عرض للطباعة
انا عاايز اعرف راي الاعضااء هنا في المنتدي
لو مثلا العربية عايزة تغير زيت يعني امشي علي الزيت 2000 كيلو زيادة
و لا لو المتور مفيهوش زيت
انا راي ان لو العربية مفيهااش زيت المتور يقفش انما لو عايزة تغير زيت صوت العربية ممكن يعلي السحب ميبقااش كويس ...ممكن نتناقش في الموضوع دا ...هو موضوع قديم بالنسبة لاعضااء و ممكن يكون جديد بالنسبة لاعضااء تانية ارجو التفاعل و الرد
انا ما عرفش تفسير دقيق للموضوع ده
بس اعتقد الفكرة ان الزيت بيكون فقد كل خواصه ، زي اللزوجة وقدرته على التبريد، كمان بتزيد قابليته للتبخر والاحتراق ، ومع وجود الشوائب والكربون الوضع بيبوظ من كل ناحية لحد ما يبقى زي قلته تماما والموتور يقفش كأن المكنة مفيهاش زيت خالص
اللى يخلى الموتور يقفش
ان الزيت يخلص منه
او ينقص منه و يبقى مفيهوش لزوجه علشان مش هيغذى باقى اماكن الموتور
زى مثلا الكرنك
لكن لو العربيه فيها زيت حتى لو بقاله كتير فيها
ده ميخليش الموتور يقفش
بس لو انت مبتكبس عليها او تجرى بيها بلزيت المحروق ده
لكن لو جريت بيها بلزيت المحروق العربيه هتلاقيها بتسخن معاك فوق الطبيعى بكتييييير
و ده هيسببلك ضرر لحاجات تانيه كتير جداااااا زى الصبابات ووش السلندر
تحياتى ليك
^_^
انا مرة سمعت ان عدم تغيير الفلتر لفترة طويلة حتى لو تم تغيير الزيت ممكن يخلى الموتور يقفش
هل الكلام ده صحيح ؟
هو ده الكلام المظبوط والمفيد لو الزيت قديم ومافيهوش لزوجه الحديد هايحك في بعضه ويحصل فيه تآكل لكن عدم وجود زيت مع اول دواره هاتلاقي الموتور قفش بعيد عنك وعن السامعيناقتباس:
المشاركة الأصلية كتبت بواسطة ahmedeihab
احنا ممكن نسميها ايه اللي يخلي الموتور يرزع او صوته يخشن او ينقر
لكن يقفش دي صعبة اوي لان دي مرحلة متاخرة جدا لازم يمر بشوية اعراض قبل ما يوصل للقفش
كل موتور عربية بيبقى مدعم من الصانع باستخدام نوعية معينة من الزيوت و لزوجة معينة و تحمل درجة حرارة معينة و تحمل عدد لفات موتور معينة
يعني قد يكون زيت جديد ولاكن غير الموصي بيه من الشركة المصنعة للمحرك و يكون المحرك ده مثلا رياضي بيوصل ل 9000 rpm و الزيت ده مثلا بيستحمل لحاد 6000 rpm , يقوم لما توصل بيه ل 9000 rpm يفك و خصائصة تروح و يبقى عامل زي المية و طبعا ده حياثر جدا عالكرنك و على اجزاء المحرك و يبتدي صوت المكنة يعلى و مايبقاش ناعم الى ان تبدي المكنة تنقر و ترزع لان و مع الاستمرار حتقفش
دا مثال بسيط وقيس على كده بقى يعني مش شرط يكون زيت قديم او مفيش زيت , طبعا مفيش زيت دي يعني المكنة انتهت و حتقفش
شكرا لكل الناااس المحترمة اللي ردت علية نااس محترمين يجد يعني لو 2000 3000 كيلو زياادة علي المعدل الطبيعي للزيت ميخلهوش يقفش ولا يحصلة حاجة !!!
لو تقصد متى يتم تغيير الزيت ....
يتم تغيير الزيت طبقا لأمرين :
1- عدد الكيلومترات المقطوعة ( حسب توصية صانع الزيت )
2- المدة الزمنية التى يقضيها الزيت داخل المحرك ( 6 شهور للزيت المعدنى و سنة للتخليقى )
أما عن نفسى .. باشوف اللزوجة و الزيت جديد
و بتأكد منها كل فترة .. لو حسيت أن الزيت بقى خفيف و محروق , أقوم بتغييره
بما لا يتجاوز المحددات الزمنية المشار إليها
آخر زيت استخدمته كاسترول ايدج سبورت
تخليقى , تعبئة الإمارات , 10w60
حتى الآن بعد 4 آلاف كم اللزوجة جيدة
بصوا يا جماعة ....
