الموضوع: اللى استعمل جالكسى نوت يدخل

المشاركة الأصلية كتبت بواسطة ahmed_nubira

ممكن اعرف صناعه تليفونك ايه !!!!

التليفون صناعة صينى

لان الكلام دة مش موجود فى النوت نهائى
انا جربت تليفونات اندرويد كتير ومنهم ال gs2

وشايف ان النوت سماعته قويه جدا جدا جدا جدااااااااااااااااااااا والسبيكر عالى ودة شىء ادهشنى يعنى

السماعة قوية فعلا وانا قولت السبيكر مش السماعة، وانا بقارن بينها وبين النوكيا الn8 مثلا، وبعدين انا مشيلتش غير سامسونج طول عمرى والاسبيكر بتاع السامسونج مش قوى على فكرة.


بالنسبه للبطاريه من افضل الموبيلات الاندرويد وخلى بالك البروسيسور 1.4 dual والشاشه كبيره

البطارية قوية وكل حاجة وانا قولت انها بتقعد معايا اكتر من يومين مع الاستخدام الخفيف، لكن انا استخدامى heavy للتليفون كا تصفح وجى بى اس وده بياكل البطارية مش بتقعد اكتر من يوم وطبعا ده عشان الشاشة فى المقام الاول والبروسيسور.

التتش بقى مش عارف اقلك ايه :) تحفه بكل المقاييس
انت ممكن تكون مش متعود على التتش مثلا !!؟
انت عندك القلم ممكن تظبط برحتك

التتش بردو انا قولت تحفة وكل حاجة بس انا بستخدم الايميلات كتييييير، وفى امضاء الناس فى الايميل لما احب اعلم على ايميل او رقم تليفون كتييير بيعلم على السطر اللى فوقيه او تحتيه، خد بالك انا بتكلم على تيكست كتيير والفونت صغير وبكون مزووم الايميل.

اما بقى انى مش متعود على تاتش لا يا باشا اطمن :)

القلم فعلا بستخدمه فى المشاكل دى بس مشكلته معايا انه بيجرح الscreen protector

نيجى للتصفح بقى ...... انت عندك اندرويد كام؟ وبتستخدم انهى متصفح ....انا شغال بالدولفن والصراحه سريع جدا جدا وزى الاب توب بالظبط

عندى اندرويد ٢.٣.٦ والمتصفح هو المتصفح الرسمى بتاع الجهاز وهو سريع وكل حاجة، جربت الفايرفوكس مش كويس على الموبايل، على العموم اجرب الدولفين واشوف

عيوب الجهاز من وجه نظرى
1- الحجم زى ماحضرتك قلت مش عملى وانت سايق العربيه (بس انا تعودت عليه)
انا عامل pattern للscreen lock ومعقد كتيييير عشان كده مش سهل وكمان انا جايب الجراب الاصلى بتاعه ومشكلة الجراب انه بيعوق الاستخدام شوية
لكن بستخدمه عادى فى القيادة لكن قريب ها اجيب تورش واخليه للمكالمات والرسائل واسيب النوت للتصفح والمكالمات الشخصية.

2-فضحى شويه يعنى مجرد ما تطلعه فى مكان عام تلاقى 1000 عين عليك ومابالك الابيض بقى ...(انت جبت ابيض ليه :) )
لا عادى انا راجل عملى واللى يهمنى هو رأيى انا مش رأى الناس ومش بيفرق معايا خالص كلامهم.
بس انا معاك جدا ان عيون الناس بتروح كتييير على التليفون.

الابيض شيك جدا على التليفون بس للاسف الجراب اللى جبته بتاع لون تليفونك وان شاء الله اجيب قريب الجراب الابيض

3-بعض العاب ال hd مش بتمشى عليه عشان اختلاف الرزوليوشن

منزلتش العاب عليه لأنى مش من هواة الالعاب، كنت زماااان بس دلوقتى لا.

انما الجهاز كصوت وشاشه وسرعه ممتاز

اراء يا باشا والتليفون ككل حاجة فى الدنيا ليها المميزات والعيوب اللى بتختلف من منظور كل مستخدم

المشاركة الأصلية كتبت بواسطة ahmed_nubira

مشكور على مشركتك الجميله دى
بس انت قصدى انهى سبيكر ؟

السماعه اللى ورا صوتها عالى جدا
انا كان معايا desire صوته واطى جدا بالنسبه لل نوت

العفو يا باشا وانا سعيد بالمناقشة الجميلة اﻷى بتوضح مزايا وعيوب التليفون.

السماعة الخلفية هى اللى أقصدها فعلا بس للأسفمش تنفع كسماعات استريو او انها تقارن بالنوكيا.

على فكره المشاركة دى باستخدام النوت والمتصفح الدولفين