ياشباب عايزيين مقارنة حلوة بين العربيتيين دول وتركب أيهما وليه ؟؟
سكودا أوكتافيا فانتازيا 2009 ولا 316 2006 أو 2007 ؟؟
أنا هابتدى بشوية معلومات
الفانتازيا ... 1600 سى سى ستيبترونيك
316 1600 سى سى مانيوال
الفانتازيا أوبشن أعلى بكثير من ال 316 ولكن من ناحية الشكل والأداء والثبات ...أظن ال 316 تكسب .
الفنتازيا أوسع بكثيييييييييييير من 316
حد عنده أى معلومات عن التقفيل و عدد الأحصنة والعزم ....؟؟؟
ال 316 اعتقد تقفيل المانى مبتتقفلش فى مصر , 115 حصان @ 6000 و 150 نيوتن @ 4300
الاوكتافيا تشيكى , 102 حصان @ 5600 و 148 نيوتن @ 3800
فانتازيا
فانتازيا .. خد بالك ثبات العربية ديه لايقل عن 316 ..
316 مش هتحس أوي إنك راكب بي إم ... البي إم ماتركبهاش غير أعلى من 2000 سي سي
أنا لو مكانك هختار السكودا .. خصوصا إن قطع غيارها أرخص من البي إم و كمالياتها أكتر ..
بالتوفيق ...
فانتازيا
بص يا باشا ... الشاباب قالو شوية كلام حلوين ... هجمعهم لك تانى
أولا .. انت محتاج ايه من العربية ؟؟ حجم و راحة و ثبات و منظر و كدة ؟؟
الاوكتافيا أو الفنتازيا زى ما بنقول عليها فى مصر بتتميز فى الوسع و الراحة
و كمان حتة انها اتوماتك و البى ام هتبقى مانوال .. دى فى صالح الاوكتافيا و خصوصا فى زحمة مصر
.. و العربيتين نفس الثبات تقريبا و يميز البى ام انها دفع خلفى أما الاوكتافيا فهى جر امامى (وجهة نظرى الشخصية فى تفضيل الدفع الخلفى )
و اما الشكل او المنظر دى حاجة ترجع لذوقك انت .. بس طبعا اسم البى ام اعلى و اقيم و كمان جودة الخامات و التقفيل اعلى فى البى ام
بالنسبة للقوة مش هتفرق قوى بين الاتنين ... الاتنين 1600 يعنى و فرق الاحصنة مش هيبقى كتير .. لكن اداء البى ام هيبقى رياضى اكتر نظرا لوجود الجير المانوال و كمان دى طبيعة البى ام ...
و طبعا نقطة الوسع و قطع الغيار و الكماليات فى صالح الفانتازيا تماما..
.. وأهم حاجة الحالة العامة للعربيتين لأنهم مستعملين
بالنسبة ليا انا هختار الفانتازيا لأنها مناسبة اكتر لاحتياجاتى
:b4_388:الله ينور يا رجالة ...حيرتونى أكثر ....هاهاهاها
بس المشكلة إنى بعشق bmw وبموت فى الدفع الخلفى ... ولكن المانيوال طحن رجلى خلاص ..
وفى نفس الوقت لما الواحد يدفع 140 الف فى عربية بيبقى محتاج شوية دلع:36_1_50[1]: كراسى كهرباء مثبت سرعة ....
إدعولى أنى الاقى 320 موديل 2006 أو 2007 بسعر كويس يارب ....بدل ال 316 المانيوال الفاضية ....
والف شكر على الإهتمام والمشاركة
بالتوفيق