عرض للطباعة
السلام عليكم ورحمة الله وبركاته،،،
أنا محتار جداً يا جماعة...
أنا كنت ناوى خلاص على اللوجان أتوماتيك 2012. الصراحة العربية عجبانى جدا بالنسبة لسعرها لكن كله خوفنى من سعر قطع الغيار والصيانة فى التوكيل .... إلخ.
الحاجة التانية كله خوفنى برضه انى هخسر كتير لما افكر ابيعها بعد كده
و كتير رشحلى النيسان صنى 2012 على اساس ان الفرق مش بعيد قوى ... بس لسه محتار.. ايه رأيكم؟
اولا سعر اعاد البيع لا تقلق منه....اللوجان مسكه سعر كويس فى حاله اعاده البيعاقتباس:
المشاركة الأصلية كتبت بواسطة waeeel
ثانيا الصيانات فى التوكيل مش غاليه+ انتشار المنوال شجع الموزعين على توفير قطع الغيار عاوز تتاكد انزل التوفقيه وشارع دمشق........على فكره التوكيل محترم جدا يعنى لو فيه حاجه خلال الضمان ها يغيروها على حسابهم
ثالثا: لا يجوز عمل مقارنه مع عربيه ليست فى نفس الفئه
يعنى ممكن تقارن اللوجان الاتو مع الفيرنا الاتو والساجا الاتو.......
لان حضرتك عامل مقارنه بين اعلى فئه فى اللوجان كامله اتو.......ب 79 الف مع اول فئه منوال فى النسيان صنى ب 88 الف........معيار المقارنه خاطى من الاساس
لو انت عاوز النسيان يبقى تقارن بينها وبين عربيه اخر فى نفس الفئه.......
لو عاوز راى الشخصى استخير وادخل فى اللوجان اتو بقلب من حديد
تحياتى
اقتباس:
المشاركة الأصلية كتبت بواسطة abo_farah
شكرا جزيلا أبو فرح على سرعة الإجابة والاهتمام .. فى الحقيقة انا كنت محتار بين لوجان أتوماتيك و صنى سوبر صالون أتوماتيك (عامله حوالى 104 الف) يمكن سؤالى ماكانش واضح شوية اعذرنى ... انا عن نفسى حابب اللوجان اكتر لكن كتير خوفونى من النقط اللى ذكرتها بالاضافة ان شكل الصنى مش محبوب بالنسبة لى يمكن الصالون مقبول بس الشكل الخارجى مش حلو
بالظبط كده شوف انت احتياجاتك ايه
وامكانياتك ايه
اللوجان فئة والصني فئة تانية خالص
سواء توكيل ولا ماتور ولا عفشة وصاج ولا قطع،غيار وكل ما تعلي اكيد احسن
استخير الله عز وجل وتوكل علي الله وربنا ييسرلك الخير :))
العفو يا باشا لا شكر على واجباقتباس:
المشاركة الأصلية كتبت بواسطة waeeel
انت كده بتظلم اللوجان ............حدد انت عاوز ايه وبعد كده خد قرارك على فكره انا عامل زيك شكل الصنى بحس ان مش حلو...راى شخصى عشان ملاك الصنى ميزعلوش
انا كنت زيك بالظبط وبقارن بين نفس العربيتين بالظبط بس ربنا هدانى وجبت الوجان الاوتو يمكن كان سبب التوجه للوجان السعر المناسب قصاد امكانيتها واسعار الصيانة وقطع الغيار لو قريت كويس على المنتدى وصفحة رينو على الفيس بوك هاتلاقى انها معقولة جدا والمشاكل شبة محصورة والتوكيل محترم لو انت لسة فى الضمان بيعمل كل حاجة و الفتيس بتاع الرينو تيبترونيك والماكينة غير ماكينة المناوال اكبر ١١٠ حصان انا حسيت من الاخر انك دافع تمن اخدت بية كلة مواصفات واعتمادية وبعد كدة بيكون التمن فية جزء من التسويق الاعلامى واسم الماركة يعنى مثلا يقولولك كفاية انك راكب عربية يااااااااابااااااانى وويقوم لبك ١٠ ولا٢٠ الف على الكلمة او الماركة ربنا يوفقك المهم استخير وتكون مقتنع قبل ماتقرر ودا عامل مهم جدااا
.
خلى بالك ان كماليات النيسان سوبر صالون مختلفه و اكتر من اللوجان
2 ايرباج + abs فيها امان اكتر من اللوجان
الفرق حوالى 24000 الف جنيه بس حتلاقى قصاده كماليات جيده
بص يا باشا .. لو معاك تجيب طياره ها تروح تشتري عجله ليه ؟؟ الموضوع كله في انت تقدر تجيب ايه و بكام .. لو في امكانياتى كنت اشتريت مرسيدس لكن للاسف سقف فلوسى كان يجيب لوجان او لانوس او فيرنا وهنا ابدا ااتكلم..
