فرصة لضباط الجيش والشرطة وأعضاء النيابة سيارة شوما معاقين باقى على إنتهاء مدة الحظر سنة وسبع شهور فقط بسعر أرخص من ثمنها ببورسعيد كاملة مانيوال فابريكة شركة تحتاج وش نظافة فرش جلد بطارية جديدة كاسيت الفابريكة موتور بحالة ممتازة
اشمعني ظباط الجيش والشرطة والنيابة وايه علاقتهم بسيارات المعاقين
علشاااااااااااااااااااااا اان نااااااااااس دى بتتعب فى حمااااية وطن (حمااااااااااااة وطن) ,, ولازم يكون ليهم امتيازااات .
مع انى طول عمرى مش بحب كوسة !!!
لا انا اقولك ليه بالظبط علشان العربيات دى مينفعش تتباع ومش حتتغير رخصتها مش فكرة كوسة ولا مش كوسة العربيات دى ممنوع بيعها وعلى فكرة عربيات المعاقين كل الناس بتشتريها مش الجيش والشرطة والنيابة وكدا لا كل الناس بتاخدها وبتاخدها بتوكيل هو اللى نزل الاعلان مش فاهم حاجة والعيب منه مش من الجيش والشرطة والنيابة ولا هى كوسه ولا حاجة ولا حوارات وحمايه وطن هى كل الكلام علشان احنا مش عارفين السبب الحقيقى فنبادر الى ان دى كوسه
لا طبعا كوسة وقلة أدب كمان
الفكرة ان سيارات المعاقين ممنوع حد يركبها غير المعاق شخصيا، ولو اتمسك حد غيره سايقها بتتعمل قضية جمارك ولازم يسدد جماركها بالاضافة لغرامة
مين بقى في البلد اللي محدش يقدر يكلمهم؟؟؟؟؟؟؟؟
الشرطة والجيش والقضاء
كلامك صح هو دة السبب.مين حيوقف ظابط جيش و لا شرطة و لا قاضى و يقولة انت مش مفروض تلركب العربية دى.اقتباس:
المشاركة الأصلية كتبت بواسطة m_elkhishin
+11111111111111اقتباس:
المشاركة الأصلية كتبت بواسطة m_elkhishin
الكلام ده مظبوط جدا ممنوع اي حد يركب عربيه المعاقين الا المعاق نفسه لكن بسبب رخص العربيه المثير فالناس بتتغاضي عن الحته دي وتشتريها وتفضل ماشيه بيها جوه البلد لحد ما فتره الحظر تخلص وبعد كده تترخص عادي
لكن بالنسبه للشرطه والجيش والنيابه فعندهم امتياز انه هيمشي بالعربيه دي في اي مكان في مصر ومحدش هيقوله الرخص فبالتالي عربيات المعاقين بتبقي فرص فعلا للناس اللي زي فوق دول
ياجماعة ... حد يقدر يقلي مرتب ضابط الجيش ولا ضابط الشرطة كام ... دور وراها هتلاقيها ملالييم ... والله العظيم ملالليم ... ووراه مسئوليات قد كده ... والله العظيم بيصعبو عليا بتوع الجيش لمن اشوفهم راكبين عربيات 128 بيج والي يدحك تلاقي عليها سواق هههههههههههه ومركبلها ستارة كمان ... وتعاله شوف الضابط الاسرائيلي راكب الهمر بتاعتو ومجهزة بكل حاجة ازاي ...
فمعلش في ناس لازم تكون مرتاحة شويتين ونريحهم علشان يريحونا ... ويخدمونا ويحمونا ... والواحد كل ما يشوف الجيش السوري نازل يعمل ايه في الشعب أقول عمار يامصر ... ده جيشهم نزل نهب البلد نهب ، ونهب المحلات ... حتى الابواب الحديد بتاعت المحلات خلعوها علشان يبيعوها ... ومستخسرين في الجيش بتعنا حتت عربية عدمانه مهكعة ومستعملة للمعاقين انهم يركبوها ... ألا هيا الكعكة في ايد اليتيم عجبة ... ده غير ممكن يكون الاعلان كازب أو ليس فيه نوع من الصحة ... كل شيء جايز . وتحياتي ...
