عايز اعمل صينه 1000 كيلو لانوس 2 2008

**shanodaa** · 02-06-2008 11:50 PM

عايز اعمل صيانه الف كيلو ومش عارف مركز خدمه دايو وانا ساكن في العاشر من رمضان
ارجو المساعده وشكرا

ممكن عنوان مركز خدمه كويس ومعتمد وقريب من العاشر

**anabil72** · 03-06-2008 10:08 AM

انا ايضا من العاشر من رمضان بس لسة مااستلمتش العربية وربنا يسهل ان شاء الله
انا أعرف ان في مركز في طريق مصر اسماعلية الصحراوي يعني اخرج من العاشر وعدي من تحت الكوبري وادخل شمال كأنك رايح اسمياعلية اسمه مركز الاهرام بس قبل بوابة الكارتة ولا بعدها معرفش
لما تعرف قولي علشان ان شاء الله هو ده المركز اللي هاروحه بعد كده
وكان عندي سؤال لحضرتك انت مشتري العربية منين واستلمت معها الضمان ولا امتى
واخدت ورق ايه علشان ترخص في العاشر

**shanodaa** · 03-06-2008 06:59 PM

انا اشتريت العربييه من عند معرض شوقي موتورز بجوار مطعم مؤمن واستلمتها فوري والضمان استلمته بعد الترخيص صورت الرخصه واعطيتها للمعرض وتاني يوم كان معي الضمان

**shanodaa** · 03-06-2008 07:07 PM

اليوم بعد سؤال وتعب صحيت الساعه السادسه صباحا وذهبت الي جسر السويس مركز صيانه ابو غالي وكنت اول واحد وكان هناك مهندس اسمه هاني بيجي المركز من الساعه السابعه ودخلت علي طول يبدا العمل عندهم الساعه الثامنه ونصف والحمد لله عملت الصيانهوغيرت زيت موبيل 1 والفلتر والتكلفه 250 جنيه وانا تحت امرك في اي سؤال

**anabil72** · 05-06-2008 08:35 AM

لو انت ركبت جهاز انذار في العربية ياريت تقولى ركبته عند مين في العاشر وهل التوكيل اعترض على تركيبه خارجه ولا لأ وشكرااااااااااااااااااااا ااااااااااااااااااااااااا ااااااااااااا

**mohamed ismail** · 07-06-2008 11:43 AM

السلام عليكم يا اهل العاشر
انا كمان ساكن في العاشر
معايا لانوس 2007
انا باعمل صيانة في جسر السويس فعلا واعتقد هو ده اقرب مركز صيانة معتمد

فيه مركز اسمه ابو غالي برضه خلف سوق العبور بس ده مش معتمد
وعلي فكرة فيه مهندس في جسر السويس اسمه هاني عبد المنعم راجل محترم جدا وساكن في العاشر ايضا
انا ركبي انذار بسركبته في الزقازيق
لو عاوز تفاصيل اكتر اقولك عليه

**shanodaa** · 08-06-2008 12:18 AM

اهلا بيكم جميعا انا سئلت المهندس هاني علي الانظار ووحده الرفع قال لازم تعملهم عند توكيل كلاريون في مدينه نصر عشان كلاريون معتمده عند ابو الفتوح وسئلته لو اركبهم في اي مكان اخر قال لي الضمان ها يضيع ولي سؤال للاخ محمد اسماعيل انت ركبت الانظار فين في الرزقازيق ويا تري التوكيل قال لك ايه بالنسبه للاضمان وكم سعر الانظار ووحده الرفع وشكرا ومنور العاشرمن رمضان

**mohamed ismail** · 08-06-2008 01:15 AM

انا اشتريت الانذار والسنتر من عند الحصري في الزقازيق وده يمكن اشهر واحد بتاع قطع غيارواحسنهم اسعارا في الزقازيق وركبتهم عند مؤسسة خالد وده وكيل معتمد لهيونداي
علي فكرة هو تركيبهم مش معضلة.
بالنسبة للسعر علي ما اذكر كان السنتر 90 او 95
والانذار حوالي 160
بس انا معملتش وحدة رفع لاني معنديش زجاج كهربا
بالنسبة للتوكيل
مخصلش حاجة عادي يعني
ولا يمكن علشان العربية الحمد لله محصلش فيها مشكله الأمور ماشية عادي
يمكن لو حصل فيها مشكله يقولو لي انته ركبيت سنتر برا؟؟؟؟؟؟؟؟؟؟؟
بصراحة مش عارف
عموما انا كلها 3 الاف كيلو واخلص الضمان

**shanodaa** · 08-06-2008 11:16 PM

اولا شكرا علي ردك هو انت عملت كام كيلو بي السياره اصل الضمان ثلاث سنوات او 60 الف كيلو وانت بتقول ان عربيتك موديل 2007 معني كده ان لسه فاضل كتير لك في الضمان

**mohamed ismail** · 19-06-2008 10:56 AM

انا عامل النهاردة بالعربيه 57000 كيلو

بس مركب السنتر لما كانت عامله حوالي 35000

الموضوع: عايز اعمل صينه 1000 كيلو لانوس 2 2008

LinkBack

أدوات الموضوع

عرض

-

-

-

-

-

المواضيع المتشابهه

عديت ال 1000 كيلو عايز اعمل صيانة اعملها فييين

الرجاء انا عديت 1000 كيلو اعمل ايه

اعمل صيانة ل/1000 كيلو ولا استنا واعمل صيانة ال/5000وخلاص ؟؟؟ايهما افضل

تقرير ال 1000 كيلو - سيفيك 2008

انا عملت 1000 كيلو بس مش هقدر اقيم دلوقتي(ميجان 2008)

الكلمات الدلالية لهذا الموضوع

المفضلات

المفضلات

ضوابط المشاركة