اللوجان اكثر كماليات من الاتنين التانين و السعر اقل و الجوده افضل و عن تجربه
بالنسبه بقي للبيع و قطع الغيار .. البيع مش عارف ان كنت ها ابيعها بعد يومين ولا 20 سنه و قطع الغيار بترخص و سعر العربيه بيرتفع و العدد في السوف بقي اكتر ..
يمكن كلامى يكون ملخبط و علي بعض بس لو ها تشتري اشتري احسن قيمه للفلوس value for the money
الراجل الطيب ده ....... ضرب كرسي في الكولوب وخلص كل الكلااااااااااااااااااام.. .......اقتباس:
المشاركة الأصلية كتبت بواسطة amriar
حاجه تانيه ...... انا مستغرب ...... بعد الانتشار الرهيب ده للوجااااان خلال سنتين تلاته لسه في ناس بتقول سعر البيع قليل وقطع الغيار غاليه (ياجماعه لوجان ضربت بالكلام ده عرض الحائط)
سؤال بس هو ايه اللي كماليات اكتر وجوده اعلي وسعز اقل؟؟؟؟
هو اي كلام وخلاص
انا مسوقتش اللوجان مثلا ولا ماشيه في الشوارع ولا شوفت حوادثها عاملة ازاي
اتمني بس يكون في حياديه في النصح .... جزاكم الله خيرا
انا لا بتكلم لا عن صني ولا غيرها
انا بتكلم عموما .... ديه فئه وديه فئة ....!!
تقبلوا مروري
زى م الأعضاء ذكرا طبعا دى فئة و دى فئة تانية خالص بس........................ اللى يشترى صنى لأن بقى شكلها قديم اوى و كمليات على قدها و تقفيل مصرى انا رأيى لو معاك فلوس الصنى هاتلك اوبترا افضل .
و بخصوص اللوجان الأوتو فأنا لسة مركبتهاش علشان احكم عليها .
--------------------------------
يرجي مراعاه اداب الحوار وعدم التهكم علي فئه من الناس
م.ع.12
طبعا الصني احسن كفاية وسائل الأمان و التوكيل و ياباني و موتور قوي جدا و حاجات كتييييييييييير ..
و لكن !!!
حضرتك هتوفر 24 ألف جنيه و ده فلوس مش قليلة .. لو محتاج الفلوس تبقى رينو لوجان من غير كلام عربية بصراحة على اد فلوسها و احسن حاجة في الفئة ديه ..
لكن لو مش همك الفلوس تبقى صني من غير تفكير بصراحة عربية تانية خالص ..
تحياتي لحضرتك ..
صنى ثم صنى ثم صنى الى الابدددددددددددددددددددد -قوة ثبات راحه امان لوجان اعذرنى شوفت حوادث لوجان العجل الامامى طلع من العربيه المقص بيتكسر غير انها خفيفه فى الملفات على السرعه حتى لو ادتك احساس بالثبات دة احساس وهمى
الصني مش العربية تانية خالص ولا حاجة .. تقفيل ميفرقش كتير واستهلاك وحش وشكل وحش وكنبة ضيقة وكماليات مش كتير وتابلوه قديم .. اللوجان قيمتها مقابل سعرها افضل .. ممكن لو هتجيب صني يبقى اكسنت rb احسن .. او اوبترا .. غير كده وفر فلوسك وهات اللوجان الاوتو
الى متفق فيه معاك حاجه واحدة استهلاك البنزين مرتفع فعلا بس سمعت ان الانتاج القريب اضافوا حساس للشكمان علشان موضوع استهلاك البنزين والله اعلماقتباس:
المشاركة الأصلية كتبت بواسطة mody3on
النيسان صني (مفيش وجه مقارنة)
وفر فلوسك وهات لوجان وهتحبها :)اقتباس:
المشاركة الأصلية كتبت بواسطة mody3on
انا كنت شاكك فيها الاول ومع الايام حبتها وحبيت رينو كلها بصراحة :S_thum1[1]:
ما هو علشان اللي اشتروا الصني مش قليلين في العقل (لامؤاخذة) وفاهمين السوق وواخدين قدام كل قرش حقهم ... كان زمانهم اشتروا اوبترا.... ليه بقي علشان الكلام اللي جاي ده كله وقابل وقعد :))اقتباس:
المشاركة الأصلية كتبت بواسطة M_SALLAM
1- عربية اوتوماتيك ب104000 الف جنيه فيها ايه (الاوبترا)
ماتور وفتيس اوتو وازاز كهربا وكاسيت وشكرا .......... صح ولا انا غلطان ؟؟