طب يبقي كده في ظلم وكوسة كمان ربنا يرحمنا. عشان البشوات دول محدش هيسأله انت جي منين ولا رايح فين
متحلفش علي حاجة انت مش عارفها عشان حراماقتباس:
المشاركة الأصلية كتبت بواسطة me_medoo
انا اختي نقيب جيش وخالي عميد جيش معاش
المرتبات والمميزات يحلم بيها اي حد في الكون كله
يكفي اقولك الرواتب زادت الضعف بعد الثورة
الشرطة بقوا بيدخلوا كل دور القوات المسلحة بكارنية الشرطة
يعني اخدوا مميزات مكانتش ليهم قبل الثورة
اقتباس:
المشاركة الأصلية كتبت بواسطة zamalekwebas
اقتباس:
المشاركة الأصلية كتبت بواسطة me_medoo
متحلفش علي حاجة انت مش عارفها عشان حرام
انا اختي نقيب جيش وخالي عميد جيش معاش
المرتبات والمميزات يحلم بيها اي حد في الكون كله
يكفي اقولك الرواتب زادت الضعف بعد الثورة
الشرطة بقوا بيدخلوا كل دور القوات المسلحة بكارنية الشرطة
يعني اخدوا مميزات مكانتش ليهم قبل الثورة
+1111
اللى اعرفه ان مرتب الملازم 1500 او 1700 وكمان بيزيد كل سنة يعنى كل دفعة مرتبها بيكون اكبر من الدفعة اللى قبليها.
وبعد الثورة خدوا شهور من المرتب كفائض
يا راجل دا فيه ظباط بيستغلوا موضوع ان مفيش حد بيوقفهم وبيعملوا مصااااايب من بعد الثورة
حلو المنطق بتاع ان مرتبه قليل فيعمل ال هوا عايزه
اكيد لازم الباشا يتظبط عشان يعرف يظبطنا
في ظابط معرفة من بعيد كل كام اسبوع بلاقي جايب عربية استيراد "بتبقى دايو لاسيتي "اوبترا" و اوقات نوبيرا
و ال عرفني طبعا انها استيراد انها لاسيتي و مستعملة و معرفش بيجبهم ازاي ولا بيبعهم ازاي بس انا شوفته من فترة راكب 320 بعد ما كان معاه 131
مرتبات السادة الضباط - / ملاليم - / ؟؟؟!!!!!!!!!!!!!!!اقتباس:
المشاركة الأصلية كتبت بواسطة me_medoo
امال مرتبات مدرسي التربيه والتعليم و حاملى المؤهلات العليا والدبلومات او الماجستير
تبقي ايه
ومرتبات اللى شغالين فى القوى العامله - تبقي ايه ؟؟
ولا دول مش محسوبين من شعبك يا مصر
دا انا اللى شغال فى الكهرباء من سنة 1990 اشتريت عربيتى الاولى استعمال والتانيه استعمال
والاتنين بقرض من البنك عملته لاشترى الاولى وكبرت القرض علشان اشترى التانيه
ولسه بسدد فى القرض وفاضل فيه سنين
سبحن الله
هى الحكاية ناس وناس
ولا الحكايه قانون لكل الناس
ولا الحكايه ناس تتباس - وناس تداس
سبحن الله
مع احترامى الشديد للاخ اللى بيقول ان مرتبات الجيش قليلة او انهم ملهمش مميزات
لا فى ممزيات كتير
والدى عميد متقاعد وبياخد معاش اكتر من اكبر مرتب دكتور جامعة بيدى دروس كمان
ياجماعه انتم فاهمين اساس الموضع غلط من اساسه
العربيات ديه موجوده في الجمرك لاي فرد مش معاقين علشان يتقال عليها معاقين
انا روحت مع اخويا وجبنا واحده فمريت بالتجربه
ممكن انسان طبيعي وربنا يعفيه من الاعاقه يشتريها وهي عباره عن عربيات مستعمله خارج لازم تكون اقل من السنه اللي احنا فيها مش اق من 4 سنين فيما تحت
وكل فئه من الشعب بتتمتع بخصم من الجمرك الرئيسي بتاعها
