اشتريت فرشه للتنظيف بيد ازاى اخليها زفره واحس ان العربيه بتلمع
عرض للطباعة
اشتريت فرشه للتنظيف بيد ازاى اخليها زفره واحس ان العربيه بتلمع
رةح لاى مغسلة سيارات وقوله زفر الفرشة دى
الميكانيكى قوله زفر الفرشه
او انت رش عليها جاز عليه نقط زيت
سوأل منين اجيب غيار الفرشه ؟
زيت ايه بالضبط اللى احطه على الجاز ؟
اشترى 2 لتر سولار من البنزينه ورشهم عليها وسيبها تنشف فى حته فيها شمس وهتخليلك العربيه مرايا
المهم انك تسيبها وقت كبيره فى الشمس
علشان الجاز ينشف و كفايه لتر جاز واحد لو الفرشه كبيره و نقط زيت بسيطه اوى عليها
و سيبها فى الشمس يومين ولا حاجه لحد ما تتأكد انك لما هتيجى تمسح العربيه
مش هتنزل جاز و زيت على العربيه
+111111
وبلاش زيت خااااااااالص ولا نقطة واحدة حتى
انت هتخش البنزينة وعند مكنة السولار وخاللى الموظف يغرقهالك جاز في حدود لتر ونصف جاز
وتسيبها تنشف كويس جدا يعني من 3 الى 4 ايام في مكان مشمس ولما تيجي تمسح بيها العربية امسح الرفارف بيها الاول او حته تكون متربه اوي اوي ومتعملش بيها الزجاج غير بعد اسبوعين
سولار وزيت وجااااااااااااااااز يانهار ازرق ودي هتمسحو بيها العربية ومش عاوزين العربية متكملش سنة وتلاقيها اجربت ولونها اطفى
يابشوات العربية بعد ما تدهن بتاخود طبقة من الورنيش ومثبت البوية ... الي بيديها لمعه وكل الي بتتكلمو عليها دي مواد مذيبة مبتدوووب يعني اي شي وبمجرد ماتمسح العربية بفرشة زفرة ولا فوطة زفرة وتطلع تاني يوم الشمس الحامية بتاعتنا ... مرة على مرة بينطفي لون العربية ... وتحياتي ,
هو احنا اول مره نركب عربيات
انا هتكلم عن نفسى انا معايا بريليود بقالها فتره كبيره جدااااااا و كل يوم امسح العربيه بلزفره
بس الفوطه ناشفه يا باشا مفيهاش لا زيت ولا جاز
و ده اللى احنا بنقول فيه انها تنشف كويس اوى علشان لما ييجى يمسح العربيه التراب اللى عليها يتشال بكل سهوله و ترجه اكنها مغسوله
تحياتى ليك
^_^
انا مجرب حاجة تانية بصراحة خفت من الجاز و أشتريت زيت برافين من الصيدلية و صبيت عليها و زى الفل
انا نصيحتى ان ترش على الفرشة ببخاخة فيها جاز بختين اتنين بس وسيبها فالشممس يومين كدا هتبقى احسن كتير ومش هتخلى العربية تلم تراب بمجرد ماتمسحها
يا جماعة كده كده الناس اللى بتتنح فى الشارع هتمسحها بالفوطة الزفرة غصب عن اى حد :)
يعنى لو الفوطه حطينا عليها جاز فقط من غير اى زيوت و نشفناها فى الشمس كذا يوم هتبقى كويسه و تلمع العربيه ولا بع الوقت يعنى كمان سنه كده هتلاقى العربيه اجربت و الدهان و الورنيش اتاكل ؟
كل السيارات الى فى الشارع بتستعمل فوط زفره بالجاز والزيت
انا اشتريت واحده امس وطلعت علي الميكانيكي
بتلاقي عنده تشت او قصعه بتكون مليانه زيت علي جاز ناتج تنظيف وغسل المواتير
انقع الفرشه فيها وطلعها وحطها في كيس بلاستيك
بعد كده اطلع السطح بتاع البيت عندك وسيبها في الشمس لمده مش اقل من اسبوع او 10 اياه وقلبها كل يومين
علشان تنشف كويس
وبعد كده تبقي تمام
اما موضوع الزيت والجاز وتاثيره علي البويه غير سليم ن الفرشه بتكون نشفت تماما
و الله انا كتير سمعت عن ان الجاز و الزيت و حتي لو نشفوا ...بيبوظوا الدهان ....و الفوطه االزفره .....
