تغيير زيت فتيس أوتوماتيك نوبيرا

**elshwehy** · 01-03-2012 06:32 PM

زيت الفتيس فى النوبيرا الاوتوماتيك بياخد 6 لتر بالظبط والكلام دة انا واثق منة ولسة مغيروة الاسبوع الى فات وشكرا

**amro_19700** · 02-03-2012 03:10 AM

انا معايا نوبيرا2 موديل 99 محدش عارف مكان مقياس زيت الفتيس الاوتوماتيك فين بالظبط فى ناس بتقول يتعرف من الطبة اسفل السيارة ولكن هل يتغير من الطبة بردة ارجو الاجابة لانى مش عارف مكان تزويد اوتغيير الزيت فين

**3ateef** · 02-03-2012 02:49 PM

المشاركة الأصلية كتبت بواسطة amro_19700

انا معايا نوبيرا2 موديل 99 محدش عارف مكان مقياس زيت الفتيس الاوتوماتيك فين بالظبط فى ناس بتقول يتعرف من الطبة اسفل السيارة ولكن هل يتغير من الطبة بردة ارجو الاجابة لانى مش عارف مكان تزويد اوتغيير الزيت فين

مقياس زيت الفتيس جنب مقياس زيت الموتور,,دا فى النوبيرا 2
يد المقياس لونها احمر,,,تغيير الزيت ممكن يتم عن طريق فك الطبة او عن طريق شفط الزيت من مكان القياس,,,والتزويد بيكون من مكان القياس...
بالتوفيق..

**hamdyy010** · 02-03-2012 03:47 PM

مع احترامى للاستاذ عاطف لكن انا معايا نفس الموديل نوبيرا 2 مو 99 اوتو ومحدش لاقى مقياس الزيت للفتيس اللى موجود زيت الموتور فقط ولاقيت واحد قاسة فعلا من طبة جنب طبة الزيت بس فعلا مالهاش مقياس زيت فتيس من الموتور من فوق
اللى عايز اعرفة لو سمحتم ممكن تاخد كام كيلو زيت فتيس عشان ان شاء الله هغيره بكرة ولكم جزيل الشكر

**3ateef** · 02-03-2012 05:52 PM

المشاركة الأصلية كتبت بواسطة hamdyy010

مع احترامى للاستاذ عاطف لكن انا معايا نفس الموديل نوبيرا 2 مو 99 اوتو ومحدش لاقى مقياس الزيت للفتيس اللى موجود زيت الموتور فقط ولاقيت واحد قاسة فعلا من طبة جنب طبة الزيت بس فعلا مالهاش مقياس زيت فتيس من الموتور من فوق
اللى عايز اعرفة لو سمحتم ممكن تاخد كام كيلو زيت فتيس عشان ان شاء الله هغيره بكرة ولكم جزيل الشكر

فكرة ان محدش لاقى مقياس زيت الفتيس فده مش معناه ان المقياس مش موجود وانا عربيتى مش سبيشال اوردر عشان تكون هى بس اللى فيها مقياس زيت الفتيس...

يا ريت حضرتك تغير الناس اللى انت بتروحلهم ومش لاقيين مقياس الزيت,,,عشان لا قدر الله متجيش بعد كده فى حاجة كبيرة...

الفتيس بياخد من 3.5 ل 3.75 لتر زيت...

بالتوفيق...

**hamdyy010** · 02-03-2012 08:13 PM

عربيت سيادتك هى اللى طبيعية اللى مش طبيعى ان مايكونش فيها مقياس زيت فتيس
بس الموضوع دة متكرر في النوبيرا 2 اوتو مو99 فتيس كهربا الكوري المعاقين
وشكرا لاهتمام حضرتك يا استاذ عاطف

**Aymanmickey** · 17-08-2016 02:00 PM

يا جماعه انا معايا عربيه نوبيرا اوتوماتيك موديل ٩٩ خاصه بالمعاقين جايه من بور سعيد وبواجه مشكله كبيره جدا مع الميكانيكيه او اى حد بتاع صيانه وكنت عايز اسأل عدة اسأله.
١- زيت الفتيس ملهومش عصايا للمقاس ومش عارف خامته كويسه ولا لا نقدر نعرف زيت الفتيس عايز يتغير او لا ازاى؟
٢- ايه نوع زيت الفتيس اللى مستحب استخدامه مع النوع دة من العربيات يعنى قصدى موبيل او شل عايز اسم ماركه علشان كله بيقعد يتكلم عن اللزوجه والكل ان دة ومحدش بيقولى المفيد؟
٣- حد قالى زيت الفتيس عندى لونه ابيض مش احمر وممكن احطله موبيل atf 320 ايه رأيكو؟
اخر حاجه بقى عايز عنوان مركز صيانه محترم اتعامل معاه يكون فيه حد بيفهم مش شويه صنايعيه حافظين مش فاهمين ولكن جزيل الشكر.