-
كاميرا للركنه
[glint]اعضاء القسم الكرام [/glint]
السلام عليكم , اخباركو ايه
يا جماعه مشكلة الابترا معايا حاجه غريبه حبتين اني في الركنه مببقاش شايف اللي ورايا كويس و ده بيعمل مواقف مش ظريفة في اوقات كتير .
المهم الراجل سايس الجراج بتاعي انهارده قالي بقولك ايه
ما تركبلك كاميرا ورا بتظبط الدنيا ف الركنه و كده يعني
قولتله بس اللي اعرفه انها بتركب في الاكصدام اللي ورا و بتتكسر دايما و مبتبقاش مفيدة قالي مين قال كده انت ممكن تركبها في اي مكان ف ضهر الشنطة او غطا الشنط و كده يعني .
و قعد يفتي في حوارات و ناس سمعها و رغي كتير لما صدعني .
المهم قولت فكرة الكاميرا ده حلوة فعلا طيب انا لو عايز استشير حد ف الموضوع ده اسأل مين و مين يفدني
قررت اسالكم انتوا , و ياريت تفيدوني اللي يعرف اي حاجه عن الموضوع ده يقولي ممكن تتركب ف حته غير الاكصدام و لا لأ و يا تري بكام و اركبها فين احسن مكان و التوكيل وضعه ايه لما يلاقي الكاميرا دي اللي اكيد ممكن توقع ضمان الكهربا خاصة و العربيه عامله 36 الف كم يعني لسه مشوارنا مع التوكيل كبير - مستني ردودكم
و لكم جزيل الشكر مقدماً
-
شكرا علي ثقتك قسم الكماليات حيكون ادق مننا
عموما اغلب الكميرات مبتركبش لوحده لازم تكون موصوله بشاشه عرض عشان تكون مفيده
فانا انصحك انك تركب وحده كامله مكان الكاسيت عشان تبقه ريحت دماغك
تركب فين ديه اعتقد انسب مكان هو الاكصدام عشان الاخرام متاذيش صاج العربيه
وشكرا
-
فعلا زى الاخ abou ما قلك انا عن نفسى مركبها فى الاكصدام ومركب كاسيت بايونير dvd وشغاله تمام وسعر الكاميرا لوحدها من 150 الى 250 ونصيحه لازم تاخد كاميرا ليليه علشان الصوره تبقى واضحه بليل وعملتها فى شارع المطبعه بلهرم واى استفسار انا بلخدمه
-
اولا الف شكر علي اهتمامكم
ثانياطب ماهو لو انا عملتها ف الاكصدام الناس اللي بتبقي ماشية ورايا و تقعد تسرح و تخبط ف العربيه هيكسروا الكاميرا ف مفيش و بعدين انا عارف ان لازم شاشة بس الفكرة انا عايز اعرف اعمل ايه في مكان الكامير اللي هيجنني و بعدين فيه ناس قالولي لو خليتها مثلا ف غطا الشنطة ممكن اوي تتسرق
فانتوا ايه رأيكوا
Content Relevant URLs by
vBSEO 3.6.0 PL2