توضيح هام لكل عشاق السول

**eng_mero82** · 29-02-2012 10:41 AM

معظم الناس كانت بتسال عن الكيا سول موديل 2012 وهل فيه تعديل حصل فيها ولا لا احب اوضح انى ناوى ان شاء الله اشترى سيارة سول لانى مقتنع بيها جدا واحب ملاك السيارة بامانة يقولولى هلى اختيارى واقتناعى ده صح ولا غلط اما بخصوص التوضيح اللى انا عاوز اوضحه لانى كنت فى التوكيل امبارح
1- ان الفتيس فى 2012 اصبح 6 نقلات .
2- الباور هورس بتاع الموتور زاد من 124 اصبح 130 .
3- زيادة حجم الفوجات او فوانيس الشبورة .
الكلام ده من التوكيل من مندوب المبيعات اللى كان هناك ارجو انى اكون ضيفت حاجة جديدة لعشاق هذه السيارة الجميلة لانى لقيت السؤال ده اتكرر كتير .

**smartchoice** · 29-02-2012 11:16 PM

و تم تغيير شكل الفوانيس الخلفية أنا شفتها وجمب القرية الزكية كان فى تريلتين شيلين بتاع 12 عربية بينزلوهم
و ربنا يكرمك و تجبها قريب

**eng_mero82** · 01-03-2012 05:30 PM

شكرا على الاضافة وؤبنا يسهل واجيبها بس باين ان باقى الاخوة الاعضاء مش عاجبهم الموضوع

**maruti** · 04-03-2012 03:17 AM

حضرتك ناوي تجبها انهي فئة من ال 3 فئات الي موجودين ؟
وهتجبها خليجي ولاوكيل ؟
علشان ان شاء الله اخر الشهر ربنا يكرم واجبها

**eng_mero82** · 05-03-2012 08:07 AM

بصراحة انا بدور على حاجة خليجى للاستفادة من الاوبشن الهايلة اللى فيها بجانب ان سعرها بيبقى اقل عشان موضوع الضمان وبالنسبة للضمان فيه شركات بتعمل ضمان للعربيات الخليجى بس الحيرة فى موضوع الخليجى ده انك ممكن تسمع الف نوع والف اوبشن مختلف فى كل مكان تروحه مش عارف اعمل ايه فى الموضوع ده بجانب انى مش من القاهرة او اسكندرية عشان اعرف اتابع الموضوع ده كويس فلو حد يعرف مكان محترم ومضمون يدلنا عليه يا ريت

**smartchoice** · 05-03-2012 09:44 PM

fانا شوفت النهاردة فئة وكيل مش الفول اوبشنز و لقيت التغيير حصل فى الفوانيس الأمامية زودو شوية لعب كده جوه الفنوس زى الألنترا الجديدة كده و الريو و الشبورة الأمامية حجمها مكبرش و لكن عملوها بارزة لبرة شوية (تعديل فى الكصدام فقط) و غيرو شكل عواكس الأضاءة اللى فى الأكصدام الورانى و التكييف بقى تتش و فى زرار جمب الأنتظار أسمه ECO تقريبا بيخلى العربية تنقل غيارات الفتيس بسرعة علشان توفر بنزين و التابلوة بقى لون واحد و أسود و غيرو شكل زراير الكاسيت و خلو حواليها حلية فضى كده
ده كل اللى فكره بس عجبتنى و حسيت انى عاوز أبدل ههههههههههه