مشكلة النوبيرا

**hangour** · 29-02-2012 03:52 PM

انا ياشباب سير الكاتينة فوت منى والعربية وقفت وجبت ونش وداها عند الميكانيكى وبعدين قال لى اكيد الصبابات لازم تتغير قال لى ع العموم هانركب سير جديد ونجرب ركبنا السير وجرب العربية اشتغلت بس فيه صوت تكتكة بسيط فى الموتور قال لى فيه صباب بايظ بس قال لى ممكن تمشى على كده ومش هاتأثر على الموتور وممكن مع المشى الصباب يتعدل هل الكلام ده مظبوط ولا لازم اغير وهل الصباب ده يأثر على عمر الموتور
س}ال آخر انا من ساعه ماشتريت العربية من 3 سنين وفيه ترشيح زيت على الموتور غيرت الجوان ييجى اربع مرات والترشيح مارحشى الميكانيكى قال لى ممكن يكون غطاء الموتور مقفع علشان فبر ونصحنى اركب غطا نوبيرا 1 علشان حديد فهل الغطا ده يمشى مع نوبيرا 2

افيدونا أفادكم الله

**mhopa2440** · 29-02-2012 04:04 PM

انا من راي انك تغير طقم صبابات كامل لانه مينفعش تغير صباب واحد ف الموتور الاثنين كامة زي النوبيرا كلها لان الموضوع دا حصل معايا قبل وكدا وبعد الصبابات تضبط التاكيهات بالمرة كدا يبقى كله تمام وغير كدا مش صح طبعا

لو انت عندك عربية قديمة زي 128 ثمانيات ممكن اقولك سيب الصباب يتعدل لوحده حصلت برده معايا ف عربيتي الاولي عوجت الصباب وعدلته مع نفسها بس انا معايا نوبيرا دلوقتي وبقولك بلاش تمش كدا ممكن تكسر البستم او الشميس او اي حاجة انت ف غنها عنها

موضوع غطاء زيت الموتور ممكن يرشح زيت بس لازم تشوف تسييل الزيت منه بتلاقي واحض نزول الزيت منه ولو كان حول الغطاء نظيف جدا يبقى مش هو السبب ولو غيرت هات الاصلي انا لسة مركبة عندي وشغال كويس

**hangour** · 29-02-2012 04:17 PM

لأ هو الترشيح من الغطا لأن ترشيح الزيت حوالين الغطا
طب انت جبته بكام ومنين؟

**hangour** · 29-02-2012 04:21 PM

فين الردود ياشباب

**ahmed.zahra** · 29-02-2012 04:57 PM

نصيحتي تغير طقم الصبابات و ده مش غالي بس مش متذكر سعره، بالنسبة لغضاء التاكيهات ده طبعا غيره ببتاعاها الأصلي نوبيرا 2 و ده انا لفيت عليه و لقيته في الآخر عند واحد اسمه النجار في آخر شارع دمشق بالجوان بتاعه ب 250 جنيه. انا لسه جايبه من عنده من حوالي شهر و نص و الزيت منع بعدها فعلا

**kimo-nubira** · 29-02-2012 05:10 PM

ترشيح الزيت ده من جوان وش السليندر غيره بجوان اصلي ( gm ) ب 60 جنيه تقريبا لان الجوانات اللي في السوق كلها مضروبه

وهتعاني شويه لحد ماتجيب الاصلي لاني كنت بعاني زيك واشتريته من ابو الحسن في بين السريات والدنيا ظبطت معاه الحمدلله