السلام عليكم ورحمة الله وبركاته
أحبابي عشاق السيارة سيات ابيزا
ربنا أكرمني بالتوصل الي ملف يحتوي علي الرسم الكهربي لضفيرة السيارة سيات ابيزا 94 و 99 بالألون و المكونات
لتحميل الملف اضغط علي الرابط التالي
IbizaCordoba93-99ele.schema.pdf - 4shared.com - document sharing - download - ehab mansour
و بالتوفيق ان شاء الله
تسلم إيدك يا هندسه بجد أكثر من رائع
الكبير كبير ياباشا فعلا
الله يبارك فيك يا هندسة .
هى دى الهدايا بجد تسلم ايدك
اقتباس:
المشاركة الأصلية كتبت بواسطة gasser_beek
ربنا يكرمكم مهندس اسلام و أستاذ سامحاقتباس:
المشاركة الأصلية كتبت بواسطة sameh_se
حابب بس اوضح ان فيه diagram في الملف بيشرح محرك الابيزا الديزل (diagram3)و فيه أخر للمحرك الكاربيراتيرلابيزا 94(diagram 4) و فيه أخر للمحرك الانجيكشن ال 99 (diagram 5)
و بعدين الحاجات المشتركة بينهم هتلاقيها موجوده في بقية الرسومات و الغير مشتركة فيه رسومات لوحدها
وبالتوفيق للجميع ان شاء الله
لا كدة كتير اوي
هديتين في يوم واحد ورا بعض كدة ؟
تسلم ايدك يا هندسة
هحملهم لما اروح البيت انشاء الله عشان الشغل قافل المواقع الداونلود
والله المستعان
،
،
تسلم ايدك يا باشا علي الرسومات التوضيحية بس المشكلة ان الواحد بالعافية بيفك الخط
انا بحاول افهم اي حاجة فيها بس المشكلة اني مش فاهم الأسلاك بعد كدة بتمشي بتروح فين ؟؟؟؟ هل يقصد علي الضفيرة مثلا ؟؟؟
هوضحلك اقصد ايه حالا
http://img189.imageshack.us/img189/1...remodified.jpg
لو بصيت علي الرسم يا باشا انا معلم بأسهم حمراء علي الأجزاء الي بسأل عليها
السهم الأحمر 2 مثلا رقم 32 دة حساس السرعة Speed Sensor خارج منه 3 سلوك
السلك 1 موصل مع السلك 3 الي جاي من الجزء 33 (الموبينة) وبعد كدة خارج منهم وصلة سلك رايحة لرقم 23 في الجزء اليمين الي انا موضح عليه سهم أحمر 1 الي انا مش عارف يعني ايه ؟؟؟ هل السهم احمر 1 دة الضفيرة ؟؟؟؟؟ هما كاتبين عليها Motronic control unit هل مقصود بيها ECU بس الي دي معناها Electronic Control Unit هل معني كدة العربية فيها اتنين كونترول واحد ميكانيكي والتاني كهربي ؟؟؟؟؟؟؟؟ برجاء التوضيح
والله المستعان
،
،
وطبعا سهم احمر 3 دة علبة الفيوزات والحمد لله فهمتها لوحدي
ليه كده بس يا هندسة ده انت أستاذنا متقلش كدهاقتباس:
المشاركة الأصلية كتبت بواسطة SYD
علي العموم فيه شوية مفاهيم لازم حضرتك تعرفها عشان تتعامل مع اي رسم كهربي
1- لازم تقرأ كويس دلائل الريم الكهربي اللي في اول صفحة
2- لازم تقرأ كويس أسماء و أرقام الأجزاء اللي في الرسمة اللي بتتكلم عليها و دي في اول كل رسمه
3- لازم تعرف ان فيه كلمات مذكورة في الرسم و هي كلمات خاصة و يقابلها في المصطلحات كلمات عامة
زي مثلا كلمة ecu دي كلمة عامة لكل المحركات التي تحتوي علي وحدات كنترول و لكن كيف أميز في رسم زي ده بين وحدة كنترول الديزل و بين وحدة كنترول الابيزا 94 و بين وحدة كنترول الابيزا 99 و كلهم يطلق عليهم ecu ولكن فولكس سمت لكل موديل اسم خاص به
monomotronic fuel injection system:-دي وحدة كنترول ecu للابيزا 94 و شرحه برسم رقم 4
motronic-9 fuel injection system:- دي وحدة الكنترول ecu للابيزا ال 99 الانجيكشن الكامل و شرحه برسم رقم 5
