السلام عيكم و رحمة الله و بركاته
انا معايا فليشيا 97 المهم البطارية عندى مبتستحملش تقعد يوم تانى اولا انا بقالى فترة مبنزلش بيها اسبوعين تقريبا المهم كل يوم بنزل اسخنها شوية المهم امبارح سخنتها نص ساعة و النهاردة جيت اسخنها تانى مش عايزة تدور و البطارية نايمة دى ايه نظامها بقى بطارية و لا ايه و لا عشان مركونة بقالها فترة و لا ايه ؟
معلش انا كتبت الموضوع بسرعة بس نسيت اقولكم ان امبارح مرضيتش تدور برده بسبب البطارية وصلت عليها بطار ية لادا دارت على طول و سخنتها و سيبتها نص ساعة على البطارية بتاعتها لكن النهاردة عملت معايا الحركة دى و الموضوع ده بيتكرر كتير فا عايز اعرف ايه الى ممكن يكون السبب
السلام عليكم
غالبا ومن شرح المشكلة حضرتك قلت الحل ألا وهو البطارية، طالما العربية لما تدور بتمشي كويس معاك، وعشان تقطع الشك باليقين تروح لمحل بطاريات يشوف شحن الدينامو وشحن البطارية وهي دايرة ووهي مطفية ويقولك الموضوع إيه بالضبط، والحكاية دي نفسها حصلتلي من 10 أيام وغيرت البطارية والحمد لله مفيش مشاكل، وبالتوفيق
شكرا جدا لردك انا ان شاء الله النهاردة ناوى اوديها لكهربائى يكشفلى على البطارية و يشوفلى الديناموا ايه نظامه بس نفترض انها بطارية اشتري بطارية ايه ؟ سايلة و لا جافة ايطالى و لا المانى ؟؟؟؟ ايه الافضل دلوقتى
النهاردة نزلت بالعربية و عملت بيها مشوار حلو جدا جدا يعنى المفروض البطارية تبقى عال و انا بركن بطلت دورتها مش عايز تدور خالص و تكتكة ؟؟؟ده يبقى بطارية خلاص كلام نهائى ولا ديناموا مش بيشحن
ايه اللى ممكن يكون السبب كدة؟
السلام عليكم
بعد البحث والتحري خلال شرائي بطارية لفليشيتي العزيزة، وجدت استحسان وترشيح واجماع عام على إن البطاريات السعودي سعرها معقول وتكنولوجيا محترمة زي نوع AC delco سعودي أمريكي ونوع NBC سعودي ألماني، وفعلا اشتريت واحدة سايلة (لأن الجاف كان غالي حبتين)، كانت 70 امبير وسعرها 320ج.م بعد المفاوضات والمباحثات. وطبعا 55 امبير كويسة جدا للفيليشيا بس بحب الامبير يكون عالي شوية وسعرها كان تقريبا 290ج.م
يا باشا انا معايا بطاريه من سنتين سايله مش فاكر اسمها ايه
بس البطاريه تمام وزي الفل حطيت ليها مايه مره واحده بس من سنه وشغاله تمام
بس عشان تحافظ عليها زي كدا لازم يكون المارش سريع وكويس عشان دا الي بيتعب البطاريه
سؤال لكل الاخوه انا معايا فليشيا 1997 وعندى كذا مشكله وكنت عايز حد يدلنى على ميكانيكى سكودا فاهم وشاطر ومش حرامى عشان انا تعبت اوى اوى من قتى الميكانيكيه ويا ريت يكون فى الجيزه مش فالقاهره عشان المشكله اللى عندى هتخلينى اسيبلو العربيه كام يوم ارجو من الاخوه الرد
حط حضرتك المشاكل في موضوع منفصل وهنقول لحضرتك تروح للميكانيكي تقوله يعمل ليك ايه بظبطاقتباس:
المشاركة الأصلية كتبت بواسطة mobreturn
ممكن تكون البطارية فاضية لانها بقالها اسابيع مش بتدور العربية ومش بتشحن وحتى لما تدور العربية نص ساعة مش كفاية انهم يشحنوا البطارية كويس
فالحل انك تتأكد من شحن الدينامو و تروح لبتاع بطاريات تكشف عليها وتتأكد ان مفيش ربع ضارب و تظبط المية و تحطها على تونجر وتشحنها على الاخر
اتظبطت كان بها ، ما اتظبطتش يبقى انت عايز بطارية جديدة
انا بنسبه 90% عندى طقم شنبر وبصراحه واحد صاحبى عمل شنبر عند ميكانيكى وبعد مطلع عينو مع العربيه باظت بعد شهرين فكنت عاوز ميكانيكى كويس وهغير الفتيس وطقم الدبرياج وطرمبه الميه وسير الكاتينه انا عارف الاعطال اللى عندى بس زهقت من تخريب الميكانيكيه وعايز حد موثوق فيه ومش حرامى يشتغلى فيهااقتباس:
المشاركة الأصلية كتبت بواسطة xmanx51
شكرا جدا للمتابعة و الرد و المشكلة الحمدلله مطلعتش فى الديناموا و لا البطارية سير الدينامو هو اللى كان مرخى شوية و الكهربائى شدهولى و العربية الحمدلله شغاله كويس معملتهاش تانى
معرفش ميكانيكي كويس في القاهره بس لو حضرتك هتقدر تنزل الشرقيه اخليك تعمل عند الي عملت عنده بس المشكله في ان حضرتك ترجع بالعربيه تاني القاهره عشان فترة التلييناقتباس:
المشاركة الأصلية كتبت بواسطة mobreturn
الحمد للهاقتباس:
المشاركة الأصلية كتبت بواسطة mostafahassan
والف حمدله علي السلامه