شكرا جدا لكل الناس الممتازه اللي اهتموا و ردوا عليا و فادوني بخبرتهم.
اقتباس:
بص فى واحد اسمه الكنج ميدو فى أحمد حلمى عنده كل حاجه للسوزوكى جديد و استيراد .. أنا كنت بتعامل معاه .. هو مش مريح أوى بس شغال يعنى.
فعلا هو مش مريح بس انا بجيب منه لان كل الناس بتشكر فيه
اقتباس:
سؤال الرجة ديه بتروح بعد كده و لا بتفضل شغالة و الرجة ديه في الدريكسيون بس و لا العربية كلها
مش بتروح و بتفضل شغاله على طول. و في العربية كلها مش الدريكسيون بس.
اقتباس:
صوت الصفارة بيبان كل ما تزيد السرعة ؟؟ و لا بعد 20 بيروح ؟؟
بيزيد مع السرعة و بيروح اول ما ارفع رجلي من على دواسة البنزين.
اقتباس:
عامة لو هتغير بلي العجل متخليش الميكانيكي يركبه بالدق خليه يركبه كبس عند الخراط عشان الاجزاء متتأثرش و لمفروض يشحملك الليلة ديه عشان صوت الخشونة متحسش بيه
هو قالي فعلا دي هتركب على مكبس و هقوله على موضوع التشحيم و شكرا انك لفت نظري ليه.
اقتباس:
الصرة في حدود 200-250 جنيه و البلية ع حسب النوع اللي هتجيبه و صناعته بس معتقدش هيقل عن 50 جنيه
200 - 250 الواحدة ولا الاتنين و كمان دي كده جديد ولا استيراد.
لان مضحكش عليك الدنيا بقت على الحديده ده غير اني محظوظ و عربية والدي اللانوس جابت وش سليندر و مبقاش في حاجه اتحرك بيها (والدي على المعاش و انا اللي بشرب صيانة الاتنين)
اقتباس:
بالنسبة القسم شكرا لاهتمامك بالقسم و لكن لاحظ ان الوقت حاليا اغلب الناس في الشغل او الجامعة
لو عدي يوم و ملقتش رد نقلق و انا قلبي هينط في الشارع :)
و بما انك اصبحت احد نسور السوزوكي فنحن في انتظار تفاعلك معانا
صدقني انا نفسي القسم ده يبقى انشط قسم لان العربية رغم انها مطلعه عيني و فيها مشاكل قد كده بس مريحة و ناعمة و ان كانت مبتسحبش (غالبا علشان اتوماتيك).
انا لسه مبتدأ في السوزوكي و خبرتي فيه تحت الارض.