بتقول ايه .... و انت نايم ؟؟؟

سلام عليكم

انا ؟؟ .. انا بتكلم و انا نايم ؟؟ .. ناقص تقولي اني بمشي و انا نايم كمان !!! .. بس ياض :redeye:

عمري ما صدقت اخويا لما كان بيقولي اني بتكلم و انا نايم :36_1_50[1]:

كنت فاكرة بيشتغلني

لحد ما جت مراتي في يوم و انا نايم و الاقيها بتصحيني و بتقولي مالك بتعمل كده ليه ؟؟

قولتلها في ايه قالتلي عمال تعمل كده " توء توء توء توء توء " عارفين الحركة دي ؟؟ بتاعة اللمبي :36_1_1[1]:

قعدت اضحك و قولتلها اني كنت بحلم ان في عربية هاتلبس في توك توك راكب فيه ناس ... و كملت نوم

بعدها بكام يوم .. تصحيني و انا نايم و تقولي مالك بتضرب نفسك كده ليه ؟؟

قولتلها انا ؟؟؟ ازاي ؟؟؟ قالتلي ضربت ايدك في قورتك .. اللي هو " ااااااخ نسييت ":Copy of majd(4):

ضحكت بردو و كملت نوم

جت من يومين تقولي مين بقي الطمعنجي اللي بنالة بيت و الفلسنجي اللي سكنلة فيه اللي كنت بتقولها و انت نايم ؟؟؟؟

مفتكرتش ليه قولت كده لحد دلوقتي


انت بتقول ايه و انت نايم ؟؟؟ و بتفتكر كنت بتقول كده ليه ؟؟

روحت للدكتور و لا كبرت دماغك ؟؟

ههههههههههههههههههههههههه هه حلوه بجد
بس انا مبيحصلش معايا الكلام ده خالص
ولا حتى بشخر
اللى بيحصل انى ممكن اشخر لما ابقى تعبااااااااااااااااان جدااااااااااااااا و مطبق بقالى كذا يوم
هههههههههههههه بس حلوه
^_^

ده انا بقوم واتكلم و احكي وبيتعمل عليا احلي شغل و بيعدو يجرجروني في الكلام وحاجه تفضح و اقوم مش فاكر حاجه وهما ميتين من الضحك عليا

ههههههههههه
جامدة اوي
وخصوصا
الطمعنجي اللي بنالة بيت و الفلسنجي اللي سكنلة فيه
انت ممنوع من المقابلة هههههه

ده انا ملك الموضوع ده
ويا سلام لو جه تليفون وانا نايم احلى ردود ملهاش اى دعوة
اى حد يعرفنى كويس لازم يسألنى فى التليفون انت صاحى ولا نايم ههههههههه

هههههههه

انا موضوع جرس التليفون و جرس الباب ده بردو بيدخل معايا في الاحلام

ابقي نايم و جرس الباب يرن في الحقيقة و احلم اني فتحت و استقبلت الناس و قاعدين مع بعض

و لسة الجرس عمال يرن

طيب انا لما كنت بكلم مراتي بالليل في الموبايل و احنا لسة مخطوبين
كنت بنام و انا بكلمها في التليفون
و هي تسألني علي حاجة
مره ما اردش خالص و احلم اني رديت عليها و اصحي و هي عمالة تعلي صوتها في التليفون عشان اصحي و انا بقولها ما انا رديت عليكي

و مرة تاني سألتني علي العفش باين او حاجة زي كده

و انا قولتها لبان بالمستكة

انا جامد

انا بضحك وانا نايم والكلام ده معرفتهوش غير بعد الجواز وكان اول سنة في الجواز بس

بعد كده بنام بس

ههههههههههههه ... متــــــــــــــــــابع .