الصني ب102000 جنيه فيها ايه ؟؟؟ (بدون التطرق للماتور والفتيس والعفشة الياباني خدمة شاقة و قطع الغيار والصــــــاج)
1- 2 ايرباج
2- ABS , EBD
3- جنووط المونيوم ياباني ( 10000) جنيه لوحدهم في التوكيل
4- ابانوس في الابواب والتابلوه
5- كاسيت 6 اسطوانات + ريموت
6- مخادع خلفية للكنبة
7- جلد طبيعي للدريكسيون و الفتيس
8-وحدة اضاءه امامية + جراب نضارة
9- عمود اتزان في العفشة (مش فاكر امامي ولا خلفي)
10- مسند في الكنبة الخلفية
2- حضرتك بتقول شكل قديم ....... وهي الاوبترا اللي (دايو لاسيتي - شيفروليه اوبترا - سوزوكي فرونزا - بويك excelle ) واول انتاجها اللي هو في سنة 2002
Daewoo Lacetti - Wikipedia, the free encyclopedia
ده يعتبر حديث ؟؟
3- والتقفيل المصري مع احترامي لاي حد ........ اللي ركب الصني ولقي مشاكل في التقفيل المصري ... يقول تقفيل مصري ... غير كده ياريت يبقي نقل التجربة بصدق
جت فترة ومشكله في موضوع الضفيرة وبتتغير في اول زيارة للتوكيل لو عيب ضفيرة
زي ما جت فتة للاوبترا 2006 وكانت كلها مشاكل في علبة الدريكسيون .... واعتقد التوكيل قالهم بخ .
5- واخيرا التوكيل .................... نيسان زي منصور ؟؟؟
انا هاسيب لحضرتك الرد !!!
نفس المشاركة وضم عليها الRBاقتباس:
المشاركة الأصلية كتبت بواسطة mody3on
استهلاك البنزين لو حضرتك معاك الصني اصدقك ......... سمعت ديه حاجة تانية
امبارح كنت في الحرفييين وشوفت حوادث اللوجان ........!!!اقتباس:
المشاركة الأصلية كتبت بواسطة lanos2004
لا تعليق
لفة في الححرفيين وشوفه شكل و نسبة العربيات اللي بتتسمكر و نسبة الحوادث بتاعه ديه وديه
ربنا يعافينا واياكم
للاسف اللوجان خامتها رديءة جدا وفيها اخطاء فى الصناعة كتير
لتانى مرة الوجان مقصاتها بتتكسر والله شوفت عربيات من غير عجل امامى وكان منظر غريب
مع احترامى لكلام الجميع المقارنة اصلا مش فى محلها
فئة سعرية مختلفة عن بعض وبالتالى فيه ظلم للوجان
النيسان صنى افضل من اللوجان والاتنين من افضل السيارات قيمة مقابل المال كلا فى فئته السعرية
يكفى صاج النيسان المحترم جدا ويكفى فرق الثبات على السرعات العالية بالاضافة لتوكيل محترم واتحسن كتير فى الفترة الاخيرة
عكس توكيل رينو من اسوء الى اسوء لزيادة الضغط عليه بسبب عائلة اللوجان والعربيات الكتير اللى بتتباع نظرا لجودة كل عربية فى فئتها
....................................
صاحب الموضوع
1- حضرتك مختار سيارتين فى فئة سعرية مختلفة وبالتالى يوجد ظلم لسيارة منهم
2- السيارتين جودتهم محترمة كلا فى فئته وبالتالى السيارة الاغلى هى الافضل كاعتمادية
3- الميزة التى تتميز بها اللوجان الوسع فى الكنبة الخلفية ومعدل استهلاك البنزين اقل من الصنى
4- الميزة التى تتميز بها الصنى . اثبت منها على السرعات ... اكثر راحة فى الكراسى الامامية .. التقفيل افضل فى الصنى
.صاج الصنى افضل بكتييير من صاج اللوجان .. الدهان افضل فى الصنى وحط تحت الميزتين دول عشر خطوط
.......................
يبقى انا نصيحتى لحضرتك لو معاك فلوس الصنى اشتريها لو حتتزنق فى الفلوس بسبب الصنى يبقى خليك فى اللوجان عربية كويسة وحيفضل معاك فلوس ترخصها وتدلعها وتجنطها .. و تخليها احلى لوجى فى مصر
:vctry::vctry::vctry::vctry::vctry::vctry::vctry:اقتباس:
المشاركة الأصلية كتبت بواسطة ringoo