بس البواب بالاجبار لازم يمسحها بالفوطه الزفره ....رغغم التنبيهات اليوميه عليه......و يقولي : متقلقش يا باشا ....ماحنا عندنا عربيات .....متقلقش ياباشا .....علي ضمانتي يا باشا .......
لغايه ما عمللي غسيل مخ لمده سنه .....و خلاني اروح المغسله بعد ما اشتتريت الفرشه الكبيره أم 25 جنيه اللي ليها يد كبيره ......و قلتلهم ....زفروووووووها .........االمهم رشوا جاز من المسدس فقط .....و ما رضيوش يرشوا زيت.......
العربيه بقالها سنه .3 شهور .......و بسم االله ما شاء الله ...........
كل ما تتقف في الشمس تلاقي خربشه في دواريات مطرح المسح و ما بتبانش الا في الشمس .....
السبب البواب طبعا .....منه لله .
عندي واحد صاحبي جايب عربيته من 6 شهور .....بس محافظ عليها .....معملش زي حالاتي ......ولا فوطه زفره و لا حاجه ....و جاب غطاء ووتر بروف متبطن قطن و تتقيل ب 125 جنيه ......و معندوش الدواريات الي فيها خربشه اللي بتظهر في الشمس ......
جلد الغزال هو أفضل شئ وعن تجربة
بصراحة انا استمتعت بكل مشاركتكوو وانا بقراها ...
ولكن سئال بسيط وسهل حد منكم سافر بره قبل كده لأي دولة في العالم أو أي بلد في العالم وسمع او شاف حكاية الفوطة الزفرة بتاعتنا دي .؟؟؟
ثانياً : صحيح أن في ناس طول عمرها عندنا في مصر هنا بتستخدم الفوطة الزفرة ويقولك زي الفل وايه يعني ... بس تعاله اتفرج ودقق في عربيتو هتلاقي عربيتو زي الززفت عدم المؤخزة ... وخرابيش وتجاريح الى أخره ... ده غير لونها الباهت والمطفي وتيجي تقولوا مانتا عربيتك مطفية يقولك مطفية يعني ايه دي زي الللللللللللللللللللللـــ ــــــــــفل ... هو مع مرور الوقت مش حاسس ان لمعة العربية انطفت وابسط مبرر يقولك الشمس ... الله طيب ما انا معاية عربية بسم الله مشاء الله أقدم منك ولسة بتلمع وده لأني مبغسلهاش في الشمس نهائي ولا بستخدم فوطة زفرة ... اما عن سواقين التكوسة الي بيستخدمو فوطة زفرة فده لأنهم بيرشو العربية كل سنة من سقفها لأرضها ومش فارقه معاهم ... بس بتوع الملاكي بيفرق معاهم بالذات لمن يجي يبيع العربية ويفتح كرشوو ويقولك أنا هبيع لأعلى سعرررررررررررر وعربيتو ضربها الدم وجربانة ... وفي الاخر تقلو عربيتك متبعتش ليه ياعم الحج يقلك اصل السوق نايم ... أصل السوق واقف ... وحال البلد ههههههههههه الى أخروو وهو عربيتو خلاص مطفية وجربانة ...
ده غير ان الفوطة الزفرة بتلم ترابة على العربية اكتر حتى وان أدتك لمعة مؤقتة ليها ... أما بالنسبة للفوطة جلد الغزال دي ممتازة ولكن هيا بتبقى بديل للاسفنجة بتاعت الصابون ... ودي مش هتلاقيها حالياً في مصر غير أصطناعية يعني مش أصلية هتلاقي الصيني في حدود 35 جنية بس لازم دايماً تحافظ عليها مبلولة علشان متنشفش .
وشوف الفرق بين الناس الي بتحب تدلع عربياتها وبين واحد عاوز يبوظ عربيتو واحد بيسئل عن فوطة اسمها فوطة زفرة يعني كلها شحم وجاز وزيت وقرف والتاني بيسئل عن فوطة جلد غزااااااااااااااااااااااا ل ... يا غزال انتا يا غزال . (مع أحترامي للجميع ) .
