعتبر سيتي كار هايله و عدم تخطي السرعات المسموح بها على الطرق السريعه

الف مبروك على الصيانة والعربية .. ابويا بيجيب 150 بيها وبيقولى كويسة

1000 مبروك وربنا يباركلك فيها

شكرا على كل الردود...انا مقلتش ان موضوع الثبات على السرعات العالية عاملى مشكلة عن نفسى ..انا مش من النوع اللى بيحب الجرى بالعكس (Safety First)
و مازلت برشح العربية دى لاى حد بيفكر فى عربية عملية هادئه

ألف مبروك يا بيه على العربية الجميلة ديه ..

ربنا يديك خيرها و يبعد عنك شرها ..

ياريت متحرمناش من مشاركتك الجميلة ..

تحياتي لحضرتك و نورت القسم ..

الف مبروك يا باشا و شكرا علي التقرير المميز

الف مبروك وربنا ريباركلك فيها

مبروك يا باشا وربنا يباركلك فيها ويكفيك شرها

مبروك عليك العربية و مبروك علينا أخ جديد في القسم

[QUOTE=hany63;3874141826]

اقتباس:

---

المشاركة الأصلية كتبت بواسطة nav man

يباشا 130 لية كفاية اوي لحد 120 والسرعة في الطرق 90 غير السخنة 120 فالية تزود عن كدا وبعدين انا مش هحارب بالعربية[/QئهUOTE]
حضرتك مش فكرة 120 ولا حتى 100 الفكره لما العربيه ثباتها ضعيف بتخلى احساس الواحد بعدم الامان على السرعات البطيئه برضه يعني بالبلدي تحس ان العربيه خفيفه عموما وانك زي ماتكون طاير في الهوا و الاحساس ده بيجي لي لما انزل من السيفيك و اركب كورولا 2006 بتاعة البيت جوه البلد
على العموم ده مايعتبرش عيب خطير و يبقى العربيه تعتبر سيتي كار هايله و عدم تخطي السرعات المسموح بها على الطرق السريعه

---

حضرتك فى موضوع السيفك والكورولا سالت وجاوبت على نفسك .. بمعنى

اى حد سايق عربية .. اوطى الى الارض وينقل ويركب عربية تانية اكبر واوسع واعلى من على الارض .. لازم يحس ان فى اختلاف وعدم ثبات .. ده فى العموم
مع ان كل اللى ساق الكورولا كانوا بيقولوا ثباتها ممتاز

وبخصوص التيدا .. وكاحد ملاك العربية .. والسيدان منها .. مش الهاتش باك كمان ..
العربية من الثبات الى 130 ولا الدموع .. ومفيش فيها اى قلق ابداااااااااا .. لاى مالك متعود عليها وبيسوقها باستمرار
عشان ياخد على ابعاد العربية .. والوسع اللى فيها الكبير .. واللى بالنسباله مخيف فى البداية او وقت التجربة
بعد ال140 ثبات العربية السيدان بيقل .. نظرا لارتفاع العربية سواء من تحت او من السقف .. ولكن الماتور تجميعه قوى جداااا والعربي طيارة .. واللى عايز يجرى يبقا يجيب جنوط 16 والثبات حيكون افضل .. لكن العربية ثباتها قليل فعلا فوق ال140 ..
وبعدين اى عربية بعد ال140 الثبات كله مع ربنا سبحانه وتعالى .. فى اى عربية مع السرعة الكبيرة اللى بيكون الواحد ماشى بيها ..

.....
استاذ رامى الف مليون مبروك .. وحضرتك تستاهل كل خير .. وكنت متابعك فى الخباثة وقت استلامك للعربية .. وكنت بشقر على اخبارك من اوتو والله .. سواء من محمد عادل او مدير المعرض عادل سعيد ..
وربنا يعطيك خيرها يارب ويكفيك شر الطريق
وبلاش جرى .. لان شوارع بلدنا اخطر حاجة .. وماليانة بلاوى .. انا على كوبرى اكتوبر نزلت فى حفرة عمقها ارفتاع رصيف .. وقطمت الجنوط .. وقطعت جلب المقصات وجلب الدنجل الخلفى .. فخلى بالك .. الجرى مالوش كبير .. حتى لو كنت راكب ايه
وخالى بالك متقارنش عربيتك القديمة بالجديدة .. لان الميجان وضع والتيدا وضع
زى ما كنت راكب عربيتى القديمة البولو .. وطلعت الى تيدا سيدان .. والبولو عندى صغنونة ومواصفات مختلفة .. كنت بعمل كدا فى الاول .. لغاية ما اتعودت على عربيتى .. وعرفت ابعادها واتعاملت معاها
انا بحب حتى لما اجرب عربيت حد غير عربيتى .. بركز فى حاجات معينة .. الماتور اهم حاجة واستجابة العربية .. وتقفيل العربية .. والثبات بقا .. بشوف ابعاد العربي اللى راكبها ايه سواء من بره او من جوة .. واحكم بالعقل وبالتعود فى المسائلة دى