يعني ماتفتكروش ان المعاق مش بيدفع جمرك لا بيدفع جمرك علي نوع العربيه وموديلها وسنه الصنع حسب الاختيار جمرك 20% وده اكبر فئه تتمتع بالاعفاء الاجمركي الغير كامل
اما الفئه الثانيه الي ببتمتع برض بالاعفاء الاجمركي دول الفئه اللي معاها سلطات ومعلشي بقي محدش يقولي واحد ظابط ما بيقفش في كمين والله ابو زميلي عقيد في المخابرات ووقف واتاخدت منه النمر كمان مش الرخص
تالت فئه بقي اللي هما احنا باقي الشعب بتروح تنقي نوع العربيه وتدفع جمركها وتنزلها وده انا بعتبره افضل وسيله لشراء عربيه مستعمله استعمال بقي نضيف مش هربده وتلاقي التاجر اللي بيبعها بيضرب سعر واي كلام في البطيخ ولا هو فاهم حاجه
انا جبت اوكتافيا a4 كامله 2002 والله بزيت المصنع انا اللي مغيرهولها
وارجو يكون الموضوع اتفهم
ممنوع استيراد العربيات المستعملة و الا كان التجار جابوها و باعوها
أه لأ لأ أنا فهمت دلوقتي الاستاذ وصلي الصورة صح ... في فعلا في الجمارك عربيات جيه من بره بس أصحابها مقدروش يدفعوو جماركها فدي الجمرك بيعرضها للبيع .. أحسن من ركنتها جو ساحة الجمرك الموضوع ده سمعت عنو زمان قوووي .
وزي الناس الي بتشترك كمان في مسابقات بتاعت mbc وغيرو ويكسبو عربية همر وبعد ما تتشحن ليه الجائزة يلاقي جماركها قد تمن شقتو مرتين ... ويقلهم ياجماعة دي جائزة كسبتها في البرنامج في مسابقات رمضان يقولوا رمضان مين والناس نايمين هتدفع ولا نصادرها ونبيعها .
أما بالنسبة للمرتبات ... انا قريبي في الشرطة والجيش بيقولولي واحد بياخود 500 جنية والتاني بيقلي انو بياخد 750 ده غير البدلات وفي منهم لواء متقاعد بيقلي صفصف مرتبو على 1500 جنية مش عارف هل هما صادقين ولا بيقلولي كده علشان اسلفهم ولا بيخزو العين ولا ايه حكايتهم ولا هيا دي الحقيقة . الله أعلم
لواء وبيقولك ان معاشه بيصفف علي 1500 جنيه
طبعا ----------------
ولا بلاش علشان ماتزعلش
اقل لواء جيش معاشه مايقلش عن 20000 غير الصناديق اللي اخدها وهو خارج معاش
ممكن لو تكرمت تقول لنا جمرك آيه اسكندرية وللا السويس وللا فين بالضبط عشان أنا بفكر اشتري عربية استعمال الخارج ولك جزيل الشكراقتباس:
المشاركة الأصلية كتبت بواسطة yousefsemsem
انا معرفش موضوع المعاش كام بالظبط لكن اعرف ان اللواء بياخد بدل تحسين معيشة اول ما يعلق لواء ١٠٠ الف جنيهاقتباس:
المشاركة الأصلية كتبت بواسطة hugan
بس اعتقد المعاش مايوصلش ل٢٠ الف
مش حقول غير انه كلام خطاء من بابه واساسه وكل حاجهاقتباس:
المشاركة الأصلية كتبت بواسطة hugan
وشكرا
في الجمعة ال بعد محمد محمود وقفت مع اتنين كانو صحاب الظباط ال راحو الميدان عشان اعرف ناويين يعملو ايه بعد كدا
الاتنين ولاد لواءات متقاعدين في الجيش و واحد ال رضي يقولي ابوه كان بياخد كام
قالي انه مكنش بيدخل في اي حوار فيه فلوس عشان كدا مرتبه كان قليل و اخر مرتب قبضه كان 8 و شوية و معاشه اكبر من المرتب حاجة بسيطة "دا كلامه"
و مكافأة نهاية الخدمة 250
يا أستاذي الكريم / علي حسني .