ههههههههههههههههههههههههه هههههههههههه طيب نفرض ان واحد اتكلم علي واحده وهو نايم ومراته سمعته ايه الحل

اقتباس:

---

المشاركة الأصلية كتبت بواسطة rompo10

ههههههههههههههههههههههههه هههههههههههه طيب نفرض ان واحد اتكلم علي واحده وهو نايم ومراته سمعته ايه الحل

---

ده اللي انا خايف منه :pffft:

اقتباس:

---

المشاركة الأصلية كتبت بواسطة bonanza

ده اللي انا خايف منه :pffft:

---

دا لو حصل ياباشا هاتلاقي المياء السخنه فوق راسك خد بالك

اقتباس:

---

المشاركة الأصلية كتبت بواسطة rompo10

ههههههههههههههههههههههههه هههههههههههه طيب نفرض ان واحد اتكلم علي واحده وهو نايم ومراته سمعته ايه الحل

---

عادى جداااااااااا يا باشا
قولها بتكلم عليكى يا حبيبتى
ولو قلت اسم قلها لانى بقا نفسى اسم الاسم ده
علشان كده جه فى دماغى
اى حاجه يعنى
هى اول ما تسمع بتكلم عليكى يا حبيبتى دى هتروح فى كوكب تانى
ال جوزها بيحلم بيها ال
هههههههههههههههههههه
مع انى مش متجوز بس اشطه يعنى بحب اساعدكوا
^_^

هههههه
موضوع ظريف

فعلا الواحد بيتكلم كتير وهو نايم بس مش شرط يتكلم في حاجة شاغلاه
ممكن يتكلم في اي كلام
وللأسف بيقوم مش فاكر حاجة تماما

شكرا لصاحب الموضوع

والله المستعان
،
،

اقتباس:

---

المشاركة الأصلية كتبت بواسطة Bonanza

هههههههه

انا موضوع جرس التليفون و جرس الباب ده بردو بيدخل معايا في الاحلام

ابقي نايم و جرس الباب يرن في الحقيقة و احلم اني فتحت و استقبلت الناس و قاعدين مع بعض

و لسة الجرس عمال يرن

طيب انا لما كنت بكلم مراتي بالليل في الموبايل و احنا لسة مخطوبين
كنت بنام و انا بكلمها في التليفون
و هي تسألني علي حاجة
مره ما اردش خالص و احلم اني رديت عليها و اصحي و هي عمالة تعلي صوتها في التليفون عشان اصحي و انا بقولها ما انا رديت عليكي

و مرة تاني سألتني علي العفش باين او حاجة زي كده

و انا قولتها لبان بالمستكة

انا جامد

---

خخخخخخخ انا نفس الحكايه احيانا كانت امي تصحيني الصبح علشان المدرسه اقلها النهارده اجازه او اتحجج باي حاجه وبعد ما اصحي بعدها بساعه ولا اتنين اعمل معاها مشكله واقلها ازاي ما تصحنيش وتخليني اغيب النهارده تقلي ياابني صحيتك وقلتلي النهارده اجازه او او او وانا طبعا ما افتكرش حاجه من ده كله وفي مره نمت وانا سايق ولبست في الي قدامي والعربيه ادشدشت و وكان في جنود امريكان واقفبن حمايه وفاكريني ميت وسايبني جوه العاربيه لغايه الاسعاف ماتيجي طبعا المهم انا صحيت من النوم ولا فقت من الاغمائه ابص حوالي لقيت العساكر واقفين بالقرب من العربيه والعربيه مدشدشه والدريكسون لازق في صدري :grin54: انا افتكرت نفسي بحلم اني عملت حادثه وقلت ياعم كبر دماغك وكملت نوم :grin54: ده كان في ٢٠٠٥ في العراق كنت شغال مع الجيش الامريكي من الكويت الي العراق .

الموضوع ده تعبيرا ان ضميرك مش مستريح او ان بالك مشغول جدا بموضوع كبير

انا مرة صحيت م النوم لقيت نفسي واقف في سلم العمارة في الدور اللي تحتنا

يابنى ده اثر الجواز
ده انت لسه مكملتش سنه ولا اتنين اما لما يعدى عليك 10 سنين هتعمل ايه
:36_1_1[1]::36_1_1[1]::S_thum1[1]::S_thum1[1]::alien42:

اقتباس:

---

المشاركة الأصلية كتبت بواسطة Screenplays

الموضوع ده تعبيرا ان ضميرك مش مستريح او ان بالك مشغول جدا بموضوع كبير

---

ده انا بالي مشغول من اكتر من 10 سنين بقي :grin54:

