السلام عليكم ورحمة الله
فى حد ليه تجربة فى رفع العربية فى جراج يعنى اخلى بالى من حاجة معينة والتكلفة بتكون ازاى
هل بتتحسب بالشهر ؟؟
هل فى عقد معين بيتكتب ولا الموضوع بيكون ماشى ازاى ؟
وشكرا مقدما
عرض للطباعة
السلام عليكم ورحمة الله
فى حد ليه تجربة فى رفع العربية فى جراج يعنى اخلى بالى من حاجة معينة والتكلفة بتكون ازاى
هل بتتحسب بالشهر ؟؟
هل فى عقد معين بيتكتب ولا الموضوع بيكون ماشى ازاى ؟
وشكرا مقدما
وعليكم السلام ورحمة الله وبركاته
من الواضح من كلامك انك مبتتعاملش مع مكان معين فانصحك:
تشوف واحد جارك او معرفة بيركن فى جراج بقاله مدة وترفعها هناك ويستحسن يكون الجراج مش بعيد عن البيت وتسيبلهم رقم الموبايل ورقم البيت علشان لو احتاجوا حاجة.
موضوع العقد مفتكرش انه بيتكتب(ده كان فى حالتى) على اساس الامانة وان الجراج واصحابه معروفين وبقالهم كتير فى المكان.
العربية تتغسل كويس وتتغطى وتقول لصاحب المكان يدورها كل 10-15 يوم فى الصيف و اسبوع فى الشتا.(تسخين) عشان البطارية متنامش.
الكاوتش لو عاوز تفكه ممكن وتشوف اودة عند صاحب الجراج وتقوله يبقى يقلبهم كل شوية(كل 15 يوم مثلا).ولو مش عاوز تفكه ابقى زود الضغط شوية لحد 40 مثلا وكل فترة ابقى قولهم يحركوها لورا واودام.
لو مش عاوز تسيب المفتاح قولهم ان والدك-اخوك-صاحبك هيجى كل فترة يسخنها ويحركها ويمشى ولكن محدش يخرج بيها غيرى او والدى مثلا.وده عن طريق الاتصال بيهم عشان لو مكانها مزنوق او حاجة.
الحساب بيبقى اقل من المعتاد لانها ولا بتتغسل ولا شغلاهم يعنى مثلا لو الشهرية ب 300 يبقى انت تدفع 180-200 جنيه.
بس كدة مش فاكر ايه تانى.
افادكم الله شكرا على المعلومات
انا استفدت
شكرا
انا بقول بردو مش من المرجح انو يسيب المفتاح
انا هقولك علي حاجه افضل
انت هتشوف جراش او مكان بتاع واحد صحبك او حد من الاقارب او الجيران حد تثق فيه
وتغسل العربيه غسله محترمه وتنشفها كويس جدا جدا جدا و(تقدر تحط شحم علي المناطق الي معرضه للاصابه ببرومه لقدر الله) دي مش متأكد منها
وترفع العربيه عن الارض ممكن تحط تحتها طوب من الي هو الابيض الكبير طوبتين كويسين
وبعدين تروح فاكك البطاريه وتقفل المكان كويس بحيث ميدخلش اي حيوانات قطط او فران او ما شبه
وتوكل علي الله
الكلام دا من واقع تجربه كان واحد قريبا رافع عربيته عندنا وبيسبها بالـسنتين والتلاته مكنها
وكان لما بينزل كان بيجيب الميكانيكي معاه يركب البطاريه وياخد الكاوتش ينفخه وينزل العربيه ويتكل علي الله
اه فضي العربيه من البنزين
الف مليون شكر ليكم ولمجهودكم ... جزاكم الله كل خير وربنا يبارك لكم فى سيارتكم جميعا