احنا بنجمع اراء للموبايل عشان يكون مرجع لاى حد حابب يشتريه وانا منهم
عايزين الاخوه اللى استعملوه يقولولنا رايهم فيه بصراحة وعيوبه ومميزاته بالتفصيل
وارخص مكان للشراء واسعاره وصلت لفين دلوقتى
عرض للطباعة
احنا بنجمع اراء للموبايل عشان يكون مرجع لاى حد حابب يشتريه وانا منهم
عايزين الاخوه اللى استعملوه يقولولنا رايهم فيه بصراحة وعيوبه ومميزاته بالتفصيل
وارخص مكان للشراء واسعاره وصلت لفين دلوقتى
اهم ميزة و في نفس الوقت أهم عيب
هو الحجم
ميزة لتصفح الأنترنت و الألعاب و عيب كتليفون (مش عملي خالص )
بس هو تحفة فنية رائعة من ناحية السرعة و الشاشة الرائعة و الألوان الزاهية الجميلة و اللمس الحساس الرائع .
بينطبق نفس الكلام على الجلاكسي تاب 7
بس النوت أرحم كتليفون - يعني الحجم برضه أقل شوية و بالتالي عملي أكتر من التاب كتليفون .
التليفون معايا وممتاز ما شا الله
اشكرك للرد اخى العزيزاقتباس:
المشاركة الأصلية كتبت بواسطة tutankhamoun
وانا رحت بصراحة توكيل سامسونج ومسكته هو وال s2 لقيته ضخم بجد ومغرى جدا بس فيه مشاكل ليه زى انى اكون ماشى فى الشارع وبكلم فيه او ماسكه فأيدى بعمل فيه حاجة فشكله واضح ومغرى جدا للسرقه..ده غير ان ولد صاحبى بيقولى يابنى من حجمه ده ممكن يكسر فجيبك نصين لو اتخبط!!!!!او الشاشه تدمر!!!!
بس الموبايل على الودن وانت بتتكلم فرده جزمه :36_1_1[1]:
هو لو كانت الشاشه 5 انش او 4.8 بس كانت تبقى فل اوى بدل 5.3 دى
عايزيين تقييمك يا احمد بمزاياه وعيوبهاقتباس:
التليفون معايا وممتاز ما شا الله
وبرضو ياجماعة محتاجين نعرف اخر اسعار ليه وارخص اماكن بيع ليه
هو ارخص مكان بيع ليه شفته فيها..التميمى فوسط البلد بضمانه 4450 وموقع سوق حد بيبيعه عليه ب 4350 غير كده ملقتش رخيص
ياترى فيه ارخص تانى؟؟
لا فرده جزمه ولا حاجه :)
التليفون كويس فى الايد ومش كبير للدرجه يعنى
اقل سعر ليه 4100 فى السراج بدون ضمان
التليفون هو هو الجلاكسى اس 2 بس اختلاف الحجم والقلم والبروسيسور اعلى
بصراجه افضل جهاز فى السوق وانا مش شايفه عملاق للدرجه خصوصا انى اتعودت عليه
بس بصراحة يا احمد حاسس انه يستاهل ال 4500 بتوعه ولا حاسس انه يتقدر بأقل من كده؟؟
والله يا فندم 4100 مش 4500 هههههههههه
كان فى موضوع برضه قلت فيه ان سعره 4100 والناس مش مصدقه مش عارف ليه....انا كان معايا gs2 وكنت مستكبر حجمه بس جبت النوت عشان شغال نت بيه على طول
كان فيه اللون الابيض واللون الاسود بس الابيض كان اغلى وفضحى شويه فجبت الاسود
التليفون سريع جدا
يعنى غير اى موبيل
سرعة فتح صفاحات النت زى الللاب توب بالظبط
الاندرويد فيه طلقه ما شاء الله
الروم اللى نازل عليه 2.3.6
الكاميرا بتعته خرافه خصوصا على الشاشه الكبيره
التتش طبعا تحفه ومفهوش اى خلاف يعنى
الالعاب جميله جدا بس فى العاب مش بتشتغل عليه نتيجه اختلاف حجم الشاشه واختلاف الروليوشن وطبعا بتكلم على بعض العاب ال hd من شركه gameloft