تحية طيبة وبعد ... على حسب ما أنتا كاتب حضرتك ناشر صحفي ... على عيني وعلى راسي ... هل انتم عندكم في المؤسسة الصحفية كل الناس بتاخد زي رئيس التحرير أو مساعد رئيس التحرير ... ولا الصحفي بياخود زي المصور ... ولا المبتدء بياخود زي واحد ليه عمود ثابت ... ولا الصحفي الثابت مرتبو زي المراسل ...
كل واحد مننا ربنا قسم ليه رزقو ... بس سؤال صغير ليه اللواء المتقاعد بيدور على وظيفة بعد التقاعد مثلا أغلبيتهم بيشتغلو مدير شركة أمن سكيورتي ... مش علشان يحسن من دلخو .
انا ما بتكلمش على بعض اللوئات المرتشين ... أنا بتكلم عن الشرفاء ، وما أكثر الشرفاء في بلدنا ... هتلاقيهم ناس عاديين جداً ... ومسكنهم مسكن متواضع جداً وعربيتو عربية عادية جداً وهتلاقيهم ناس متواضعين جداً جداً ومحترمين ... صوبعك مش زي بعضيها .
تقبل تحياتي ... ورأي بسعة صدر .
كما أرجوك كأخ لي والله العظيم أخ عزيز وفاضل ... لو تكرمت وغيرت توقيعك ... لأنو بيثير مشاعري وبيستفز المشاعر ... رغم مشاركاتك الرائعة والتي أشهد بها ... لكن هذا الكركاتير بيحسسني بعدم الامان ... وكأن الجيش ماشي يقتل في الناس ليل نهار وكل يوم ... وهذا الشيء غير صحيح ... الي في الجيش ده هو أبن بلدك هو أخوك هو أبن عمك هو أبن خالك هو جارك هو نسيبك وممكن في يوم من الايام تلاقي ابنك ضابط في الجيش وتفتخر بيه قدام كل الناس ... فرجاء من أخ ليك لو تغير التوقيع ولك الحرية المطلقة وجزاك الله كل خير .
في كل مكان في المحترمين و في ناس مش محترمين و مرتشيناقتباس:
المشاركة الأصلية كتبت بواسطة me_medoo
و على حسب ما الولدين حاكولي دا اقل مرتب ممكن لوا ياخده و دا عشان مكنش ليهم علاقات و مش مربطين مع حد و الرقم مش خيالي ولا كبير بالنسبة للواء جيش بس دا مش مبلغ قليل و لو قليل مش مبرر انهم يمشو بعربيات من غير ورق او يبقى ليهم استثناءات في اي حتة كما هو الحال الان
بالنسبة للتوقيع هغيره لما القتل يتحاسب لانه لما ميتحاسبش يبقى بالنسبالي الكل متواطيء معاه بسكوته و موافقه على ال عمله
اخيرا انا مش ناشر صحفي زي ما حضرتك متخيل انا طالب في كلية هندسة و اللقب دا الادارة حطتهولي عشان بحط موضوعات في قسم الاخبار