وحدة أو بالمعنى الدقيق الجزء من المحرك المسئول عن توليد الحركة هو السلندر ودة بيتكون من بستم ( beston )وهو جزء أسطواني به ثلاث تجاويف أو أخاديد ( grooves) كل أخدود به حلقة معدنية ( o-ring) غير مكتملة الإستدارة تسمى شنبر يتحرك داخل أسطوانة تسمى قميص أو شميز ( ولا أعرف ترجمة الكلمة ) حركة ترددية ( لأسفل ولأعلى ) لأسفل نتيجة الحريق الذي يحدث بغرفة الحريق في أعلى البستم .. ولأعلى نتيجة الحريق الذي يحدث في البستم الآخر بسبب التصميم الخاص لعمود الكرنك ( والذي يحول أيضاً الحركة الترددية للبساتم إلى حركة دائرية بسبب نفس التصميم ) ...
يبقى كدة عندنا ثلاث مكونات :
بستم : بيتحرك لأعلى ولأسفل داخل الشميز
شنبر : محاط بالبستم وبالتالي يتحرك مع البستم داخل الشميز صعوداً ونزولاً
شميز : يتحرك به البستم المحاط به الثلاث شمايز
ونتيجة الحرارة العالية جداً الناتجة عن الحريق يحدث تمدد لكلاً من الشميز والشنبر ...
فإذا إنعدم الزيت تماماً ( وهو عنصرتقليل الحرارة الناتجة عن الإحتكاك والمساعد مع دورة التبريد في تقليل الحرارة الناتجة عن الإشتعال ) نتيجة لكسر في طبة الزيت نتيجة مطب مثلاً أو لكسر في كرتيرة الزيت ( الوعاء الحاوي للزيت ) أو حدث نقص في الزيت عن الحد المسموح به ...
يحدث أن يتمدد الشنبر بمعامل أعلى من تمدد الشميز ويؤدي إلى إلتصاق الشناير الإثنى عشر في الأربعة شمايز ( 3 شنابر لكل شميز ... ) وهو ما يعرف بأن الموتور قفش
هذا هو رأيي الشخصي ( قابل للصواب والخطأ ) والذي كونته من خبرتي السابقة من ثلاث عمرات للموتور ودراسة مستفيضة لأجزاء المحرك
وتقبلوا مروري ...
تحياتي
عند قطع كيلومترات أكثر من الموصى بها
يفقد الزيت لزوجتة مما يؤدى لأضرار بالمحرك
و يؤدى لقصر عمر المحرك بشكل درامى
آسف .. كنت فاكرك تقصد توقيت تغيير الزيت
اللي ممكن يخليه يقفش
لو طرمبه الزيت وحشه او ضعيفه او باظت
او لو مفيش زيت نهائي
بعيد عن الزيت ..
لو أصبح الرادياتير خالى من المياه لأى سبب ولم ينتبه السائق لمؤشر الحرارة ، الموتور هيقفش ..
حصلت مع زميل.
صح برضةاقتباس:
المشاركة الأصلية كتبت بواسطة Egyzizo
اقتباس:
المشاركة الأصلية كتبت بواسطة ahmed_mido1889
فعلاً كل دي أسباباقتباس:
المشاركة الأصلية كتبت بواسطة Egyzizo
:S_thum1[1]:
يفضل تغير الزيت بعد عدد الكيلومترات المحددة للزيت
ولكن السؤال الاهم هل فعلا كل الزيوت زي بعضها ؟؟؟
دي قالها لي الميكانيكي قالي ( موبينيل - اسو - التعاون ) كلة زي بعضة
يرجي معرفة رد الخبراء في الموضوع دة
لسه المتور قافش عندي من إسبوع كانت طرمبة الزيت عايزة تتغير وأنا نفضت للموضوع وعدت سنة كاملة عالحال ده لحد أما المتور قفش
فتحته لقيت السبيكة سايحة عالكرنك وماسكة في وده سببب من ضمن أسباب قفش المتور
+11111اقتباس:
المشاركة الأصلية كتبت بواسطة ahmed_mido1889