السلام عليكم كنت عاوز اعرف ايه الزيت اللي احطه لعربيه النترا 2007 ماشيه 100 الف كيلو ..في ناس قالولي موبيل بس انا شايف ان جودته بقت اقل عن الاول كتتير :pffft:
عرض للطباعة
السلام عليكم كنت عاوز اعرف ايه الزيت اللي احطه لعربيه النترا 2007 ماشيه 100 الف كيلو ..في ناس قالولي موبيل بس انا شايف ان جودته بقت اقل عن الاول كتتير :pffft:
و عليكم السلام و رحمة الله و بركاته
حط زيت ليكوي مولي
لو مفيش يبقي شل
بص عمتا لو شاكك فى أى نوع زيت هتعمل الآتى:
- ماتسيبهوش فى العربية كتير يعنى لو زيت 5000 نزله على 3000 ولو 10000 نزله على 7000 أو 8000 بالكتير
- ماتشتريش الزيت غير من بنزينة محترمة أو موزع معتمد لأن المضروب كتير
- تأكد من أن العبوة محكمة ولم يتم فتحها من قبل
- إستخدم فلاتر أصلية أو معتمدة
- يفضل إنك ماتغيرش نوع الزيت اللى بتستخدمها
- يفضل عدم الخلط بين الزيوت المعدنية والتخليقية
- لو بتستخدم زيت تخليقى زى موبيل 1 مثلا يبأا حاول تستمر عليه لأن الزيوت التخليقية بتحافظ على حالة الموتور مهما كان حالته وده عن تجربة ( كنت شارى عربية بولو عاملة 170 ألف كم وحالة الموتور 90% وفضلت معايا 3 سنين وصممت إنى أستخدم زيت تخليقى مع إن صاحبها كان بيحطلها معدنى وعايز أقوللك إنى عملت بيها 100000 كم يعنى وصلت 270ألف كم والموتور بنفس الحالة 90% مع متابعة مقاس الزيت وتزويده فى حالة النقص البسيط ) بس طبعا الموضوع عايز تركيز وصيانة كاملة لكل حاجة أولا بأول
- لا مانع من استخدام إضافات للزيت مثل stp لأن فيه ناس معتقده إنه بس للمواتير المفوته
- لو العربية سخنت منك فى أى مرة هتلاحظ إن الزيت بيتأثر وبالتالى لونه بيبأا داكن ولذلك المحافظة على دورة التبريد وتغيير المياه وطبعا مش من الحنفية مهم جدا
- شفط الزيت أفضل من فتح الطبة وده لإنعدام الضمير عند الصنايعية اللى بيفتوا السن وكمان عدم التفكير فى صيانة الطبة وإحكام غلقها بالعقل
مش عارف إذا كنت أفدت حضرتك بس إبأا طمنا
فالفولين maxlife بيعد 10,000 كم و ال 4 لتر ب 190 جنيه
لو كنت أقل من 100,000 كم كنت synpower 5w-30
فالفولين متجرب و ممتاز
ليكوي مولي ما أفتيش الصراحه
معايا new accent 2011 AT 45000KM
وغيرت ليكوي مولي top tech 5w40 4L قالو بيقعد 15000 كيلو بس غالبا هفكر فيه علي 10000 لسه مش عارف وكان بـ 260 وفلتر 25 وتغيير 10 وتبس 5
بس بصراحه ام الشيل بجد صوت الموتور بقه محترم وهادي عن الاول انا ما مشيتش بيه كتير بس دا انطباع اول 1000 كيلو...
انا بفضل امشى مع الزيت اللى بيشتغل فيه التوكيل
شيل هيلكس
http://img707.imageshack.us/img707/2106/myaccent10.jpg
التوكيل مش هيفرق معاه زيت التوكيل هدفه الربح و ازاي يعمل فلوس !
و الديل شل 5-40 في التوكيل في حين الكتالوج 5-30 !
فالفولين حلو
ليكوي مولي لا أفتي بس قسم نيسان ناس كتير استخدمته و شكروم فيه
انا بقيت محتار فى اراء الناس مش عارف اغير اية للتويوتا من كتير ما كل شوية تلاقية شدك لحاجة اكتر يا ليكوى مولى يا فالفولين