إيه أكتر مسافة سقتها في يوم واحد؟

**ahmedfd** · 04-06-2008 07:24 AM

المشاركة الأصلية كتبت بواسطة akram2025

يبقى أنا أكسب و البرنامج كان كالتالي والله من غير هجص:

الساعة 3 صباحا التحرك من الغردقة الي القاهرة 520 كم ( طريق القطامية القديم ) وصول القاهرة الساعة 8 صباحا ثم العودة دايركت على الغردقة بعد ما واحدة صاحبتي ووصول الغردقة الساعه 2 و الغداء في الغردقة في فلفلة و الذي منه.

و بعدين التحرك من الغردقة الساعة4 ووصول القاهرة الساعة 10 مساء ثم العودة فورا عشان العربية كانت متأجرة ووصول الغردقة الساعة 3 صبحا و تسليم السيارة.

يعني المسافة في 24 ساعة حوالي 2100 كم ......

طبعا الكلام ده أيام الشقاوة

من 6 سنين بس الحمد لله الواحد تاب

دي كانت عربية إيه دي اللي؟

**M_HaFeZ** · 04-06-2008 11:35 AM

المشاركة الأصلية كتبت بواسطة sab3aawy

900 كيلومتر فى يوم واحد

بسيارة فيات 126 !!!!!!!!!!!!!!!!

اه والله العظيم

ده انت تضرب فى 4 بالنسبه لسواقه الصنى
مجهود خارق الصراحه
وياسلام لو كانت بتسخن

**omran82** · 29-07-2008 06:59 PM

اسكندرية اسوان لظروف الشغل بدون توقف في يوم ورجعت بدون توقف في اليوم التاني والعربية كانت ميتسوبيشي لانسر اتوماتيك 1600

**mohamed ibiza** · 29-07-2008 07:12 PM

ايه الارقام الجامدة دي انا عن نفسي انا حوالي 240 كيلو بالابيزا طلعت بعد الفجر لحد ما وصلت بيتنا في العجمي و واخدها 130-140 و والدتي كانت معايا مرضتش ازود:(

في اكتر بس والدي بقي بالابيزا من بيتنا في الهرم المريوطية لحد شرم الشيخ فوق علي الهضبة قرب المطار كده بالابيزا و فيها حمولة حوالي 400 كيلو و يعني المسافة كلها كانت داخلة في 650-700 كيلو كده بدون رااااااااااااااااحة one shot اديناها 20 لتر بنزين بس في السكة

**شاهين - بنز** · 29-07-2008 07:13 PM

أطول مسافة قطعهتا في يوم كانت 1000 كيلوا غردقة رايح جاي وأنا راجع كنت بغفل وأنا سايق وأفوق تاني على صوت عيون القطط إللي على جمب الطريق وأطول مسافة ون شوت كانت 500 كم للغردقة لم أقف خلالها إلا دقائق معدودة لتعبئة البنزين
وأطول مسافة قطعتها وأنا مش سايق 1700 كم كنت مع صاحبي راحين من بلد إسمها الخفجي في السعودية لمكة كان معانا كراون فكتوريا وماشيين 180 طوال الطريق ولم نقف إلا للبنزين

**kero25** · 29-07-2008 07:30 PM

انا اطول مسافة سوقتها كانت من الغردقة لمطروح بس كنت بموت نفسى انام وكنت بنام فعلا بس ربك بيسطرها وكنت ماشى طريق العلمين 180 بلانوس 2 وانا كنت بجرى عشان زهقت مش بجرب العربية

**WalidAdel** · 30-07-2008 02:26 AM

مش عارف انا عمري محسبت انا مشيت اد ايه بالكيلو متر ليه معرفش بس ممكن اقول ان ابعد بلد طلعتها بالعربيه كانت قنا قعدت هناك ساعتين و بعدين كملت علي اسوان كله في يوم مش عارف المسافه قد ايه بالظبط بس اكيد كتير يعني

علشان اوصل قنا التحرك الساعه 1 فجراً من القاهره الي عين السخنه - الغردقه - سفاجا و بعدين نزلت علي قنا وصول الساعه 8:30 ثم الطريق الزراعي الي اسوان و بعدين ادفوا
كانت بعربيه لانوس 2004

**mohamed ismail** · 30-07-2008 09:23 AM

ليه يا جدعان الاحراج ده بس
دنا اقصي مسافة كانت حوالي 310 كيلو العاشر من رمضان - المعمورة بدون توقف
ومرة تانيه العاشر من رمضان - راس البر 240 كيلو

ويوميا العشر من رمضان ( السكن)- الزقازيق (العمل) رايح جاي يعني بمعدل 110 كيلو في اليوم
انا بقول بالنسبة للناس اروح العب في التييييييييييييييييين