اقتباس:

---

المشاركة الأصلية كتبت بواسطة mohammedabdallh

يابنى ده اثر الجواز
ده انت لسه مكملتش سنه ولا اتنين اما لما يعدى عليك 10 سنين هتعمل ايه
:36_1_1[1]::36_1_1[1]::s_thum1[1]::s_thum1[1]::alien42:

---

مكملتش سنة وحياتك

بس انا قبل الجواز كده بردو

يمكن زادت بعد الجواز ؟؟؟؟؟؟؟

اقتباس:

---

المشاركة الأصلية كتبت بواسطة aif

انا مرة صحيت م النوم لقيت نفسي واقف في سلم العمارة في الدور اللي تحتنا

---

ههههههههههههههههههههههههه ههههههههههههههههههههههههه ههههههههه:36_1_50[1]:

انا الحمد لله مبتحصليش
بس بتحصل لاخويا الكبير على طوووووووووول
دايما كنت اصحيه و اطلب منه اي حاجه و يقعد يتكلم معايا و يناقشني و في الاخر يوافق و بعد ما يصحى ميفتكرش اي حاجه :)
و كان لما يبقى عنده امتحان كيمياء ايام الكليه كان يصحى يقول شويه معادلات و يرجع يكمل نوم :)))

واحد صحبى بيحكليلى على واحد تانى صاحبنا كانوا في عمرة ونايمين فى الغرفة ف صحبى صحي فلقى الواد التانى قام وبيكلم ناس وبيقلهم انتو مين امشوا اطلعوا بره !! وقعد يكلمهم بلغة غريبه جداا متفهمش دى اية وبعد ماخلص راح نام .. فصحبى قاله يابن ال.... يامجنون :d

انا لما ببقى تعبان اوى اخواتى لما بصحى الصبح بيقولولى انت كنت بتخضنا بليل من كتر الاصوات و الكلام اللى انت كنت بتقولو

ايام الامتحانات بيجيلي مسائل و انا نايم و بقعد احلها بصوت عالي :d

اقتباس:

---

المشاركة الأصلية كتبت بواسطة saadelden

ايام الامتحانات بيجيلي مسائل و انا نايم و بقعد احلها بصوت عالي :d

---

لما كنت فى اعدادى هندسة ليلة امتحان الميكانيكا فى مسألة قعدت احلها اكتر من 5 مرات وكل مرة تطلع غلط ابص فى حل المسألة فى الورق الاقى فى اشارة سالب جت منين دى مش عارف واحل تانى ونفس النظام يأست فقلت واضح انى فاشل ومفيش امل مشمكمل مذاكرة واروح انام احسن
نمت وانا نايم حلمت انى بحل المسألة واكتشتفت ان الاشارة السالب دى جت لما هو كان بيودى طرف من المعادلة الناحية التانية بعض اشارة يساوى فبيقلب الاشارة صحيت حليت المسألة علشان اتاكد وكملت نوم

ليا واحد صحبي مصيبة وهو نايم تلاقية عمال حركات برجلية وايدية كانة سايق بالظبط وهو مكنش مصدق لدرجة اننا كنا صورناة فديو علشان لما يصحى يشوفوة

موضوع جاااااامد اوى
فعلا الحكاية دى بتحصلى كتييييييييير
بس الحلو فعلا انه مرة كنت نايم والجرس بيرن وانا حلمت انى فتحت الباب هههههههههه
ومرة تانى موبايلي بيرن وانا حلمت انى رديت على بابا وبعدها نزلت لبابا قالى مش بترد ليه يا ابنى
قلتله انا ردت يا بابا وقلتلك انى مش رايح الجامعة ههههههههههههههههه
صباح الجوافة هههههههههههههههههههههه

انا لما بنام علي ضهري وببقي عامل مجهود بحس بتشنجات في حسمي رهيبة وافضل احاول اصحي في نفسي علشان بحس اني خلاص علي وشك الموت والغريبة لو نمت علي جنبي عمر الحاله دي ما بتجيلي ابدا انما لو استعبطت وحاولت انام بنفس الطريقة تجيلي تاني
بجد محتاج تفسير ولو حد عنده نفس الاعراض دي يقولي