هو اية اللي يخلي متور العربية يقفش !!!

**amrelsaqqa** · 01-03-2012 04:14 PM

المشاركة الأصلية كتبت بواسطة hoky

ساعات برضه بيقفش لما حد يقولو حاجه تضايقو

**MASERATI** · 01-03-2012 08:37 PM

المشاركة الأصلية كتبت بواسطة mohamed_rhem

وممكن لو جاي من مشوار طويل يعني 500 كم فما فوق وبطلت العربية مرة واحده يعني مسبتهاش تبرد علي السلانسية شويه الموتور يقفش وده شائع جدا خصوصا في العربيات السولار

السلام عليكم و رحمة الله و بركاته

دى معلومة جديدة فعلا.

السؤال بأه, أمشى عالسلانسية أد ايه و على كام تقريبا, العربية بنزين, مش سولار.

ألف شكر يا فندم.

**Dr'AhmZZong** · 01-03-2012 11:02 PM

المشاركة الأصلية كتبت بواسطة Kareem Fawzy

الموتور يقفش فى حالة انه دار من غير زيت
لاكن لو الزيت مشى فترة طويلة اكتر من اللازم
بيفقد خاصيته فى اللزوجة
وبيبقى عامل زى المية وبالتالى الاحتكاك بيزيد جداً لانك حاطط حديد على حديد وبالتالى نسبة تآكل اجزاك المحرك بتزيد جداً وطبعاً اللى بيتآكل هو البساتم والشمايز وبالتالى كبس الموتور بيقل جداً وندخل فى مرحلة ان الموتور عايز عمره
بعديها بفترة لو كملت على الزيت دة الزيت بيبقا سايل جدا وملوش اى لازمة وبردو ممكن يوصل الموتور لمرحلة انه يقفش

كمان فى عامل مهم قوى وهو انك تمشى بالعربية من غير مياة
لان المية هى العامل الرئيسي فى تبريد الموتور
طيب لو مفيش مياة العربية بتسخن جامد بتالى الزيت بيسخن ولما بيسخن بيبقا عامل زى العسل لما نحطه فى الميكرووويف بيبقا عامل زى المية بيحصل ان الموتور يجيب جوان وش سلندر وبعد كدة الزيت بيسخن طبعاً وبيفقد بردو خاصية اللزوجة ونرجع للى شرحناه فوق من تانى

**moh19227** · 02-03-2012 01:32 PM

المشاركة الأصلية كتبت بواسطة mohamed_rhem

وممكن لو جاي من مشوار طويل يعني 500 كم فما فوق وبطلت العربية مرة واحده يعني مسبتهاش تبرد علي السلانسية شويه الموتور يقفش وده شائع جدا خصوصا في العربيات السولار

بص يا باشا انا اسمع الكلام ده ف العربيات الجاز وفي العربيات التربو ومش كل التربو كمان علشان العرييات التربو الجديده مبتحتاجش انك تقف شويه سلانسيه قبل متبطل
لكن في البنزين اول مره اسمع الكلام ده
دا في عربيات مش فاكر نوعها ايه تقريبا اوبل المروحه بتفضل شغاله بعد متبطل العربيه علشان تبرد الموتور