السلام عليكم ورحمة الله وبركاته
لو سمحتوا كنت عايز أعرف ازاى اوصل لكورنيش المعادى من على الدائرى بدون ما ادخل جوه القاهرة و انا جاى من مصر اسكندرية الزراعى
عرض للطباعة
السلام عليكم ورحمة الله وبركاته
لو سمحتوا كنت عايز أعرف ازاى اوصل لكورنيش المعادى من على الدائرى بدون ما ادخل جوه القاهرة و انا جاى من مصر اسكندرية الزراعى
لو حضرتك جاي من الزراعي يبقى من قبل المؤسسه بحوالي 800 م هتلاقى الطريق بقي فيه جزيره فى النص حارتين يمين و3 حارات شمال خليك فى اليمين وخد طريق الكورنيش وافضل ماشي فيه لحد المعادي
لكن الدرائري هتبقى لفه طويله اوي اوي اوي
هو فعلا احسن طريق
شبرا الخيمة وتفضل ماشي علطول علطول علطول كتير لحد كورنيس المعادي
اقصر طريق اللى الاخوة قالولك عليه
وممكن الدائرى برضه بس اعتقد الكورنيش هيبقى احسن لك بكتير في المسافة ( في حدود 25 كيلو ) والوقت والزحمة كمان !
لو عايز عن طريق الدائرى ، هتيجى عند اخر الزراعى وتدخل اول طلعة يمين للدائرى ( اتجاه محور 26 يولو )
هتكمل على الدائرى لحد تانى نزلة للمحور ( اتجاه كوبرى 15 مايو )
هتكمل في المحور ويقابلك كوبرى 15 مايو وتطلعه وتنزل نزلة الكورنيش ( الطريق ده اطول بحوالى 7 كيلو )
بس برضه انصحك تمشى في الكورنيش من الاول
وممكن برضه لو الكورنيش زحمة في اوله ، بعد الطريق الزراعى تخليك ماشى طوالى ولما الطريق ينقسم 2 برضه تخليك زي مانت طوالى لحد شارع احمد حلمى لحد اخر دخلة يمين (شارع احمد بدوى وهتلاقى على اوله من الناحية التانية بنزينة ) تدخل الشارع وتاخد اول يوتيرن هتلاقى نفق ، تنزل النفق وتطلع وتخليك في اليمين ( الشمال هتوديك مصر الجديدة ) المهم لما تخليك في اليمين هتدخل في شارع اخره طلعة لكوبرى 6 اكتوبر تطلعها وتكمل لحد نزلة الكورنيش ، تنزل الكورنيش وتاخد يوتيرن عشان هتكون نازل في اتجاه عكس المعادى ( الطريق ده اطول بـ 3 كيلو من الكورنيش مباشرة )
جزاكم الله خيرا يا اخوانى
لو قررت تاخد الدائري من الناحية التانية (الاطول ) لحد كورنيش المعادي فهاتاخد الاتجاه اللي طالع مصر اسماعيلية و مصر السويس و مدينة نصر (يعني اللي ماشي في اتجاه شمالك)
هاتعدي النفقين بتوع التجمعات , و تعدي كارفور (على شمالك) , و تعدي من فوق الاتوستراد , و شوية و توصل نزلة دار السلام , ده كورنيش المعادي
طريق طويل و لفة بس انا عن نفسي افضله عن زحمة الكورنيش
اخى الكريم
اسمح لى ان اشترك بموضوعك
هناك طريقان من الدائرى
الاول :
من الزراعى عند مطلع الدائرى اتجاه مصر الصحراوى من ميت نما
وطول هذه الوصله حتى المعادى القديمه حوالى 38 كم تقريباً
طريق السير
من مطلع الدائرى بميت نما بقليوب اتجاه الصحرواى وهى اول مطلع يمين من الزراعى
وحضرتك تظل سائراً وبعد نزله ميدان لبنان تتابع العلامات الارشاديه لإتجاه المعادى وستجد حضرتك على هذا الطريق مطلعين متباعدين اولهما مطلع محور صفط اللبن ويعلوه الكوبرى المار للجهه الاخرى
بعد هذا المطلع بكام كيلو هتلاقى ف اقصى اليمين مطلع محور المريوطه المؤدى الى المعادى ومدينه نصر والمطار والقاهره الجديده إطلع هذا المطلع واستمر فى حركه السير مع الطريق سيأخك الطريق الى الناحيه الاخرى من الدائرى تظل سائراً هكذا وعيناك دائما متابعه اتجاه اليمين حتى ترى النيل وهنا تبداء تستعد وتأخذ يمينك تدريجياً حتى تعبر النيل من على الكوبرى وفى اول نزول للكوبري يمين تنزل... هكذا تكون فى طريق كورنيش المعادى ولاحظ وان سائر ان ترى مستتشفى القوات المسلحه ( مستشفى المعادى) عن شمالك
بعد فتحه الاتجاه للخلف او الدخول خلف المستشفى ستكون قريب جداً من المعادى وسياقبلك مدخلان للمعادى اي منهما شئت ادخل
وان افضل ان تظل سائراً وماسك شمالك وبسرعه متناسبه حتى تقترب من بنزينه توتال المعادى فهذا مدخل المعادى2 ادخل مع الطريق شمال وفاول ميدان هو ميدان مستشفى الفاروق اركن على جنب وأسأل عن المكان اللى عايز تروحه
الطريق التانى اطول شويه حوالى (52)كم تقريبا
وفى عجاله تظل سائراً بعد مطلع الصحراوى الى المطلع الاخرى المؤدى الى مصر الجديده وطريق اسماعليه وعندما تكون فى الطريق على الدائرى ستظل سائرا الى ان تجد ( ثلاثه انفاق) نفق السلام ونفقات للقاهره الجديده وبين كل نفق والاخر مسافه
بعد الخروج من اخر نفق ستظل سائراً الى ان يقابلك بعد بنزينه وطنيه على اليمن مطلع الاتوستراد المؤدى الى المعادى وحلوان
ولكن هذا الطريق سيؤدى بك الى المعادى الجديده اولاُ ومنها الى المعادى القديمه
اسف على الإطاله وارجو او اكون قد افدتك
لكل كل الود