الف مليون مبرك مرة تانية يا حبى .. وان شاء الله نشوفك معانا دايما
واتمتع بالعربية بدون خوف .. وفى السرعات القليلة من احد ملاكها بيقولك متخفش .. ومفيش الاحساس ده ابدا .. واسال حسين جمال عملت معاه ايه وكنا ماشين كام انا بالتيدا وهو بالصنى

اه صحيح واسال احمد زونججججججج ... ههههههههههههههههههه

حبيبى يا دوك

تحياتى ليك يا رامى باشا

[QUOTE=Ahmed.TV;3874146438]

اقتباس:

---

المشاركة الأصلية كتبت بواسطة hany63

حضرتك فى موضوع السيفك والكورولا سالت وجاوبت على نفسك .. بمعنى

اى حد سايق عربية .. اوطى الى الارض وينقل ويركب عربية تانية اكبر واوسع واعلى من على الارض .. لازم يحس ان فى اختلاف وعدم ثبات .. ده فى العموم
مع ان كل اللى ساق الكورولا كانوا بيقولوا ثباتها ممتاز

وبخصوص التيدا .. وكاحد ملاك العربية .. والسيدان منها .. مش الهاتش باك كمان ..
العربية من الثبات الى 130 ولا الدموع .. ومفيش فيها اى قلق ابداااااااااا .. لاى مالك متعود عليها وبيسوقها باستمرار
عشان ياخد على ابعاد العربية .. والوسع اللى فيها الكبير .. واللى بالنسباله مخيف فى البداية او وقت التجربة
بعد ال140 ثبات العربية السيدان بيقل .. نظرا لارتفاع العربية سواء من تحت او من السقف .. ولكن الماتور تجميعه قوى جداااا والعربي طيارة .. واللى عايز يجرى يبقا يجيب جنوط 16 والثبات حيكون افضل .. لكن العربية ثباتها قليل فعلا فوق ال140 ..

---

كلام حضرتك صح يمكن شعور القلق اللي بيجي لي في الكورولا ماجاش الا بعد ما اتعودت على السيفيك

احب اضيف على حضرتك ان ارتفاع العربيه بيدي احساس خادع بقوه الموتور و التسارع واللي جرب مثلا ال SX4 يحس انها جباره وانا شخصيا لما سوقتها انبهرت و قلت لا سيفيك ولا بتاع
لحد مره سخنت انا وصاحبها على الدايري مسافه كبيره بقيت باطلع منها بدون مقاومه و بابعد بالمسافات
انا بتكلم عموما عشان ماحدش يفهمني غلط و الواحد يستفيد برضه لو في حاجه مش فاهمها و تحياتي

اقتباس:

---

المشاركة الأصلية كتبت بواسطة ahmed.tv

واسال حسين جمال عملت معاه ايه وكنا ماشين كام انا بالتيدا وهو بالصنى [/color][/size]

اه صحيح واسال احمد زونججججججج ... ههههههههههههههههههه
[/color][/size]

---

هههههههههههههههههههه ......... يابو حمييييييييد قلتلك في حاجات لسه بتعلمها هاهاهاها
محدش معاه صني يجي يعلم علي الراجل الطيب ده :)))

بصراحة بعد كلام الزعيم ما اقدرش اقول غير الف مبروك عليك العربية الجديدة وربنا يمتعك بيها

هو ألف مبروك يا باشا ...
بس صحيح أيه موضوع انهم هيسحبو العربيات التيدا من السووووق دي الي سمعنا عنها ...

[QUOTE=Ahmed.TV;3874146438]

اقتباس:

---

المشاركة الأصلية كتبت بواسطة hany63

حضرتك فى موضوع السيفك والكورولا سالت وجاوبت على نفسك .. بمعنى

اى حد سايق عربية .. اوطى الى الارض وينقل ويركب عربية تانية اكبر واوسع واعلى من على الارض .. لازم يحس ان فى اختلاف وعدم ثبات .. ده فى العموم
مع ان كل اللى ساق الكورولا كانوا بيقولوا ثباتها ممتاز

وبخصوص التيدا .. وكاحد ملاك العربية .. والسيدان منها .. مش الهاتش باك كمان ..
العربية من الثبات الى 130 ولا الدموع .. ومفيش فيها اى قلق ابداااااااااا .. لاى مالك متعود عليها وبيسوقها باستمرار
عشان ياخد على ابعاد العربية .. والوسع اللى فيها الكبير .. واللى بالنسباله مخيف فى البداية او وقت التجربة
بعد ال140 ثبات العربية السيدان بيقل .. نظرا لارتفاع العربية سواء من تحت او من السقف .. ولكن الماتور تجميعه قوى جداااا والعربي طيارة .. واللى عايز يجرى يبقا يجيب جنوط 16 والثبات حيكون افضل .. لكن العربية ثباتها قليل فعلا فوق ال140 ..
وبعدين اى عربية بعد ال140 الثبات كله مع ربنا سبحانه وتعالى .. فى اى عربية مع السرعة الكبيرة اللى بيكون الواحد ماشى بيها ..