عرفت منين الكلام ده حتي لو انا مش متخصص في الرسم الكهربي ؟ لو بصيت في رسم رقم 4 هتلاقي رقم 27 فيه يسمي injector / inlet air tempreture sender ودي معناها ان ده جزء واحد بفيشة واحده بيوصل كهرباء لرشاش واحد فقط و بيوصل حساس بيقيس درجة حرارة الهواء الداخل و بيعرفها للكنترول و دي موجود في كاربيراتير ال 94 الذي يحتوي علي رشاش واحد فقط و ليس اربع رشاشات كما في ال 99
وعلي العكس في الرسم رقم 5 هتلاقي رقم 20 فيه منه اربع وحدات و يسمي injector و دي الأربع رشاشات لكل بستم رشاش
علي فكرة انا شخصيا في اي عربية من اي مصنع او موديل بعرف اذا كانت انجيكشن او كربيراتير بالنظر من كده لو فيها اربع رشاشات تبقي انجيكشن ولو مافيهاش تبقي كابرياتير
تمام كده انتهينا من تسمية وحدات الكنترول و للعلم فقط لا يوجد حاجه اسمها وحدة كنترول ميكانيكي وحدة الكنترول دي كهرباء و كنترول فقط و يمكن ان يحتوي ال control system علي اجزاء هيدروليكية او ميكانيكية و لكن دائما الأكثر و العقل المفكر هو كهربي
نيجي لموضوع حساس السرعه :-
حساس السرعه كمثال لأي حساس كهربي :-
هنتكلم عموما علي اي حساس انه الحساس ده هو عبارة عن مكون كهربي فائدته انه يعطي وحدة الكنترول اشارات كهربيه من جزء معين في المحرك او الماكينة عموما ليعطيه من خلال هذه الاشارات معلومات معينه يحتاجها الكنترول عن هذا الجزء لكي يقوم يعمله في ادارة المحرك او الماكينة عموما
وحتي يقوم الحساس بعمله فهو عموما لابد انه ياخد طرفين كهرباء inputs(او طرف واحد علي حسب تكوينه الداخلي و وظيفته) ويخرج منه طرف او اكتر ايضا علي حسب وظيفته outputs
نرجع تاني لحساس السرعه رقم 32 في رسم رقم 5 و اللي خاص بالمحرك الانجيكشن الخاص بك يا هندسة و هنا هنشرح الثلاث أطرف بتوعه 1 و 2 و 3
طرف رقم 1 :- ده عبارة عن دخل ال 12 فولت الموجب للحساس و اللي جاي في سلك لونه اسود (sw)و السلك ده بدايته جايه من سلك لونه احمر من موجب البطارية و بعدين داخل في الكونتاكت و اللي بيسمي ignition switch علي رجل رقم 30 و بعدين خارج منه علي رجل رقم 15 بعد ما بتفتح الكونتاك و بعدين دخلت في الفيوز بوكس في سوكت h1 و في بنه 4 و ده اللي مكتوب h1/4 و اتوزعت في حتت كتير و خرجت للحساس في سوكت g1/4 كده تمام لو فيه حاجه مش واضحة قول ..
طرف رقم 2 :- ده عبارة عن خرج الحساس اللي هو ال output بتاعه و اللي فيه اشارة كهربية بتحدد فيها سرعة العربية كام و دي رايحه علي الفيوز بوكس في سوكت g1/11 ومنها الي العدادات instrument panel عشان تعرضلك سرعة العربية كام علي الشاشة
طرف رقم 3 :- و ده عبارة عن طرف سالب ال 12 فولت اللي هو الأرضي بتاع العربية
ياريت حاولو نعمل مقابلة و ممكن نتكلم و نتناقش فيها عن كل شيء في الرسم ده و بالتأكيد الحاجات دي هتفيدك جدا جدا جدا لأن العربيات دي لو عرفت تحل مشاكلها كهربيا صح انسي هترتاح معاها جدا جدا جدا ان شاء الله
بالتوفيق ان شاء الله ولو عايز شرح لعمل اي حساس تاني لو جزء أخر أأمر وانا هكتبه ان شاء الله
و أسف اني طولت كتير ولكن عشان الكلام يكون واضح لحد متخصص او غير متخصص
رائع
الله ينور يا ايهاب بك ، ما شاء الله رائع .
الف شكر ليك يا هندسه
بس يا رب نفهم حاجه
:up: