تتبع خط سير سياراتك "المكان والساعة والتاريخ" باستخدام موبايلك!!!!

**mohamednagib** · 01-03-2012 11:16 AM

تم تجربة الطريقة دي من فترة انا واحد صاحبي ... و بالفعل نجحت ... لكن للأسف لم يتم تطبيقها عمليا حتى الان ...

**elsherif_2000** · 01-03-2012 01:05 PM

طيب ما هو كدة ممكن اي حد يتتبع اي حد عن طريق رقم تليفونه؟؟؟؟

**mohamednagib** · 01-03-2012 01:59 PM

المشاركة الأصلية كتبت بواسطة elsherif_2000

طيب ما هو كدة ممكن اي حد يتتبع اي حد عن طريق رقم تليفونه؟؟؟؟

لا ياباشا .. ما ينفعش ... لانك علشان تشوف اي رقم تليفون له حساب على جوجل .. لازم تعمل له طلب اضافة كصديق و هوا يقبل . ( زي فيسبوك كده )

**Al-Farooq** · 03-03-2012 03:34 AM

انا فكرت فى الموضوع دة
بس فى مشاكل عاوزين نتغلب عليها

يعني ازاي هيكون الموبايل متصل بالانترنت 24 ساعة ؟
المشكلة دي مش حلها اشتراك انترنت
لأن الموبايل لما بتتركه فتره بيقفل وبيدخل فى مود زي Sleep وبيفصل النت
وبالتالي مش هيكون متصل بالنت غير فترة بسيطة لحد ما يقفل وبعدها هنفقد الاتصال بالبرنامج بتاع جوجل

نقطة كمان
تقريبا والله اعلم إذا حصل وتغلبنا على المشكلة الاولي ، المشكلة الثانية هتكون فى الآتي
أن الموبايل ممكن يفقد الاتصال جزئياً ، يعني شبكة وقعت ورجعت مثلاً
فى الفترة دي الموبايل هيطلع ما يفيد ان مفيش اتصال ويطلع لنا اختيارات اتصال بالانترنت يدوية
وفيها اختيارات متعددة حسب ال Access points او ال Wi Fi المتاحة ،
وبالتالي مش هيدخل على النت إلا بتدخل يدوي لإختيار نوع الاتصال بالشبكة ...

دي الملحوظات اللى فى دماغي دلوقتي ومعرفش ممكن نتغلب عليها ولا لاءة
الفكرة دي إذا نجحت هتبقي ممتازة فعلا
خصوصاً ان اجهزة الجي بي اس غالية فى مصر(1000-2000 جنية) لكنها فى الاصل رخيصة ،
يعني ممكن تكون ب 50-100 دولار ولا حاجة ، إحنا مش عاوزين غير تتبع فقط ، ففكرة الموبايل ممتازة

واجهزة الجي بس اس بتحتاج تعمل اشتراك شهري فى سيرفر بيكون 20 جنية مثلا ،
واشتراك النت اللى فى الفكرة دي 10 جنية يعني ارخص كثير

ومشكلة ثالثة فى الفكرة دي انك لازم تشحن البطارية يومياً او كل يومين حسب نوع الجهاز اللى هتستخدمه فى الموضوع دة
يعني يكون معاك بطاريتين ، تبدل فيهم
او يكون فى حد يعرف يعمل واصلة للموبايل لشحن الموبايل تلقائياً بمجرد تشغيل العربية ، والفكرة دي هتكون جميلة بس لازم تشتغل العربية على فترات قريبة ،
يعني مينفعش تركن العربية 3 ايام مثلا بدون ما تشغلها وإلا الموبايل هيفصل طبعاً ،
جايز لما يكون الموبايل فى حالة شحن دائم نتغلب على النقطة دي
أنا بفكر معاكم بصوت عالي بس الفكرة عجبابني جداً والله.

**MOSHAKS** · 04-03-2012 07:40 AM

فكرة ممتاز بس فعلا لازم نتغلب على الحاجات السابق ذكرها وساعتها هيبئا 100 100

**heeshooheeshoo** · 14-03-2012 11:42 PM

أنا لست متعمقا فى تكنولوجيا الإتصالات ولا أستطيع أن أدلى برأى فنى فى هذا الأمر ، ولكننى دخلت هذا الموضوع لإنشغالى هذه الأيام بالبحث عن أفضل جهاز إنذار أو مانع سرقة يمكن تركيبه بعيدا عن أجهزة الإنذار الوهمية المنتشرة فى كل سيارات مصر إللى مافيهاش غير صوت وبس .. تعودنا على سماع أصوات سارينتها فى كل لحظة كلما أراد كلب أو قطة إيجاد مكان دافىء للنوم على إحدى السيارات أو كلما مر موتوسيكل أو سيارة نقل بجوارها أو إصطدام كرة أحد الأطفال بها .
المهم ... أثناء بحثى فى هذا المنتدى وجدت موضوعين يتعلقان بمنع السرقة أو التتبع للموبايل أو السيارة .
أرجو من الإخوة إللى فاهمين فى الموضوع ده الإطلاع عليهما والإفادة بإمكانية الإستفادة بهما فى هذا الموضوع . وقولولنا رأيكم فى النهاية .

الموضوع الأول هو موضوع إعلانى تحت عنوان " الحل الأمثل لحماية سيارتك من السرقة ومعرفة مكانها " وهذا هو الرابط الخاص به http://www.nilemotors.net/Nile/273008-tc65.html

الموضوع الثانى طرحه أحد الإخوة بالمنتدى وهو beautiful0mind تحت عنوان " أخيرا برنامج تتبع مجانى ...للموبيل والعربية " وهذا هو الرابط الخاص به http://www.nilemotors.net/Nile/274324-a.html

مع خالص تحياتى