لكن القصد أنك مش هتخسر حاجة لو أنتا الي أعتنيت بعربيتك وحتت جردل فيه صابون بريل او فيري صابون مواعين وحته نشفة مش ضروري جردل مية ... لأن صابون المواعين فيه شمع للمعان الصحون والالمنيوم والى اخره وغير مضر للبدي .. . فأخسر من وقتك معلش حتى لو كل يوم خمس دقايق ... خمس دقايق بس واغسلها انتا بنفسك واعتني بعربيتك ... غسله حلوة كده على السريع ... هتلاقي عربيتك بتحس بيك ... وتهنيك وتديك عنيها كمان . وتفضل كده مشرقة وجديدة وكلها نضارة ... ولمن تفكر تبيعها في يوم من الايام هتلاقي التجار والناس بيجروو وراك جري عوزين يخطفوها منك . ويقولك على عربيتك دي عروووووووسة من نضافتها وحلاوتها ... وطبعاً ده رأي الشخصي الشخصي محدش يزعل مني ... ومع أحترامي للجميع ... أختلاف الرأي لا يفسد من الود قضية ... أحنا هنا بنتناقش .. وتقبلو أخلص تحياتي ...
الدواريات والخدوش اللى بتظهر من أثر المسح دى لا ترجع إلى كون الفوطة زفرة أو غير زفرة .. وانما سببها هو ان الفوطة أياً كانت بتسبب ان ذرات التراب تحتك بالبوية فتجرحها .. يعنى المشكلة من التراب أثناء المسح ، مش من الفوطة ، علشان كده المفروض العربية تتنفض الأول قبل المسح ، والمسح يكون بخفة مش بايد تقيلة أو باستخدام فرشاة.
أنا وصلت لحل انى ما امسحش العربية غير فى أضيق الحدود ..
يا شباب الاختلاف فى الاراء دى ممتع جدا علشان نوصل لاحسن الاراء
انا عن نفسى بفضل انى امسحها الفرشه الجافة فقط وبتكون ايدى خفيفة جدا يادوب تنزل التراب ولو فى حته حاسس انها مش عجبانى بعيد عليها بفوطة ناشفة برضه
بس نصيحة لو عايز تزفر فوطة او فرشه هات زيت برافين من الصيدليه (رخيص جدا) وزفر بيه وخليها فى مكان مفتوح يومين
على فكر البرافين بيعمل نتايج مبهره فى تلميع الطابلوه والعبوه بتقعد وتمنها بسيط ومبيأسرش على الجلد ولا خامة الطابلوه ...بس الناس بتستسهل الرش اكتر
ممتاز الله ينور عليك ... تقدر تقلي هيا الفوطة الزفرة بتتغسل ... أكيد لأ ، فهيا عنصر مهم جداً لتجميع التراب وزرات التراب الخشنة ... مما يسبب الخرابيش والدواير .
غسيل العربية بالمية عمرو ما بيتعب العربية ... لكن أكتر حاجة بتجيب بارومة للعربية الطينة الي لازقة في العربية من تحت لأنها بتمتص أكبر قدر من المياه وبتحافظ عليه متلصق في حديد العربية .
والعفرة الي على العربية من فوق + اي نوع من الشحوم على البادي + أي من مخلفات العصافير على البادي او على سقف العربية ... في الفجرية بينزل ندى على العربية والندى + تراب بتبقى طينة ... والطينة مع شمس بتسحق لون العربية وتطفي لمعتها مع مرور الايام .
لذلك لابد ان تغسل العربية بصفة متسمرة ... وتغطيها كمان ...معليش هيا العملية متعبة شوية ... بس اانا بشبها بأيه ؟ بشبها بأنك لو عندك عيل صغير كل شوية واااااااء وااااااااااء لازم ترضعو لو المدام مشغولة ... وكل شوية لازم تغيرلو البامبز وتشيل قرفوو بأيديك وتغيرلووو وتغطية وتلعبوو وتهشكووو ... لحد ما ينام ، وهيا دي الحياة ودي متعت الحياة الاسرية وكزالك غسيل العربية وتغطيتها هيا دي متعت الحياة السياراتية ... أأأأأأأأأأأأأأأأألله هو انتا عندك كام عربية في حياتك ؟؟؟ ولا هو انتا كل يومين بتشتري عربية جديدة ؟؟ دي هيا حتت العربية اليتيمة الي عندك ... فأن مكنتش أنتا دلعها مين هيدلعهااااااااااااا ؟ وتحياتي .
