أسهل طريقة لعمل فوانيس ليدات
أول حاجة نقول بسم الله توكلنا علي الله الفكرة بصراحة تساوي ثقلها ذهب(عيار فالسو طبعا) ههههههههه في فوانيس جديدة ليدات عند بتوع النص النقل اسمها فوانيس scania عاملين ٧٥ الجوز جبتها أنا وابن خالي عشان نجرب نركبها في عربيته (أهو لو الفكرة باظت مش عربيتي) هي عربية شاهين علي فكرة ثاني خطوة فكينا فانوس العربية و فكينا الوش بتاعه و طلعنا كل اللي فيه ثالث خطوة جبنا ألفانوسين الليدات فكينا وشهم و طلعنا قمرات ليدات منهم حاجة كده زي فوانيس الصالون الليدات وثبتناهم بدابل فيس في فوانيس العربية ووصلناهم في العربية في الآخر كان شكلها تحفة و فيمنا الفوانيس احمر برضو علشان يبقي منظرها حلو