الموضوع: امتي اغير فرد كاوتشات العربية

بجد يا جماعة انا استفدت كتير اوي من الردود و اجاب لي علي استفسارات كتيرة لكن ..
بحس ان في ناس مش من جوا المنتدي بس لأ من بره كمان يعني الاصدقاء و المعارف بمعني اصح حافظين يعني اللي بيتقال في الشارع عامة و بيتردد يعني مش حاجه علمية بحتة ممكن نعرف منها امتي علميا نغيير كاوتشات العربية
يعني فعلا سمعت اكتر الناس يقولوا الكاوتش اخره من 50000 كيلو الي 60000 كيلو
طيب ما ممكن واحد بيبهدل الكاوتشات و طلعات .. مش ده كده ممكن يتغيروا علي 20000 كيلو مثلا
ده اللي بقصده .. عايزيين نعرف فعلا يتغير امتي ؟؟ لأن انتوا عارفين ان النصب علي ودنه و انا مثلا معنديش خبرة في موضوع الكاوتشات
يعني مرة روحت لواحد بتاع كاوتش لاقيته بيقولي الكاوتشات عايزه تتغير و انا عربيتي بقالها 3 سنوات و عاملة 30000 كيلو و انا من النوع المحافظ في سواقتي يعني لا خمسات و لا طلعات و لا الكلام ده خالص
وواحد تاني يقولي الكاوتشات تمام مفيهمش حاجه
وواحد تاني يقول لي علي الصيف نغير الاربع فرد ان شاء الله
الواحد بصراحة اتخنأ من الموضوع ده و مش عارف يعمل ايه و الحاجه بقي اللي مضيقاني ان بقي في مسمار كل شهر علي الاقل و عايز اسلح الكاوتشات لكن الشركة قالولي عدي 3 سنوات علي الكاوتشات فحرام تسلحهم خليهم لما تشتري الجديد
الواحد بقي محتار بصراحة :)