البطاريه بتعته شديده جدا احسن من الجلاكسى اس 2 اللى بتجرى عشان تخلص
حاطط عليه ابيكيشن كتير جدا ومفيش اى بطىء نهائى
اى استفسار تحت امرك
انت جايبه ب 4100 بضمان ولا من غير؟؟
انا اقصد 4450 بضمانه
حلو الفيديو ومشجع جدا على النوت :)))))
بس انتوا رايكوا الواحد يجيبه بضمانه احسن ب 4450 ولا عادى ب 4000
وشايفين الضمان يستحق ال 450 دول؟؟؟ولا الواحد يوفرهم احسن
اقتباس:
المشاركة الأصلية كتبت بواسطة beshomilan
الضمان ملوش لزمة لو محصلش حاجة للجهاز خلال سنة الضمان
و طبعا هاتعرف قيمته لو حصل حاجة و أحتاجت الضمان و هاتقول يارتني كنت أشتريته بضمان
هي مخاطرة
انا جبته بدون ضمان ب 4100
ودة اقل سعر وصلتله
والحمد لله شغال تمام
بس كان عندى استفسار
انا مش لاقى كبل ال Tv تماما وهو عباره عن حاجه معقده كده زى تحويله
مش عارف اجبها منين لو حد عنده فكره يقول برضه
لان الموضوع دة فى الجلاكسى اس 2 والسينسيشن برضه يعنى نفس كبل توصيل التلفزيون
موقع سوق بيبيعه ب 4250 بضمان سنة من عندهم
مش كابل tv بيبقى كابل hdmiاقتباس:
المشاركة الأصلية كتبت بواسطة ahmed_nubira
و بعد ما تجيبه مش هتستخدمه في حاجة جاي عندي مع الموبيل و ملوش اي استخدام تقريبا و اكيد هتلاقيه في موبيل شوب او راديو شاك
كبل ال hdmi مش بيتوصل على طول على التليفون...لازم تحويله ودى صورتهااقتباس:
المشاركة الأصلية كتبت بواسطة aly_hosny
[url=http://www.google.com.eg/imgres?q=galaxy+s2+tv+out+cable&um=1&hl=ar&sa=N&tb m=isch&tbnid=s6YNUcOECnN2AM:&imgrefurl=http://www.ebay.co.uk/itm/Micro-USB-HDMI-MHL-TV-OUT-CABLE-ADAPTER-Samsung-Galaxy-S2-S11-SII-i9100-/110790836116&docid=iBJwYgbJWZimIM&imgurl=http://i.ebayimg.com/00/s/MTMwMFgxMzAw/%2524(KGrHqF,!o8E63YcC(sRBO6Qe(YGEg~~60_35.JPG&w=3 00&h=300&ei=TYxPT-YLw7uEB5OXkYYM&zoom=1&iact=hc&vpx=508&vpy=137&dur= 2186&hovh=225&hovw=225&tx=142&ty=184&sig=111226201 508692403452&page=1&tbnh=131&tbnw=131&start=0&ndsp =11&ved=1t:429,r:7,s:0&biw=1024&bih=485]
كبل ال hdmi مش بيتوصل على طول على التليفون...لازم تحويلهاقتباس:
المشاركة الأصلية كتبت بواسطة aly_hosny
وياريت الاقي التحويله دى
MHL adapter til Samsung Galaxy S II - YouTube
ما انا فاهم و هسالك عليها واحد صاحبي كان شاريهااقتباس:
المشاركة الأصلية كتبت بواسطة ahmed_nubira
بس فعلا ملهاش اي لازمة
شكرا يا باشااقتباس:
المشاركة الأصلية كتبت بواسطة aly_hosny
بس ليه ملهاش لازمه !!!
هيا فايدتها انك توصل التليفون بالتليفزيون
يعنى ممكن تعرض اى فيلم او فيديو او صور على شاشه كبيره
بس انا حاسس انهم اى كلام وضمانهم ملوش لزمة بصراحةاقتباس:
موقع سوق بيبيعه ب 4250 بضمان سنة من عندهم
هو صناعه النوت عموما ايه؟؟
الجهاز معي من اسبوع ....
