عايز أجيب فردتي كاوتش لعربية ريجاتا 84 ما هو أفضل مقاس للكاوتش وأفضل نوع والسعر كام لاني بصراحة مركب ليها تشكيلة مقاسات 185\70\13 وفي 175\70\13
عرض للطباعة
عايز أجيب فردتي كاوتش لعربية ريجاتا 84 ما هو أفضل مقاس للكاوتش وأفضل نوع والسعر كام لاني بصراحة مركب ليها تشكيلة مقاسات 185\70\13 وفي 175\70\13
أفضل نوعين جى تى و كومهو
المقاس المركب عندى فى سيارتى الريجاتا 175/70/13
و يمكن تركيب 185 بشرط زياده العرض + قوه تحمل العفشه لان العربيه عاليه شويه و التحميل هيكون جامد
السعر فى حدود 230 للفرده قابله للزياده عشره جنيه مثلا
انا ارشح لحضرتك محل اسمه اسمه مركز الفردوس فى العباسيه ش احمد سعيد بعد المستشفى الجوى على الشمال و ميزته انه عنده كاوتش كذا نوع تقدر تختار منهم + مكنه ترصيص و زوايا + جنوط
بس أنا سمعت إن بريدجستون وبريللي وجوديير أفضل بس أنا في السويس وما أعرفش الاماكن دي يا باشا
أنا مركب نانكانج 175/70/13 منذ سنتان و الأداء ممتاز
السعر الآن فى حدود 220 جنيه للفردة الواحدة
البيريللى طبعا ممتاز لكن سعره مرتفع
أهم حاجة الإلتزام بالمواصفات الموجودة فى كتالوج السيارة
175/70/13
13 .175/70
و لو عاوز تزود ثبات شويه بس الدركسيون حيتقل حاجه بسيطه و مش حياثر علي العفشه في شئ يبقي 13. 185 /70 حيبقي ممتاز جدا برضه.
بالنسبه للانواع طبعا الجوديير و البريلي و الكونتننتال لا يعلي عليهم بس اسعارهم غاليه جدا
و المقاسات دي مش حتلاقي بيرللي حلوه حتلاقيه عادي لا سرعات و لا كلام من دا.
يبقي هات اندونيسي جميل جدا و بيستحمل و طري
و انا مركبه في السويفت و مفيش منه اي مشاكل.
طيب يا ريت يا أستاذ حازم لو بريدجستون أندونيسي سعره كام تقريبا ويعني إيه عادي أنا عايز تيوبلس يعني إيه سرعات
بالنسبه للاسعار بصراحه ما اقدرش افيدك لاني بقالي فتره ما غيرتش:).
الكاوتش السرعات يعني بيبقي ليه سرعه قصوي يتحملها
و نقشه معينه لتوزيع الميه من داخل الكاوتش علشان يزود الثبات و يقلل زمن الفرامل
و حاجات كتير من دي.
اما بالنسبه للتيوبلس ف دا حيرجع لحاله الجنوط عندك
لو الجنوط كويسه ركب تيوبلس عادي و خلي بتاعك لكاوتش يشوفهم و لو فيهم استعدال بسيط استعدلهم و ركب مافيش مشاكل
ارشح لك جى تى 175-70-13
ميزة جى تى انه تصنيف A فى الجر ودرجة الحرارة وبسعر معقول
بالفعل ممكن تجيبه من عند مركز الفردوس لكن انصحك لو هتشترى من عندهم ادفع تمن الكاوتش وخده وامشى و متركبش عندهم وروح ركب عند اى محل كاوتش نضيف ورايق ، هم عندهم كل اصناف الكاوتش وباسعار معقولة، لكن الزحام الشديد عليهم مخلى خدمة التركيب والترصيص عندهم سيئة جدا، والصنايعية مغرورين جدا وبيتعاملوا مع الزباين كأن الزبون بيشتغل عندهم، كما انهم هم المكان الوحيد فى مصر اللى بيحاسب الزبون على خدمة تركيب وترصيص كاوتش جديد مباع من عندهم، فطالما الأمر حساب بحساب لأ الأفضل انك تتعامل معاملة كويسة