مشكلة فى الاب توب الجديد بتاعى

**mohamed_berlitz** · 03-06-2008 11:42 AM

المشاركة الأصلية كتبت بواسطة mimysheckles

الراجل عايز يعرض من التليفزيون على اللاب توب مش العكس
فى ال hp زى ما اخونا قالك قبل كده بنضغط على fn + F4 عشان نستخدم الخاصيه دى
شوف انت عندك وراجع الكتالوج

العكس يا باشا من الاب توب الى التلفزيون

**mohamed_berlitz** · 03-06-2008 11:45 AM

المشاركة الأصلية كتبت بواسطة hero

الوصلة ايلي بتتكلم عليها دي اسمها S-Video
ودي المفروض انها تنقل الفيديو سيجنال من كارت الفيجا ايلي في اللاب توب للتليفزيون....وتقريبا هاتشتغل وانت مشغل فيديو..(فيلم او DVD )

اهم شيء تعرف انت خرج الـ S-Video عندك في اللاب توب من اي نوع "كام بين"
لان الوصلات دي في منها 4PIN و 7PIN و 9PIN

لازم الوصلة تكون متوافقة مع الخرج بتاع اللاب توب...

بعد كدة شغل اي فيلم علي اللاب توب وثبت الوصلة بالتليفزين وهات قناة الفيديو المتوافقة علي دخل Audio-Video ايلي انت وصلت علية نهاية الوصلة مع التليفزيون....لان كل قناة فيديو ليها الدخل بتاعها ...يعني مثلا انا عندي 3 قنوات فيديو...ليهم 9 سوكتس (كل 3 مرتبطين بقناة 2 منهم صوت وواحدة فيديو...وخلي بالك من الفيديو..علشان دي المسؤلة عن الصورة...والـ2 الباقيين دول الصوت الاستريو..)

بالنسبة للمفتاح ايلي بيغير من شاشة اللاب توب للشاسة الخارجية ...Fn + X دة علشان لو في شاشة CRT وصلة بخرج اللاب توب......زي شاشات الديسك توب القديمة..

هاتلاقي في كتالوجات اللاب توب نوع الـS-Video المتوافقة معاة...

وربنا يوفقك

شكرا يا باشا على تعبك وعلى اهتمامك
هو انا فعلا كنت عملت كل دة والسوكيت عندى 7 بن وبالنسبة لتوصيل التلفزيون برضة عملتها سليمة بس مفيش فايدة

**mohamed_berlitz** · 03-06-2008 11:46 AM

المشاركة الأصلية كتبت بواسطة boty50

عزيزي

جرب الدرايفر دة الأول وبعدين التاني بالترتيب
ماتخافش دول مش من عندي دول من موقع ايسر

ftp://ftp.work.acer-euro.com/noteboo...2_Vista_XP.zip

ftp://ftp.work.acer-euro.com/noteboo...4820%20_XP.zip

حجرب يا باشا واقولك

**mohamed_berlitz** · 03-06-2008 11:50 AM

المشاركة الأصلية كتبت بواسطة boty50

عزيزي

اذا لم يكن فية اي اشارة من Proprties بتاعة كارت
الشاشة الي خرج التليفزيون يبقي علي طول الدرايفر
اللي انت مركبة مش صح ومفهوش دعم لخرج التليفزيون
حصل نفس دة معايا بجهاز ديل

شوف من ضبط ال Bios علي خرج التليفزيون ونوع
الأشارة بال ولا ان تي اس سي واي ضبط أخر له

لو عندك في التليفزيون مدخل S-VIDEO يبقي وصل
كابل من نفس النوع من الناحيتين افضل كتير من ناحية
الصورة (دة لما تظهر)

وبالتوفيق إن شاء الله

بص يا باشا انا بتهيألى ان دية المشكلة اللى انا بواجها ممكن اعرف بقى ازاى بظبط BIOS

**boty50** · 03-06-2008 12:37 PM

شوف

الدخول علي ال Bios Setup بيختلف من جهاز لجهاز
انا لقيتهالك من ايسر وهي F2 بعد ماتفتح البور بتاع الجهاز
اضغط كذا مرة ورا بعض

ودة بيدخلك علي ضبط الهاردوير بتاع الجهاز
راجع القوائم وشوف اي اشارة للخرج بتاع التليفزيون

**mohamed_berlitz** · 03-06-2008 12:53 PM

حجرب النهاردة على الساعة 6 إن شاء الله اكون رجعت وحقولك علطول على الاخبار شكرا جدا يا باشا ويارب خير
ولو حد عندة يا جماعة اى اراء يلحقنى

**mohamed_berlitz** · 03-06-2008 08:01 PM

يا جماعة انا جربت مفيش اى فايدة

**Goodle** · 03-06-2008 08:49 PM

طيب سؤال عشان نعرف نشخص الوضع

إنت بتعرف تشغل اللاب توب ده على بروجكتور ويظهر صورة عليه ؟؟؟

جرب تعمل نفسه الخطوات مع التلفزيون.. عل وعسى إن شاء الله

**boty50** · 03-06-2008 08:59 PM

عزيزي

ايه اللي مافيهوش فايدة؟
قولنا عملت اية بالضبط
نزلت ال 2 درايفر
وشيكت علي البيوس ، ولقيت اية بالضبط

مابيحصلش اي رعشة في شاشة التليفزيون
وانت بتفتح الكمبيوتر

**mohamed_berlitz** · 04-06-2008 09:47 AM

المشاركة الأصلية كتبت بواسطة Goodle

طيب سؤال عشان نعرف نشخص الوضع

إنت بتعرف تشغل اللاب توب ده على بروجكتور ويظهر صورة عليه ؟؟؟

جرب تعمل نفسه الخطوات مع التلفزيون.. عل وعسى إن شاء الله

بص ياباشا انا لما اوصل الشاشة LCD خارجية بوصلها على السوكيت بتاع كارت الفيجا اللى هو اعتقد 15 بن بتشتغل وكمان لما بفتح خصائص كارت الشاشة بيبقى شايف LCD والنوت بوك وبالنسبة للبروجيكتور فى الكتالوج بيقول بوصلوا برضة بنفس السوكيت ال 15 بن
لكن بقى المشكلة هنا فى السوكيت المدور اللى فى الاب توب 7 بن دة اللى بخرج منة للتلفزيون ولما بوصلة ممكن بحس ان التلفزيون اوقات بسمع تكات كدة لكن لا فى صورة ولا صوت واضح

الموضوع: مشكلة فى الاب توب الجديد بتاعى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الكاسيت الجديد بتاعى و عايز رائيكم

الكلمات الدلالية لهذا الموضوع

المفضلات

المفضلات

ضوابط المشاركة