حجم الشاسشة هتتعود عليه
تصفح المنتدى سهل وسلس ولكن ليس بسهولة اللابتوب العادي طبعا
الفيس بوك والفرنج والنيمبز والفايبر كلها ماسنجرات صوتية شغالة زي الحلاوة
الواي فاي والجي بي اس تحفة وسريع الإلتقاط للإشارات
يمكن شبك فارة به عن طريق كابل يو اس بي
يمكن شبك يو اس بي فلاش عن طريق نفس الكابل
القلم تحفة في امكانياته ووظائفه
البطارية تخلص بسرعة مع الإستخدام المكثف للواي فاي والجي بي اس
المشكلة الأساسية هي زيادة احتمالية تعرض الشاشة للصدمة بسبب حجمها ولو اتكسرت >>> 1400 ج ثمنها للأسف
الجهاز معايا من اول يوم نزل وللأسف جبته ب٥٢٥٠ جنيه وجبته ابيض عشان الابيض عليه الصراحة حاجة تحفة
كل صحابى شايفين ان شكله كبييير بس خلاص الواحد اتعود عليه وانا اصلا جايبه عشان الشاشة الكبيرة.
مش عملى وانت سايق السيارة
التصفح بتاعه حلو وسريع بس مش زى اللاب توب بردو
حساسية التاتش ممتازة بس ساعات مش بتكون كويسة لما بحب اعلم على سطر معين ساعات مش بيظبط وبيعلم على سطر تانى
البطارية انا شايف انها مش عملية، يعنى مع الاستخدام القوى جدا بتقعد ١٨ ساعة بالكتير وانا جايب التليفون عشان استخدمه كتيير والواحد ينسى ان التليفون ممكن يقعد معاه اكتر من يوم مع الاستخدام القوى.
لكن مع الاستخدام كا تليفون فقط قعد معايا مرة اكتر من يومين
الواى فاى بتاعه اقوى من الواى فاى بتاع الأيبود تاتش
سماعته الاسبيكر مش قوية بالمرة
الهاند فرى اللى جاية معاه صوتها قوى بس يعيبها انا مش بتثبت، يعنى لا ينفع تلفها حوالين الرقبة ولا بيجى معاها مشبك للهدوم.
ممكن اعرف صناعه تليفونك ايه !!!!اقتباس:
المشاركة الأصلية كتبت بواسطة damasry
لان الكلام دة مش موجود فى النوت نهائى
انا جربت تليفونات اندرويد كتير ومنهم ال gs2
وشايف ان النوت سماعته قويه جدا جدا جدا جدااااااااااااااااااااا والسبيكر عالى ودة شىء ادهشنى يعنى
بالنسبه للبطاريه من افضل الموبيلات الاندرويد وخلى بالك البروسيسور 1.4 dual والشاشه كبيره
التتش بقى مش عارف اقلك ايه :) تحفه بكل المقاييس
انت ممكن تكون مش متعود على التتش مثلا !!؟
انت عندك القلم ممكن تظبط برحتك
نيجى للتصفح بقى ...... انت عندك اندرويد كام؟ وبتستخدم انهى متصفح ....انا شغال بالدولفن والصراحه سريع جدا جدا وزى الاب توب بالظبط
عيوب الجهاز من وجه نظرى
1- الحجم زى ماحضرتك قلت مش عملى وانت سايق العربيه (بس انا تعودت عليه)
2-فضحى شويه يعنى مجرد ما تطلعه فى مكان عام تلاقى 1000 عين عليك ومابالك الابيض بقى ...(انت جبت ابيض ليه :) )
3-بعض العاب ال hd مش بتمشى عليه عشان اختلاف الرزوليوشن
انما الجهاز كصوت وشاشه وسرعه ممتاز
اراء يا باشا والتليفون ككل حاجة فى الدنيا ليها المميزات والعيوب اللى بتختلف من منظور كل مستخدماقتباس:
المشاركة الأصلية كتبت بواسطة ahmed_nubira
مشكور على مشركتك الجميله دى
بس انت قصدى انهى سبيكر ؟
السماعه اللى ورا صوتها عالى جدا
انا كان معايا desire صوته واطى جدا بالنسبه لل نوت
اقتباس:
المشاركة الأصلية كتبت بواسطة ahmed_nubira
العفو يا باشا وانا سعيد بالمناقشة الجميلة اﻷى بتوضح مزايا وعيوب التليفون.
السماعة الخلفية هى اللى أقصدها فعلا بس للأسفمش تنفع كسماعات استريو او انها تقارن بالنوكيا.
على فكره المشاركة دى باستخدام النوت والمتصفح الدولفين
الموبايل جديد فى السراج 4200 و بالضمان 4800 و فى موبايل شوب 5250 عشان بتاخد ال 15 يوم استبدال