عربيه محترمه ربنا يوفقك في بيعها
البورا ممتازه لو ساكن ناحيه الهرم في ميكانيكي اسمه ماستر فولكس في المجرز الالي استاذ فولكس
ولو مصر الجديده عندك سمير الي ورا حديقه بدر الاتنين اساتذه في كل شيء
ولو البورا نضيفه متسبهاش بس استحمل قطعالغيار
عرض للطباعة
عربيه محترمه ربنا يوفقك في بيعها
البورا ممتازه لو ساكن ناحيه الهرم في ميكانيكي اسمه ماستر فولكس في المجرز الالي استاذ فولكس
ولو مصر الجديده عندك سمير الي ورا حديقه بدر الاتنين اساتذه في كل شيء
ولو البورا نضيفه متسبهاش بس استحمل قطعالغيار
ربنا يوفقك و يعمل إلي فيه الخير ليك
تصدق زعلتني منك .. مش هاخدك معايا أي مقابلة تاني .....
يا راجل يا طيب تبيع صني زيرو 2010 .. عشان بورا ولا بؤرة ديه 2002 .. حرام عليك
و كمان الألماني مقرف في قطع الغيااااااااااار ..
أتمنى إنك تصلي صلاة استخارة كده و إن شاء الله تكون الاجابة صني ...........
والله ياعم محمد مش عارف اقولك ايه بخصوص البورا دي لاني ركبت باسات 99 و الشكل ده او بمعني اخر الصالون ده سواء الباسات او الجولف 4 او البورا او الباسات 2002 كمان كان فيها مشكله بالنسبالي و بالنسبه لمالكيها و الناس بتبيع العربيه بسببه و هو ان الصالون (البلاستيكات اللي فيه) و الكلبسات و كده مع الوقت بتقدم و بيبقي فيها بوووووش فهتلاقي الصالون كله بيزيق مع المطبات و ده مثير جدا للاعصاب مع الوقت و كالكيها مش لاقين لها حل حتي الان علي ماظن
انا الباسات اللي كانت معايا بتاعة واحد صحبي ايام من ثانوي فبايت فيها و سوقتها كتييييييييييييير طبعا لونها كموني كانت جمرك القاهره لانه سوري و كانت العربيه دي جايه من السعوديه تقفيل برازيلي موتور 2000 سي سي 4 سيلندر 20 صباب
كل الفئات دي من العربيات فيها المشكله دي حتي خش قسم الفولكس و شوف المواضيع اللي معموله عن الحته دي
عموما ربنا يكتبلك اللي فيه الخير
ربنا يباركلك فى عربيتك سواء النيسان او البفولكس بس سعر 77 الف كتير حبه مقارنه بالزيرو 85 الف تقريبا يعنى انا ازود 10 واركب زيرو - مجرد راى
اعتقد ان السعر قليل شويه
تصحيح .. اول فئة من الصنى مانيوال بدون abs دلوقت عاملة 89 الف ج
واللى بعدها بabs ب92 الف ج
يعنى الفرق بين الزيرو والمستعمل 92-77=15 الف ج بحالهم
انا شايف انه سعر معقول خاصة بعد زيادة سعر الزيرو
وعلى فكرة انا عربيتى استلام 6 - 2010 مانيوال اول فئة بدون abs نبيتى فرش بيج ماشية 64.000 كم - صيانات بالتوكيل - كاوتشات جديدة (تم تغييرها عند 50 الف كم) - فرش جلد جينز كار - حالة الموتور والفتيس والعفشة ممتازة - فابريقة بالكامل (بها خدوش بالاكصدامات) .. ولو بابيعها مش هاتنازل عن 75 الف ج ولا مليم
ياخوانا شاكر ليكم جدا تم البيع