بدور على الدوا دا
جلاندوزان
glandosan
لوالدتى
عشان ال side effects بتاعه العلاج الكيميائى اللى بتأثر على حاسه التذوق
عرض للطباعة
بدور على الدوا دا
جلاندوزان
glandosan
لوالدتى
عشان ال side effects بتاعه العلاج الكيميائى اللى بتأثر على حاسه التذوق
طيب كلمت صيدلية العزبى او اى صيدلية كبيرة وان حتى لم يكن الدواء متاح فى فرع قريب ليك؟
ربنا يشفى جميع مرضانا ويقدرنا نعمل اللى نقدر عليه.
وشوف اللينك ده فى ارقام كبرى الصيدليات وفيه فروع كتير وفى اخر الصفحة هتلاقى تفاصيل اكتر.
صيدلية العزبى - صيدليات مصر - صيدليات سيف - الرئيسية
أولا
ألف سلامة للحاجة .. وربنا يتم علاجها بالسلامة
النوع ده
إنتاج شركة kabi
مستورد
سعره في السوق المصري 125 ج للعبـــــــــــوة 50 مل
عبارة عن لعــاب صناعي.. لترطيب الغشاء المخاطي للفم واللسان والزور
وبيغطي على ريحة الفم
.
والله أعلم .. ماتستناش منه نتيجة بالنسبة لحاسة التذوق
إلا
لو كان فم الوالدة جاف تماما
ممكن تجيبه من صيدليات كبيرة زي مالرجالة قالوا
جزاكم الله خيرا
يا دكتور احمد مفيش جفاف فى الفم بس هو موضوع حاسه التذوق دا
ربنا يسلمكم جميعا ويشفى جميع مرضى المسلمين ومرضانا
حضرتك اسأل فى صيدلية ذكرى عشان هما بيعتمدوا انهم يجيبوا الادوية من بره
صيدليات ذكرى العنوان: 70 ش الميرغنى
مصر الجديدة, القاهرة
التليفون: 19029, 02-22904425, 02-24190283
ولو موجود والفرع بعيد عليك قولنا هنا وانا اجيبهولك واوصله ليك فى فيصل
تمنياتى للحاجة بالشفاء شفاها الله وعافاها
شوف فى صيدليات مصر او سيف او دلمار وعطاالله
صيدليه الزغبى مدينه نصر فعباس العقاد حلوه جداا وفيها كل حاجة وانا كنت بجيب منها دوا لوالدتى ملقيتهوش فى اى مكان فمصر غيرها
وبعد كده اتفقت مع صيدليه مصر ميدان سفير يجيبهولى بالطلب برضه بنفي السعر فانصحك بالاتنين دول
وربنا يشفيها
ربنا يقويها و يقويك و تمنياتي بالشفاء