مناقشات جاده ومفيده واختلاف ايجابى فى الاراء بس سؤال سريع :
حد فاهم حاجه؟!!!!!!!!!!!!!! ايه النتيجه النهائيه اللى الكل اجمع عليها ؟؟؟؟ اجابه واحده بس ربنا يكركم دا مسح عربيه مش تصنيعها من الالف للياء!!!!!!!!!!!
هههههههههههههههههههههه
على رأيك دا أحنا كل ده بنتناقش في مسح عربية ، أمال لو كنا هنصنعها كنا عملنا ايه .
انا رأيي لو واحد عندو عربية جديدة يبعدها خالص عن الفوطة الزفرة ... واذا واحد عندو عربية قديمة أو عربية تعبانة او مرشوشة او متجرحة ... أديها فوطة زفرة يامعلم ولا يهمك ... ماهي معدتش فارقة ... ضربو الاعور على عينو قالك ايه يعني ماهي خسرانة خسرانة ... فلو عربيتك متجرحة هتخاف عليها ليه ... أهو خربوش زيادة جمب أخواتو مش هتفرق ... بس لوجديدة وبتلمع أبعدها خالص عن الفوطة الزفرة لأنها بتطفي البوية على مر الشهور والايام ... وتحياتي .
عامةً في موضوع انا عملوا عن كل مايتعلق بتنضيف السيارة ياريت تطلعو عليه للأستفادة وأشكركم جزيل الشكر .
http://www.nilemotors.net/Nile/267025-a.html
رأيك صح فعلا
انا ضدد استخدام اى حاجة زفرة .........
بس عندى تعليق على كلام حضرتك
صابون الغسيل والبريل ده مضر جدااااااااااااااااااااااا ا على العربية هو اينعم بظهر بعد فتره
بس بلاش منه ليه؟؟؟؟؟؟؟؟
كلنا درسنا كيميا اكيد اوحتى سمعنا عنها هههههههههههههه
بص يا سيدي فى حاجة اسمها ph او درجة القاعدية
دى لازم تبقي 0 اى وسط يعنى عشان متأثرس بالسلب على البوية
وطبعا البريل هو اكيد فوق الصفر او تحته بالسالب وفى كلا الحالتين بيضر الدهان
الحل ايه ؟؟؟؟؟؟؟
بسيط جدااااا
هو حاجة من التلاتة دول
1 تدلعها وتجبلها شامبو مخصص ليها .. زى انا الحمد لله وهو موع بتاع لتر كده وكان عامل 30 جنيه
2 تجبلها شامبو ((جونسون لا دموع بعد اليوم ههههههههههههه))
والله مش بتريق لانه متعادل فمش هياثر على حاجة
3 تغسلها بمية بس وتلمعها ب ال wax >>
اى خدمة وشكرا للمعلومات المفيدة يا احلى اعضاء
هو ال wax ده المقصود بيه الشمع صح ... انا مره أشتريت جركن شمع من بانزينة كان عامل حوالي 35 جنية وجركن كبيرر ... وانا فعلا سمعت تأيد لكلامك عن موضوع شامبو جونسون الي هو ضدد الدموع للعربيات بيكون مفيد جداً ... بس هيا المشكلة اني مبجبهوووش لعيالي الصغيرين ... علشان غالي شويتين ... بس كفكرة ممتازة جداً .
وفعلاً كلامك صح 100% ... وعلى قولت المثل الشيء لزوم الشيء ... بس هو تأثير البريل على العربية بيطول شوية يعني في حدود من ست سنين لثمن سنين .
علشان كده الي عندهم عربيات انتيكة من الي بيشركو في المعارض ... بتاعت فورميلا ومعارض العربيات السنوية . عمرهم ما بيستخدمو البريل نهائي .. علشان يحافظو على العربية برونقها ... وتصوروا كل مالعربية بتقدم وهو محافظ عليها كل ماسعرها بيغلى ويزيد ... لأنها بتعتبر تحفة فنية ... وتحياتي .