الموضوع: تتبع خط سير سياراتك "المكان والساعة والتاريخ" باستخدام موبايلك!!!!

الموضوع منقول

المشاركة الأصلية كتبت بواسطة *specialist*

بعد حوادث السرقة المتكررة للسيارات الى بنعاني منها حاليا فى مصر فكرت اني اشترى جهاز بيعمل بتقنيه GPS لتحديد موقع السيارة فى حال سرقتها وبالتالى يصبح امر استعادتها شئ بالغ السهولة لكن للاسف فوجئت ان الجهاز هيتصادر فى المطار لان غير مسموح باستخدام اجهزة التتبع فى مصر.
الموضوع دا اوحى لى بفكرة تانية وهي
ممكن اللى خايف على عربيته يشترى تليفون مستعمل ويتركه باستمرار فى العربية فى مكان مخفى - ويحط فيه شريحة بس يشترك فى خدمة الانترنت بالنسبة لى انا مشترك فى الخدمة مع موببنيل وبدفع 10 جنيه فقط فى الشهر مهما طالت فترة استخدامى - بعد كدا يحمل برنامج Google maps على التليفون وهو متاح للتليفونات التالية

بعد كدا افتح البرنامج بعد تحميله ومن قائمة file اختار Join Latitude هيطلب منك اسم المستخدم والباس ورد الخاصين بحسابك على جوجل طبعا المفروض تكون عامل ايميل على جوجل مسبقا.

ثم تضيف من لهم حق متابعة تحركات الموبايل "اوعى تضيف مراتك " طبعا كل واحد من المضافين لازم يكون له حساب على جوجل والاسهل انك تضيفهم من خلال الكمبيوتر مش من الموبايل

ولو حبيت تعرف مكان عربيتك كل ما عليك هو انك تسجل دخول على الموقع https://www.google.com/latitude
وبالتالى هيعرفك مكان العربية لان الموبايل بداخلها بالشكل دا

الميزة كمان انك بيتسجل على الموقع الايام والامكان اللى زارتها السيارة - يعنى لو صاحب معرض سيارات استخدم الطريقة دى هيكون عنده علم العربية راحت فين وامتى على سبيل المثال هيدخل على موقع www.google.com/latitude وبعدين يضغط على كلمة History وبعدين View and manage هيلاقى نتيجة يختر منها اليوم اللى عاوز يعرف خط سير السيارة فيه وعلى الخريطة هيلاقى متحدد الاماكن اللى العربية كانت موجودة فيها واوقات تواجدها .
انا جربت الطريقة دي ونجحت معايا والحمد لله بشكل مكنتش متخيله.

وعلى فكرة مش بالضرورة ان الموبايل المستخدم يكون فيه خاصية GPS لان Google بتعتمد فى تحديد مكان التليفون على ابراج الارسال مش على الاقمار الصناعية وبالتالى ممكن نضع تليفون رخيص فى السيارة لتحديد موقعها فى اى وقت وكذلك لاستعادتها فى حالة سرقتها لا قدر الله

اتمنى الن الطريقة تنجح وتساعد الناس انها تحس بالامان على سياراتهم.

الخلاصة انك بتجيب اي تليفون تنزل عليه برنامج جوجل ماب وليكن n70 وبعدين تفتح البرنامج وتختار من القائمة latiude وبعدين تدخل اليوزر نيم والباسورد بتاع جوجل الخاص بيك يعني لازم تعملك اكونت علي جوجل تمام كده
بعد ما تسجل دخول في البرنامج هيكون متوصل بالنت طبعا تروح خافيه في اي حتة في العربية وتطلع البيت وتفتح الكمبيوتر علي موقع
https://www.google.com/latitude
وتسجل دخول وهتشوف موقع ومكان ألموبايل اللي في العربية وبالتالي هتعرف مكان العربية لو اتحركت الفكرة ان لازم الموبايل اللي في العربية يكون دائم الاتصال بالانترنت وليكن تحط شريحة موبينيل وتشترك في باقة 10 جنيه في الشهر ده ارخص عرض في 3 شبكات ارجو اكون قدرت الخص الموضوع