.....
استاذ رامى الف مليون مبروك .. وحضرتك تستاهل كل خير .. وكنت متابعك فى الخباثة وقت استلامك للعربية .. وكنت بشقر على اخبارك من اوتو والله .. سواء من محمد عادل او مدير المعرض عادل سعيد ..
وربنا يعطيك خيرها يارب ويكفيك شر الطريق
وبلاش جرى .. لان شوارع بلدنا اخطر حاجة .. وماليانة بلاوى .. انا على كوبرى اكتوبر نزلت فى حفرة عمقها ارفتاع رصيف .. وقطمت الجنوط .. وقطعت جلب المقصات وجلب الدنجل الخلفى .. فخلى بالك .. الجرى مالوش كبير .. حتى لو كنت راكب ايه
وخالى بالك متقارنش عربيتك القديمة بالجديدة .. لان الميجان وضع والتيدا وضع
زى ما كنت راكب عربيتى القديمة البولو .. وطلعت الى تيدا سيدان .. والبولو عندى صغنونة ومواصفات مختلفة .. كنت بعمل كدا فى الاول .. لغاية ما اتعودت على عربيتى .. وعرفت ابعادها واتعاملت معاها
انا بحب حتى لما اجرب عربيت حد غير عربيتى .. بركز فى حاجات معينة .. الماتور اهم حاجة واستجابة العربية .. وتقفيل العربية .. والثبات بقا .. بشوف ابعاد العربي اللى راكبها ايه سواء من بره او من جوة .. واحكم بالعقل وبالتعود فى المسائلة دى

الف مليون مبرك مرة تانية يا حبى .. وان شاء الله نشوفك معانا دايما
واتمتع بالعربية بدون خوف .. وفى السرعات القليلة من احد ملاكها بيقولك متخفش .. ومفيش الاحساس ده ابدا .. واسال حسين جمال عملت معاه ايه وكنا ماشين كام انا بالتيدا وهو بالصنى

اه صحيح واسال احمد زونججججججج ... ههههههههههههههههههه

حبيبى يا دوك

تحياتى ليك يا رامى باشا

---

الله يكرمك يا ابو حميد وشكرا على متابعتك ليا و هما فعلا اهتموا لما عرفوا انى من طرفك و من نايل موتورز..انا مش عاملى مشكلة موضوع الثبات ده لان فين و فين لما تيجى فرصة جرى فى شوارعنا اساسا و العربية فيها مميزات كتير تانية و انشاء الله نتقابل قريب

ياريت تقولنا اخبار العزل بالتفصيل
يعنى صوت الموتور مسموع لانهى درجة ؟وصوت احتكاك الكاوتش على الطريق؟وصوت احتكاك الهوا بالعربية ؟
طبعا كل ده وانت قافل الزجاج

الف مليون مبروط عليك يارامي وزي ماقال العمده لما تتعود عليها هتلاقيها ثبات معقول خصوصا ان الهاتش باك احسن في الثبات من السيدان ومن خلال خبرتي بيها 6 شهور اطمنك هي ثابته اوييييييييي لحد 150 بعد كده بتبتدي تقل بس احسن من الالنترا انا نازل منها بسبب الثبات ( سبب رئيسي ) وكنت بشد مع كروز على الدائري من اسبوع وجبت 170 واخدت الملف عند نزلة مدينة نصر على 130 والعربيه زي الفل بكرره تتعود عليها

الف مبروك عليك التيدا ... ربنا يباركلك فيها ويعطيك خيرها ويكفيك شرها
تقريرك ممتاز ومتفق معاك فى كل اللى قولته سواء مزايا او عيوب
ربنا يستر طريقنا جميعا
والف مبروك مرة تانية

الف مبروك وربنا يباركلك فيها

اقتباس:

---

المشاركة الأصلية كتبت بواسطة mohaismail

ياريت تقولنا اخبار العزل بالتفصيل
يعنى صوت الموتور مسموع لانهى درجة ؟وصوت احتكاك الكاوتش على الطريق؟وصوت احتكاك الهوا بالعربية ؟
طبعا كل ده وانت قافل الزجاج

---

العزل تقدر تقول جيد جدا ...يعنى التيدا مميزة بموضوع هدؤها

شكرا يا رجالة على الردود الجميلة

العربية دي قعدت معايا 5 شهور ..بتتاثر اوي بالهواء بيخليها مراجيح وكمان الثبات فى الملفات وحش جدا

اقتباس:

---

المشاركة الأصلية كتبت بواسطة walidzakzok

العربية دي قعدت معايا 5 شهور ..بتتاثر اوي بالهواء بيخليها مراجيح وكمان الثبات فى الملفات وحش جدا

---

للاسف ده عيبها الوحيد < الحلو مايكملش >

بس عليها كيك داون شلوووووووووت بجد وواسعة بغباء ...........هههههههههههه